الموضوع: وقفة ضد عيوب الإليزيه

المشاركة الأصلية كتبت بواسطة marawan nabil

يا جماعه انا كنت حاجز الاليزيه و المفروض انى كنت استلمها لاكن من كلام استاذ اسلام ابتديت اقلق.....لكن امبارح كلمت مهندس فى فرع العجوزه اسمه جورج اسكندر و سالته على المشكله قلى المشكله كانت موجوده فى اول دفعه بس و اكد لى انها كانت برده موجوده فى البيجو 301 ....., و اكدلى انى مفيش مشاكل فى الدفعات الجديده

لو حد عايز يكلمه نمرته 01006115007

ده بتاع مبيعات و لازم يقعد يقول كلام معسول
و هو ده اللي قالي غير سوفت وير و غيرته و العربية من سئ لأسوء

المشاركة الأصلية كتبت بواسطة hamaka

كلام 100 % ، و ده اللى خلانى أفكس لكل الكلام الفارغ اللى سمعته و أنا بشترى عربيتى و أصريت انى أجيب فرنساوى و سيتروين بالذات لاقتناعى بيها دون التفكير فى الفيلم بتاع اعادة البيع ده ، و الحمد لله لم أندم على قرارى و اتضح ان معظم الكلام اللى سمعته من الناس من غلاء قطع الغيار و تعقيد العربية و كثرة الأعطال ما هو الا "الهبل بعينه"....

احتمال مش هبل بعينه و امكانيات واحد تختلف عن التاني
ممكن حضرتك شايف اسعارها مناسبة و غيرك شايفها غاليه
عموما انا لسه ما غيرتش حاجة في قطع الغيار و معرفش الأسعار و لما شوفت الأسعار المبدئية في المنتدى لقيتها مناسبه
و ظهور عيب في بعض العربيات مش دليل على انها عربية فاشلة بالعكس هي عربية محترمة جدا لكن وجود العيب مضايق الناس اللي عندهم المشكلة
و سيتروين ماركة معروفة و بتمنى تحافظ على الإهتمام و العميل اهم حاجة " الكلام ده مش لعز العرب لأنه مبيفهمش في المعاملة "

المشاركة الأصلية كتبت بواسطة leitosr

فيه عضو هنا اسمه seeworld راح واتعمله أبديت وقال إن المشكلة راحت والعربية بقت طبيعية تماماً.
فالو كان فيه عربيات نزلت وفيها سوفت ويير قديم, او فيه bug ومحتاج أخر أبديت لتظبيط المشكلة,
مش هيبقي فيه أي مشاكل ولا خوف من العربية. لان كل حاجة فيها زي الفل.

عئان كدا كنا نتمني من الناس اللي هنا اللي عندها المشكلة تروح تشوف إيه نظام الأبديت الأخير دا بتاع السوفت ويير دا وتاخدة. مش شايف سبب مقنع للعناد بصراحة طالما فيه أبديت وحل المشكلة دي لعضو معانا.
عشان تبقي عربياتها بأخر تحديث, ومنلاقيش حد بيشتكي منها.

مستنين نشوف باقي اللي عندهم مشاكل هيقولولنا ايه عن الابديت دا لما ياخدوة.

العناد سببه لنا التوكيل
لما يقولك حدثنا سوفت وير و يتضح انه ما عملش حاجة يبقى اروح ليه ؟
مفيش ثقة وضعها في العميل عشان يطمأن
اثق فيه ازاي انه يصلح الحاجة و ما تظهرش ؟
لازم يكون فيه حاجة تخلينا نثق
معنديش مشاكل ان عربيتي يكون فيها عيب و تتصلح بس التوكيل يكون دغري معانا مش يلف و يدور و يقول صلحت و هو ولا صلح و عمل حاجة

المشاركة الأصلية كتبت بواسطة mfawzyali

شكرا جدا على درك يا باشا

بس انا كنت شايف ناس عمله مشكله في جهاز حمايه المستهلك عشان العربيه و التكييف بتاعها فيه مشكله

و ان العربيه لو واقف في مكان زحمه التكيف بيفصل و العربيه بتكركر و زلام نروح التوكيل نعمل ابديت سوفت وير

هل الكلام ده حصل مع حضرتك ؟

المشكلة مش في كل العربيات
و احنا لما كتبنا الموضوع كان بغرض التنبيه ان فيه مشكلة
و اللي عاوز يشتريها عن اقتناع هو حر في قراره اكيد
و كان واجب علينا نقول اللي شايفينه و حصل معانا و ده غرض المنتدى ...
فيه ناس فاكرة اننا بنبالغ و بنسوء شكل سيتروين