كارينز 2010 -21 الف كم - و الصيانه فى التوكيل

**ALMASHOR** · 29-08-2013 01:30 PM

يا جماعه انا معايا كيا كارينز 2010 و مش بتتحرك كتير يعنى ماشيه 21700 فلما روحت التوكيل نصحتى بتغير زيت الفتيس - زيت فرامل - مياة التبريد - (فلتر البنزين) - سير المجموعه و انا اصلا كنت رايح عشان اغير زيت موتور تمام كدا ف انا الصراحه قلقت لمل قالى غير احسن عشان بقالهم اكتر من 3 سنوات و كدا فغيرتهم و كلو تمام و العربيه ناعمه و التقل الى مع التكيف شبه اختفى لما السير اتغير بتاع المجموعه لكن فى مشكله ظهرت انا و هى التاخير ف الدوران يعنى من 2 مرة او من اول مرة لكن بطول فيها ف دة عملى عكننه الصراحه الكلام دة كان يوم امس فكلمت التوكيل ف لقالى حجز انهاردة ب معجزة و روحت الراجل شيك على كل حاجه و اعد يطفى فيها و يدور انها تعمل معاه حاجه ولا الهوا زى الفل فقالى ياما كان فى شوائب فى البنزين لان انا كنت رايح البنزين على الe و بعد لما استلمتها روحت مونت او من الطباريه ف انا عاز اعرف هيا البطاريه بتاعت الفبريكه ف ممكن تسعدونى لانى كمان مسافر يوم الاتنين و خايف لتعمل معايا حاجه :( ف ممكن المساعدة

**gebreel** · 29-08-2013 01:37 PM

غالبا بطارية، اطلع على اي واحد بتاع بطاريات او كهربائي و قله يقيس لك البطارية و الشحن

الشحن بيتقاس و العربية دايرة و النور و التكييف شغالين

و البطارية تتقاس و العربية مطفية

لو قراية الشحن مش تمام يبقى الدينامو في حاجة و دي استبعدها

لو قراية البطارية قليلة تبقى هي السبب و ده الارجح لأن البطارية الجافة عمرها بيبقى في حدود 3 سنين و البطارية الفابريكا بتبقى من قبل عمر العربية بشوية

**احمد المصرى** · 29-08-2013 01:51 PM

ممكن يكون بطاريه وممكن تسيبها لحد لما تجيب اخرها وبعد كدا غيرها

بس معلش سؤال هو انت لما غيرت سير المجموعه حسيت بفرق فى العربيه

**ahmedteam** · 29-08-2013 02:17 PM

لازم تطلع بالعربيه مشوار طويل و مفتوح علشان البطاريه تشحن و متركنهاش كتيير من غير دواره

**ALMASHOR** · 29-08-2013 02:25 PM

بدوره كل اسبوع مثلا 3 دقايق ولا حاجه و بعدين يوم الصيانه الصبح دارت علطول و لما طلعت من الصيانه اتاخرت و انهاردة الصبح بردة لكن لما روحت التوكيل انهاردة اعد يطفى و يدور 60 مرة و معملتش معاو اى حاجه

**Ahmed_Adham** · 29-08-2013 04:04 PM

بنسبه كبيره البطاريه سواء عمرها انتهى أو شحنها ضعيف عان قله الحركه. دورها ربع ساعه كل كام يوم عشان 3 دقايق مش كفايه أو حتى اخرج بيها خد لفه ربع ساعه أخر النهار عشان تحرك كل قطع العربيه.

**احمد المصرى** · 29-08-2013 04:11 PM

البوجيهات اخبارها ايه

**MITSUKERO** · 29-08-2013 06:46 PM

بص ياباشا

خد من الارخص للأغلي دون التخلي عن الامان
اكشف علي بطاريتك
لو بايظة غيرها فورا
سليمة يبقي املي العربية بنزين (و فعلا العربيات اللي طرمبة البنزين في التنك يفضل عدم تركها فارغة من البنزين لتأثيرة علي الطرمبة بالضرر)
و لو مليت و العيب اختفي يبقي اعمل ايدل ليرن
طريقة عمل الايدل ليرن متشابهة في اغلب العربيات بس ياريت لو حد من كيا يقولها ليك او يعدل علي اللي هقوله يبقي افضل مني اكيد لاني مش معايا كيا

هتفصل كابل البطارية خمس دقائق
و بعدين ترجعة تاني
تجيب المفتاح و تحطة في الكونتاكت من غير ما تدور يادوب اللمبات بتاعة الطابلووه زي لمبة الانجكشن و غيرها تنور و تستني 3 ثواني و ترجع المفتاح للدرجة اللي قبل الدرجة اللي انت عليها
و تكرر الموضوع تاني مرتين كمان بحيث المجموع يبقي 3 مرات و بعدين تدور العربية 5 دقائق و بعدين تطفيها
و تكرر الخطوات تاني و تدور و تشغل التكييف و الانورا 5 دقائق و تطفي و تدور و مبروك عملت ايدل ليرن
ياريت الموضوع يتعمل و العربية بارده

دي خطوات عاملة لاغلب العربيات زي ما قولت بس ياريت للمرة التانية تتأكد من اعضاء كيا المحترمين لانهم اكيد ادري مني (اهل مكه ادري بشعابها)

والله اعلي و اعلم

الموضوع: كارينز 2010 -21 الف كم - و الصيانه فى التوكيل

LinkBack

أدوات الموضوع

عرض

-

-

-

-

-

المواضيع المتشابهه

نصيحه للكل الصيانه فى التوكيل

اعمل الصيانه فين ؟ التوكيل لسه شغال ولا لاه ؟

هل اعمل الصيانه فى التوكيل ولا فى الخارج

مواعيد الصيانه فى التوكيل

الصيانه داخل التوكيل بعد الحادثه !!

الكلمات الدلالية لهذا الموضوع

المفضلات

المفضلات

ضوابط المشاركة