وقفة ضد عيوب الإليزيه

**islam.afifi** · 06-09-2013 01:53 AM

المشاركة الأصلية كتبت بواسطة د عمرو العمرجى

أضم صوتى إلى الأستاذ leitosr و من شاركه الرأى
لا تضيع و قتك يا أستاذ إسلام
و عندنا فى مصر لا يوجد شئ إسمه مؤسسة أو مكان ناجح و مكان فاشل
ولكن يوجد شخص ناجح و آخر لا يفهم شيئا
ففى نفس المكان قد تجد شخص يفكر و يصل لحل المشكلة و آخرين كبروا دماغهم
و يجوز أنهم فى أبو رواش -أو هذا المهندس أحمد فوزى- قد توصل لحل للمشكلة
و أنا لا أستبعد أنهم لجاوا للشركة الأم فورا و لكن الكبرياء المصرى منعهم من ذكر ذ لك و بنفس الكبرياء و خوفا من رد فعلك لن يتصلوا بك بسرعة إذا تبين لهم حل و تفسير للمشكلة
بالعكس هذا سيقوى موقفك أمام الجهاز فى شكواك لأنك لن تترك لهم فرصة الدفاع أمام الجهاز بأن يطلبوا منه أن تتجه لأبو رواش و سيفعلو ذلك بمماطلة و بطء

الفكرة اني مش واثق فيهم لأنهم قالوا اخر مرة انهم عملوا تحديث للسوفت وير
و لما الوالد راح و سالهم عملتوا ايه قالوا معملناش حاجة
يعني تضليل في الكلام
و انا همشي مع حماية المستهلك و لو قالي ان التوكيل وصل لحل للمشكلة يبقى اروح للتوكيل و ساعتها التوكيل هيحل الموضوع و هو عارف ان جهاز حماية المستهلك بيراقبه و بالتالي مش حيتهاون
انا توكلت على الله مع أحمد و محمد عبد العزيز و ان شاء الله ربنا يكون في عوننا و نوصل لحل للمشكلة

**mohamed zizo** · 06-09-2013 05:25 AM

المشاركة الأصلية كتبت بواسطة islam.afifi

طيب و احنا مش معترضين على صوتها
الإعتراض هو على الكركرة لما بنشغي التكييف في الزحمة
يعني هنجيب عربية و نقفل التكييف في عز الحر ده

و الرجة في الزحمة برضه قصة تانية

وغير الكركرة كمان بيفصل التكيف لمده بسيطة ويرجع تانى وافتكر ده مش طبيعى فى العربيات انه يفصل ويرجع يشتغل تانى

**mohamed zizo** · 06-09-2013 05:34 AM

المشاركة الأصلية كتبت بواسطة leitosr

من غير ما ينزل ومن غير ما تبص يا عمرو, العربيتين واحد وأحنا أتكلمنا في الموضوع دا قبل كدا,
نفس الميكانيكا كلها ونفس العفشة, والأتنين خارجين من مصنع واحد,
ولما بتيجي تجيب لاي واحدة فيهم قطع غيار الأتنين قطع الغيار فيهم واخدين نفس البارت نمبر.

عشان كدا أنا برجح أنها مشكلة سوفتوير خاص بستروين أكتر من ما نقول مشكلة كومبريسور,
عشان لو كانت مشكلة كومبريسور أو جزء ميكانيكي تاني كانت ظهرت في البيجو,,

واللي أأكد لي دا أكتر إن أستاذ إسلام عفيفي, بيقول إن العيب الجديد ظهر بعد أبديت السوفت وير,
فاواضح إن فيه مشكلة عند سيتروين في السوفت وير بتاعهم, و bug عايزة تتعالج.

لأنها مش موجودة في بيجو,, ولو سيتروين مصر محلتش المشكلة للناس هنا وأهتمو بيها,,
لازم يراسلو سيتروين فرنسا ومصانع psa في أسبانيا بالمشكلة وبشكاواهم في جهاز حماية المستهلك,
عشان هما هناك اللي هيعملو الأبديت اللي يحل العيب دا ويبعتوه لسيتروين مصر,
مش هنا اللي هيحلوة ليهم..

