الموضوع: العربية الخفيفة أحسن من العربية التقيلة!!! اتعرف على أساسيات ثبات السيارات

المشاركة الأصلية كتبت بواسطة hitham_adel200

موضوووووع اكثر من رائع
ويستفيد منه بجد اى واحد صاحب عربيه مهما كانت
وده فعلا الى كان حاصل معايا مع الشاهين 2004 كان فى البدايه فيها الجنوط الحديد الرفيعه وكانت فى الملفات بحسها هتقلب منى أنما بعد ما جبت جنوط أسبور وأخترتها كمان تقيله وكمان جبت كواتش جوديير الى معروف انه تقيل 175/70/r13
المشكله دى معايا اختفت خالص وباخد ملفات على السريع والعربيه متزنه
مشكلتها معايا فى السفر لما بكون ماشى على 150 بحس انه فى طيار هوا بيخبط فى الجناب بيخلى العربيه بتروح وبتيج بس بوزنها واحيانا فجأه بيجى تيار هوا جامد بيخلى العربيه تروح الناحيه التانيه من الطريق
بس الحمد الله ديما مستوره

ربنا يباركلك في العربية ويكفيك شرها بإذن الله.

عندي تعليق صغير..

الجنوط التقيلة تعتبر شيء غير مرغوب بالنسبة للثبات.. إنما من ناحية المتانة .. فمن المؤكد إنه شيء مرغوب جدا..

أهم حاجة في الجنط الجديد إنه ما يبقاش أثقل من القديم.. علشان ما يأثرش بصورة سلبية على المساعدين من ناحية... ومن الناحية التانية إنه يساعد الكاوتش إنه يلتصق بصورة أفضل في الطريق أثناء المطبات.. وده بيساعد بشكل كبير جدا على زيادة الثبات في القيادة داخل شوارع مصر المحروسة.

طيب الإحساس بالثبات العالي جه لحضرتك منين؟؟

جه وبدون شك من زيادة عرض الكاوتش


تفاصيل الموضوع ده موجودة بالتفصيل في المشاركة رقم 4
http://www.nilemotors.net/Nile/3875155675-post4.html


بالنسبة لتيارات الهوا اللي حضرتك بتحس بيها على السرعات العالية.. فده سببه إن الشاهين عالية عن الأرض أكتر من اللازم.. وده بيخلي ثباتها يقل كتير على السرعات العالية

لو عايز الموضوع ده يقل .. فحضرتك محتاج تركب شوية زوايد على جسم العربية... واللي بنسميها "سبويلرات".. وهتحتاجها على وجه الخصوص في الأمام وفي الجوانب واحتمال كبير في الخلف من الأسفل.

تفاصيل الموضوع ده هتلاقيها في المشاركة رقم 6
http://www.nilemotors.net/Nile/3875155675-post6.html

يعنى مقدرش اقولك
غير الله ينور عليك و يكرمك و ينور بصيرتك ..
تسلم ايدك على الشرح الوافى و المجهود ده