رجة و ضعف فى السحب أحياناً

**Mo.Alaa** · 29-08-2013 01:54 AM

نسيت أقول حاجتين مهمين :

- الرجة بتظهر و العربية على السلانسية ( واقفة خالص ) ، لكن مع زيادة السرعة بتختفى تدريجياً و لما بقلل السرعة بتظهر تانى الرجة تدريجياً برضه ، لغاية ما أوقف العربية خالص ، الرجة بتظهر بأعنف صورها .

- مؤشر الحرارة مبيتحركش غير بعد فترة من الدوارة ، و لما بيوصل لمستواه الطبيعى الرجة بتختفى .

هل الأعراض ده ممكن تحدد اكتر المشكلة فين ؟

**cyber007** · 01-09-2013 10:53 AM

متابع لنفس المشكلة

**Khaled Lanos** · 01-09-2013 11:31 AM

المشاركة الأصلية كتبت بواسطة Mo.Alaa

نسيت أقول حاجتين مهمين :

- الرجة بتظهر و العربية على السلانسية ( واقفة خالص ) ، لكن مع زيادة السرعة بتختفى تدريجياً و لما بقلل السرعة بتظهر تانى الرجة تدريجياً برضه ، لغاية ما أوقف العربية خالص ، الرجة بتظهر بأعنف صورها .

- مؤشر الحرارة مبيتحركش غير بعد فترة من الدوارة ، و لما بيوصل لمستواه الطبيعى الرجة بتختفى .

هل الأعراض ده ممكن تحدد اكتر المشكلة فين ؟

كدا ياباشا يبقى ترموستات الكوعة مش راكب..ودا بيخلي العربية مبرجلة جدا الصبح في فترة التسخين..وبالذات لو في الشتاء.
روح للميكانيكي وخليه يبص على الكوعة..لو الترموستات مش راكب اشتري واحد جديد وركبه فورا.
بالنسبة للمبة التيشك طالما نورت يبقى روح اعمل سكان هيقولك العيب في انهي حساس على طول..ومتخافش من قصة ان السكان مش هيطلع حاجة..طالما نورت حتى لو ثانية وطفت الــ error بيفضل متسجل في الكنترول طالما مفكيتش البطارية من ساعتها..لحد ما تشوف العطل فين وتحله وبعد كدا الراجل بيمسح الأخطاء دي من الكنترول بالجهاز.