أنا مستبعد الموضوع دا, لأن العربيتين خارجين مصنع واحد ومتشاركين في كل الأجزاء الميكانيكة,
وأنت من كلامك بما إن المشكلة زادت بعد السوفت ويير, يبقي العيب في الغالب منه.

ياباشا انا عايز توضحلى يعنى ايه سوفت وير خاص بستروين هما مش مفروض انهم من مصنع واحد واكيد المصنع عامل نفس السوفت وير للعربيتين ؟؟؟؟؟
وللعلم انا من المجموعة اللى عملت شكوة مع اسلام
وياريت حد يقولنا ازاى نرسل الشكوى ستروين فرنسا والمصنع فى اسبانيا

**mohamed zizo** · 06-09-2013 05:45 AM

المشاركة الأصلية كتبت بواسطة mohab.nabil

انا رأيى زى رأى الاستاذ leitosr

ممكن تروحوا انتوا التلاتة و تجربوا الابديت الجديد و كده تبقى المشكلة اتحلت و تستمتعوا بالعربية

لأن فعلا الموضوع ده مش هيفرق مع التوكيل فى حاجة لأن ببساطة احنا فى مصر و للاسف الزبون دايما مش على حق عكس باقى البلاد المحترمة

للعلم احنا الثلاثة عملين الابديت الجديد ... يعنى من الاخر هما عملوا اخر حاجه ممكن يعملوها او على الاقل عملوا اللى هما حافظينه لان الظاهر انه توكيل حافظ مش فاهم ... وكده يبقئ حماية المستهلك بالنسبة لنا هو الحل الوحيد باذن الله لحل المشكلة

**seeworld** · 06-09-2013 09:45 AM

انا روحت ابو روش يوم الاثنين ياجماعة يعنى ممكن يكون فعلا الابديت بتعكم قديم لانى انا اول لما روحت كنت شديد معاهم وقولتلهم انى قريت على المنتديات نفس المشكلة وان الناس راحت اكتر من مرة ومفيش فايدة قالولى لاء خلاص المشكلة اتحلت فعلا وجرب بنفسك
وفعلا انا طولت شوية عندهم بس خدت العربية وجربتها والطريق طبعا كان زقت على المحور والدائرى وكنت مشغل التكييف والطريق واقف واستجابتها تمام لدرجة انها بقيت طبيعية جدا بمجرد لما اشيل رجلى من على دواسة الفرامل تمشى لوحدها مش لازم حتى ادوسلها بنزين علشان تتحرك والتكييف اداءه ماشاء الله مع السحب دلوقتى
اما موضوع الكركرة دا مش حصلى لغاية دلوقتى بصراحة يمكن يكون بنزين مغشوش او فيه شىء عما مش هتخسر حاجة لما تروح الفرع دا وتعمل الابديت وتجرب للمرة الاخيرة وانت كدا كدا ماشى فى شكوتك ولا اية ؟؟

**Hany Saad** · 06-09-2013 11:23 AM

المشاركة الأصلية كتبت بواسطة mohamed zizo

وغير الكركرة كمان بيفصل التكيف لمده بسيطة ويرجع تانى وافتكر ده مش طبيعى فى العربيات انه يفصل ويرجع يشتغل تانى

تعليق بسيط أستاذ محمد لو سمحتلى على موضوع " ده مش طبيعى فى العربيات أنه يفصل و يرجع يشتغل تانى"

التكييف طبيعى جدا أنه يفصل و يرجع يشتغل تانى....ده الطبيعى بتاعه و فى عربيات كتير كده و خصوصا الأوروبى....حضرتك التكييف بيفصل فى حالة من أتنين:

1-أنك تكون مقلل ضبط درجة الحرارة بتاعتة...يعنى لو الساقع لونه أزرق، حضرتك مش مختار اللون الأزرق للmax...أو بمعنى أخر مش طالب أقصى كفاءة منه ده فى حالة التكييف البكر...أو لو عندك تكييف كليماترونيك بتكون جايب درجة الحرارة على 24 مثلا فبيفصل عند الوصول لهذه الدرجة و يرجع يشتغل تانى لو زاد عنها

2-الأحتمال التانى للفصل هو أن يكون التكييف ساقع جدا و مواسير التبريد قاربت على التجمد و حضرتك مش ضابط المروحة بسرعة مناسبة لهذه السقوعية....يعنى مسقع على أقل حاجة و عامل المروحة على أقل درجة أو تانى درجة....يوجد حساس تجمد المواسير بيفصل لحماية المواسير من التجمد فى هذه الحالة....

