انا قلت احكي لحد ..يمكن ليكوا رأي

**ahmadfouda81** · 29-08-2013 06:54 PM

الحمدلله جبت فيكترا 2002.....وطبعا فيها كزا حاجه عايزه تتصلح....المهم العربيه كانت مانوال و اتقلبت اوتو .. بس اللي عملها معملش توصيلات زيت الفتيس للرادييتير.....وساب الرادييتير المانوال.....فانا خفت على الفتيس وقلت اعملهم....الراديتير سليم (حسب كلام الصنايعي اللي فكه)..يبقى نجيب سربنتينه زيت الفتيس ونركبها عليه....ونجيب الخراطيم اللي بين الفتيس والراديتير...ودي طلعت مفاجاه ان التقليد ب300 والاصلي ب600.....الامر لله ...قلت اجيب الاصلي ....وطبعا وهما بيتركبوا في زيت كتير نزل ....قمت جايب 2 كيلو زيت ب 35 الواحد.....و بعد ماخلصت وروحت لقيت العربيه بتنزل زيت ...واتاري الخرطوم ماكانش راكب كويس....رجعت للميكانيكي ..وركبلي خرطوم من عنده ..وقالي رجع ده لانه مش كويس....
رايكو انا اتسرعت في الحوار ده من اوله وكنت امشي بالعربيه كده وخلاص ولا ايه؟

**nagy wassef** · 29-08-2013 07:22 PM

كدا انت عملت اللي عليك ولا يصح الا الصحيح
و الف مبروك

**Ahmed Amin** · 29-08-2013 08:19 PM

رأي أيه بس ؟ أنت أكيد كدا عملت الصح,,
وأكيد لو كنت مشيت بالعربية وخلاص كنت هتأذي الفتيس,
لأن الأوتو محتاج دورة التبريد دي ومن غيرها هيبدأ ينتش ويرزع في السخونية.

وأزاي الراجل كان ماشي بيها كدا بعد ما حولها من مانيوال لأوتوماتيك ومكنش فيها مشاكل.!!!

**eleanor** · 29-08-2013 11:00 PM

طبعا ماينفعش اوتوماتيك بدون تبريد
كده انت عملت الصح بس ازتى كانت ماشيه من غير لواكير كان قافل ماكنها بطبب ولا ايه

**ahmadfouda81** · 30-08-2013 12:23 AM

هوا كان قافل دوره التبريد بخرطوم صغير مركبه فالفتحتين الداخل والخارج للفتيس يعني الزيت مبيخرجش مالفتيس

**cayman69300** · 30-08-2013 03:05 AM

ربنا يسامحة على اللى كان عامله فى العربية
و ربنا يسامح الميكانيكى اللى رضى يعمل العك دة

**eleanor** · 30-08-2013 05:59 AM

ميكانيكيه ماعندهاش ضمير ربنا يسترها علينا جميعا

**ayman hamdy** · 30-08-2013 12:03 PM

يا نهههههههههار ابيض دة كدة الزيت ما كنش بيتبرد خالص واحد عكاك بجد حسبي الله ونعم الوكيل ما احنا قولنا من قال الله اعلم فقد افتى والظاهر هما فاهمين افتى دى بمعنى تاني