الحمد لله استلمت العربية

**aminyassien** · 28-08-2013 12:52 AM

المشاركة الأصلية كتبت بواسطة survival

ربنا يبارك لك فيها .

العربية بتاخد مياة حمرا مش خضرا و بتبقى اسبانى بس مش فاكر اسمها.

ممكن تكشف فى اكتر من مكان - ممكن التوكيل او مركز الاقصى اللى فى المعادى و دا لو عاوز تريح دماغك و الكشف بحوالى 500ج
ممكن تكشف عند اى حد متخصص اسكودا او فولكس. شوف اخر صيانة للعربية امتى و اعمل الصيانة بتاعتها بالمرة وتابع مستوى الزيوت.فالموضوع يتوقف عليك فى النهاية لو عندك صبر روح اى مركز بيشتغل فى اسكودا لو مش بتعرف تتعامل مع الصنايعية او خبرتك مش كفاية يبقى المرة دى تعمل الصيانة فى مكان مضمون عشان تريح دماغك.
انا عملت صيانة ال 120 الف عند محمد اسكودا اللى ادام التوكيل فى دير الملاك من شهر و انا اللى اشتريت الحاجة من الهاشمية عشان اضمن. عموما الورشة دى كويسة لو هتعمل حاجة دورية او شغل ميكانيكا عادى شغل فك و تركيب يعنى لكن لو فى مشكلة ما انصحش بيهم . هم من الاخر حافظيين مش فاهمين.

جزاك الله خير
انا رحت الصبح التوكيل دير الملاك ركنونى رحت ماشى

**aminyassien** · 28-08-2013 12:53 AM

بارك الله فيكم يا شباب

**aminyassien** · 28-08-2013 01:41 AM

المشاركة الأصلية كتبت بواسطة moratoz

بدايه العربيه هتاخد ميه حمرا اسمها هيبوا وهتجيب حوالي ٦ او ٧ زجاجات مياه مقطرة علشان نكمل الميه الحمراء
ممكن تعمل الصيانه عند مهندس هاني في جسر السويس او محمد سمير في النزهه الجديدة او احمد زاهر في صقر قريش وشوف اخر صيانه معموله ايه ونشوف نعمل ايه وايه ئل محتاج يتغير وعلي الأخص سيور الكاتينه والعمومي وبليه الكاتينه وطبعا الفلاتر والبوجيهات
مبروك

الصبح نازل أشيك عليها و أشوف إلى مطلوب و اعمله ان شاء الله اعمله
بارك الله فيك

**abou-yahia** · 28-08-2013 05:49 PM

بص نصيحه استني شويه قبل ماتروح لحد

امشي شويه بالعربيه اتعرف عليها

عشان ترتب اولوياتك وتروح لحد تاخد افضل حاجه ممكنه مقابل زيارتك ليه تقليلا للوقت والتكاليف

طبعا موضوع المياه ده مهم وممكن تعمله عند اي حد بره بس تحط فعلا مياه معتمده g12

**aminyassien** · 28-08-2013 09:59 PM

المشاركة الأصلية كتبت بواسطة abou-yahia

بص نصيحه استني شويه قبل ماتروح لحد

امشي شويه بالعربيه اتعرف عليها

عشان ترتب اولوياتك وتروح لحد تاخد افضل حاجه ممكنه مقابل زيارتك ليه تقليلا للوقت والتكاليف

طبعا موضوع المياه ده مهم وممكن تعمله عند اي حد بره بس تحط فعلا مياه معتمده g12

الف شكر
و ربنا يبارك فيك

**mezo73** · 02-09-2013 09:59 PM

1000 مبروك وربنا يديك خيرها ويكفيك شرها
وعموما مش هاتعرف تركب ياباني تاني خلاص بعد الاوروبي مافيش
انا لسة بايع عربيتي الاوكتافيا من شهر تقريبا وكل مابشوف واحدة ماشية بامشي اتفرج عليها مش عارف لية العربية دي عزيزة علية عمراها ماعملت اي دقة معاية
بس اللي مصبرني حبيبتي الجديدة bmw

**aminyassien** · 04-09-2013 03:27 AM

المشاركة الأصلية كتبت بواسطة mezo73

1000 مبروك وربنا يديك خيرها ويكفيك شرها
وعموما مش هاتعرف تركب ياباني تاني خلاص بعد الاوروبي مافيش
انا لسة بايع عربيتي الاوكتافيا من شهر تقريبا وكل مابشوف واحدة ماشية بامشي اتفرج عليها مش عارف لية العربية دي عزيزة علية عمراها ماعملت اي دقة معاية
بس اللي مصبرني حبيبتي الجديدة bmw

بارك الله فيك
والله عندك حق الأوروبي مختلف تماماً عن الياباني مع احترامى لليابنى
و ألف. مبروك العربية البى أم و هى دى التطور الطبيعى للاسكودا