جرب للتأكد أنك تختار أقل درجة حرارة ممكنة (أسقع حاجة)، و تظبط أن الهواء يجى من خارج السيارة مش وضعية تدوير الهواء داخليا و أظبط المروحة على أعلى درجة....لو فصل التكييف أختفى أو قل بدرجة كبيرة جدا يبقى تكييف حضرتك زى الفل...أما لو لم يحدث تغيير يبقى فى مشكلة

أعتقد أنك تكييف حضرتك مفهوش مشكلة لأنه لو كان بايظ (ضغط فريون مش مظبوط أو أى عطل أخر...) و فصل مش هيرجع يقوم تانى إلا لما تطفى التكييف و ترجع تشغله تانى...

إن شاء الله مشاكلك أنت و باقى الأعضاء المحترمين تتحل قريبا

**Hany Saad** · 06-09-2013 11:35 AM

المشاركة الأصلية كتبت بواسطة seeworld

انا روحت ابو روش يوم الاثنين ياجماعة يعنى ممكن يكون فعلا الابديت بتعكم قديم لانى انا اول لما روحت كنت شديد معاهم وقولتلهم انى قريت على المنتديات نفس المشكلة وان الناس راحت اكتر من مرة ومفيش فايدة قالولى لاء خلاص المشكلة اتحلت فعلا وجرب بنفسك
وفعلا انا طولت شوية عندهم بس خدت العربية وجربتها والطريق طبعا كان زقت على المحور والدائرى وكنت مشغل التكييف والطريق واقف واستجابتها تمام لدرجة انها بقيت طبيعية جدا بمجرد لما اشيل رجلى من على دواسة الفرامل تمشى لوحدها مش لازم حتى ادوسلها بنزين علشان تتحرك والتكييف اداءه ماشاء الله مع السحب دلوقتى
اما موضوع الكركرة دا مش حصلى لغاية دلوقتى بصراحة يمكن يكون بنزين مغشوش او فيه شىء عما مش هتخسر حاجة لما تروح الفرع دا وتعمل الابديت وتجرب للمرة الاخيرة وانت كدا كدا ماشى فى شكوتك ولا اية ؟؟

أعتقد حضرتك أنهم فى السوفت ووير علالك ال idle speed يعنى بالبلدى أدالك سنة بنزين للعربية أو على الموتور سنه زى ميكانيكية زمان ما كانوا بيعملوا....و ده سبب تعليق حضرتك فوق أن العربية بتمشى لوحدها لما تشيل رجلك...

العيب ده برده موجود فى الأوبل أسترا الحديثة و التوكيل بيحله بنفس الأسلوب أنه يعلى ال idle speed علشان كل الأعراض دى تروح....يعنى لو ال idle speed المفروض تكون مظبوطة عند 780 rpm هو بيخليها 850 أو 900 rpm

عيب الموضوع ده فقط أن أستهلاك البنزين عندك هيعلى شوية.....و لكنه هيضيع إحساس الكركرة لأنك و كأنك دايس بنزين على طول

**Ahmed Amin** · 06-09-2013 12:19 PM

المشاركة الأصلية كتبت بواسطة Meggieboy

أعتقد حضرتك أنهم فى السوفت ووير علالك ال idle speed يعنى بالبلدى أدالك سنة بنزين للعربية أو على الموتور سنه زى ميكانيكية زمان ما كانوا بيعملوا....و ده سبب تعليق حضرتك فوق أن العربية بتمشى لوحدها لما تشيل رجلك...

