مشكلة كبيرة ارجو الرد ريتمو

**dream_man1110** · 11-09-2008 04:52 AM

على فكره اى عربيه مستعمله لازم بيبقى فيها شغل . حتى ولو كانت موديل 2007 المستعمل مستعمل . بس الريتمو عن تجربه عربيه كويسه . اغلب حاجتها هيه بتاعة 128 و الريجاتا و الشاهين يعنى مش هتحتار ما عدا المساعدين الخلفى . ولو محتاج اى حاجه ممكن اساعدك . بس نصيحه اسال الاول " اسال عن اى حاجه قبل ما تعملها او تشتريها "

**Karim_Mohy** · 11-09-2008 10:13 AM

انا سمعت ان الريتمو ( بتشيس ) عن الفيات 128
يا ريت اللي يعرف حاجة عن الموضوع ده علشان نتاكد الكلام ده صح و لا غلط

**dr_timo** · 11-09-2008 12:53 PM

اه فعلا انا سمعت انها الشاسيه بتاعها ضعيف

**dream_man1110** · 12-09-2008 12:31 PM

فعلا يا جماعه هيه بتفتح شاسيه و ده بيتحل من خلال طريقه من الاتنين
الاولى علاج المشكله يعنى اضم الشاسيه بزرجينه و اعمل شداد بين البطاحتين
الثانيه اعمل منيم يعنى اروح بالمساعد الامامى عند خراط و اخليه يوسعه المشئبيه ايللى بيربط فيها شمعدان العجله و بتاع الزوايا هيزبطها لوحده بيحط ورا الشمعدان بين الشمعدان و المساعد مسمار 13 و العجل بيلم
ارجو انى اكون ساعدتكم

**samaa0078** · 06-10-2008 01:45 PM

السلام عليكم ورحمة الله وبركاتة شكرا جزيلا يا جماعة على اهتمامكم

بس مش عارفة اقولكم اية قليل البخت يلاقى ..........

بعد ما اتصرف عليها و اتصلحت
الحمد للة الحمد للة
العربية اتقلبت واتدغدغت السقف اتفعص ومفيش زجاج امامى الحمد للة زوجى خرج سليم الحمد للة دعواتكم
معلش نكدت عليكم

**OsKaR** · 06-10-2008 03:00 PM

المشاركة الأصلية كتبت بواسطة samaa0078

السلام عليكم ورحمة الله وبركاتة شكرا جزيلا يا جماعة على اهتمامكم

بس مش عارفة اقولكم اية قليل البخت يلاقى ..........

بعد ما اتصرف عليها و اتصلحت
الحمد للة الحمد للة
العربية اتقلبت واتدغدغت السقف اتفعص ومفيش زجاج امامى الحمد للة زوجى خرج سليم الحمد للة دعواتكم
معلش نكدت عليكم

لا حول و لا قوة الا بالله المهم ان هو سليم و اللي يجي في الريش بقشيش
ربنا يهون عليكي ان شاءالله و يعوض عليكي بإذن الله اللي احسن منها 100 مره

**Karim_Mohy** · 07-10-2008 08:53 AM

قدر الله و ماشاء فعل و الحمد لله انها جت علي العربية و يا رب العربية اللي جاية تكون احسن من ده و تتاكدي منها قبل الشراء و ما حدش بيتعلم ببلاش و ربنا يعوض عليكي

**waled369** · 07-10-2008 08:59 AM

المشاركة الأصلية كتبت بواسطة thegoodhacker

يا سيدي الفاضل موضوع الكركرة ده ممكن جدا يكون عيب سواقة وممكن تلاقي بيكات الكاربيراتير عاوزة تتنظف ....... و العجلة اللي نامت ده شيء عادي جدا ووارد انه يحصل في اي وقت لما الكاوتش يدخل فيه مسمار ولا حاجة ......
موضوع خبطة القائم مين قال لحضرتك عليها ؟ لو حضرتك اللي اكتشفتها يبقي كان الاولي ان حضرتك تبص عليها بنفسك قبل ما تشتري وكمان سهل ان السمكري يعالجها و اكيد حتلاقي عربيتك واخدة وش نضافة من جوة يعني مش حياثر معاك ان القائم ده يترش تاني .........
بالنسبة لموضوع الكبالن ده عادي في العربيات الدفع الامامي ان الكبالن بتبوظ كل فترة اشتريلك جوز كبالن ايطالي في حدود 250 جنيه يعني مبلغ مش كبير ولا حاجة
علي العموم اللي حصل حصل و العربيات المستعملة وارد انك تلاقيها محتاجة شغل حتي لو هي قدامك عروسة و فرجتها لاجدع ميكانيكي و سمكري ودلوقتي ما تفكرش غير في انك تستمتع بعربيتك اسبوع ولا اتنين وبعد كده اعمل شوية الشغل اللي فيها اللي حيكلفك مش اكتر من 500 جنيه لو مافيهاش حاجة تانية غير اللي كتبتها في موضوعك.........

كلااااااااااااااااااااااا اااام سليم جدا جدا
متبعيش العربية خليها و موضوعها زي ما قال عنه الأخ بدل ما تشتري عربية تانية و يطلع فيها حاجة و بعدين خدي بالك انتي بتتكلمي عن عربية مستعملة و موديل قديم و أي مستعمل لازم يكون فيه شغل ( استهلاكات عادية ) ربنا يبارك لك فيها

**waled369** · 07-10-2008 09:02 AM

المشاركة الأصلية كتبت بواسطة samaa0078

السلام عليكم ورحمة الله وبركاتة شكرا جزيلا يا جماعة على اهتمامكم

بس مش عارفة اقولكم اية قليل البخت يلاقى ..........

بعد ما اتصرف عليها و اتصلحت
الحمد للة الحمد للة
العربية اتقلبت واتدغدغت السقف اتفعص ومفيش زجاج امامى الحمد للة زوجى خرج سليم الحمد للة دعواتكم
معلش نكدت عليكم

آسف لردي السابق لأني كنت قرأت الموضوع بس عامة قدر الله و ماشاء فعل و ألف سلامة لزوج حضرتك و ربنا يعوض عليكم بأحسن.
و متيأسيش كده مش قلة بخت و لا حاجة ( تفاءلوا بالخير تجدوه ) و اللي يجيي في الحديد يهون