العيب ده برده موجود فى الأوبل أسترا الحديثة و التوكيل بيحله بنفس الأسلوب أنه يعلى ال idle speed علشان كل الأعراض دى تروح....يعنى لو ال idle speed المفروض تكون مظبوطة عند 780 rpm هو بيخليها 850 أو 900 rpm

عيب الموضوع ده فقط أن أستهلاك البنزين عندك هيعلى شوية.....و لكنه هيضيع إحساس الكركرة لأنك و كأنك دايس بنزين على طول

أو ممكن نقول إن السوفت ويير ظبطها علي الطبيعي بتاعها, وإنها كانت مأخرة عشان كدا حصلت الكركرة.
لان في أكتر الأوتوماتيك و في البيجو وحتي الانسر لما بديها D بتطلع وتتحرك من اير ما أدوس بنزين,, بس بتتحرك هادية جداً,, سرعة الأيدل بتاع. ويمكن دا اللي اتظبط عند seeworld.
علي عكس ماسمعت ناس قبل كدا في المنتدي إن في ناس لما بيجيبو الربية عال D مش بتتحرك إلا أما يدوسو بنزين.!!

**Hany Saad** · 06-09-2013 01:05 PM

المشاركة الأصلية كتبت بواسطة LeitoSR

أو ممكن نقول إن السوفت ويير ظبطها علي الطبيعي بتاعها, وإنها كانت مأخرة عشان كدا حصلت الكركرة.
لان في أكتر الأوتوماتيك و في البيجو وحتي الانسر لما بديها D بتطلع وتتحرك من اير ما أدوس بنزين,, بس بتتحرك هادية جداً,, سرعة الأيدل بتاع. ويمكن دا اللي اتظبط عند seeworld.
علي عكس ماسمعت ناس قبل كدا في المنتدي إن في ناس لما بيجيبو الربية عال D مش بتتحرك إلا أما يدوسو بنزين.!!

عزيزى المحترم Leito SR ....طبعا وارد جدا اللى حضرتك بتقوله...ساعتها يبقى فيه كام عربية الIDLE بتاعهم مش مظبوط و رفعه هيظبط القصة
يمكن أنا عندى تفسير أخر بعد أذنك مبنى على السيتروين و الأسترا....و هو البنزين....البنزين فى أوروبا الردئ هو 95 أوكتين خالى الرصاص و النظيف هو 98 أوكتين خالى الرصاص...على فكرة اللتر عندهم بحوالى 1.69 Euros

فكرة أن العربية تكون نازلة من مصنعها مش متظبطة و خصوصا لو عربية أوروبى يمكن تكون صعبة شوية و ذلك نتيجة أختبارات الجودة العالية فى مصانعهم و لكن ما أعتقده هو أن العربية ليها IDLE SPEED معينة مظبوطه عليه بناء على البنزين المستخدم هناك...95 فى أسوء الظروف و 98 فى المعتاد...طبعا 95 و 98 بتاع أبوه مش مضروب يعنى....

ظبط الIDLE بيفرق فى إستهلاك البنزين و إنبعاثات الCO اللى هما النسبة ليهم أهمية قصوى قصوى فى أوروبا....لاحظ أن إختبار الأنبعاثات بيتم و يقاس عند ال IDLE SPEED و العربية ممكن ترخيصها يترفض فى هذه الحالة....

طبعا فى أم الدنيا نوعية البنزين زى ما اللبنانية بيقولوا "غير شكل"

.....و الكركة KNOCKING وارد...الحل....أرفع سنة البنزين فى الIDLE....
اللإستفادة....عالجنا الكركرة

العيوب....إستهلاك بنزين أعلى و إنبعاثات أعلى

الموضوع: وقفة ضد عيوب الإليزيه

LinkBack

أدوات الموضوع

عرض

-

-

-

-

المواضيع المتشابهه

الإليزيه هتجنني !!!!!!!!!!!!!!!!!!!!!!!!!

حجم الإليزيه

حاجزى الإليزيه الكرام

ياريت حد يقدر يوفر لنا كتالوج الإليزيه

وقفة على طلل

الكلمات الدلالية لهذا الموضوع

المفضلات

المفضلات

ضوابط المشاركة