مجهود رائع و مميز ...
تحياتى ...
مجهود رائع و مميز ...
تحياتى ...
الف مليون شكر للافاده
والف شكر لكت من شارك
وشكر خاص للمهندس borio1704
تسلم ايدك .... شكرا لوقتك ومجهودك
استفسار خاص :
عايز اعرف منك اية رد الفعل ال المفروض اعملة عشان اخد الملف بسرعة دون انزلاق او انحراف ودون خفض السرعة
سواء كانت العربية FWD or RWD
الله يكرمك ويعزك... يارب أكون قدرت أوضح حاجات ما كانتش مفهومة لناس كتير
بالنسب لإيه اللي نعمله عشان نقدر ناخد ملفات بسرعة أكبر (لإن مستحيل فيزيائيا إنك تاخد ملف بنفس سرعتك في الخط المستقيم بسبب انتقال الوزن).. فهي باختصار إننا نراعي كل ما سبق واتشرح في الموضوع... وده عن طريق تعديل أجزاء العربية... وعشان أوضح أكتر:
بالنسبة للوزن... فتقليل الوزن لأقصى حد مطلوب... لو تقدر
وبالنسبة للنظام التعليق... حاول تنزل ارتفاع العربية... أو تغير المساعدين والسست بأطقم أنشف عشان ميل العربية يقل... ولو تقدر تقوي الاستابلايزر وتجيب واحد أنشف
بالنسبة للكاوتش... فتركيب جنوط أكبر وأعرض من أهم التعديلات وأسهلها
وآخر حاجة في التعديل على العربيات... إنك تركب اسبويلر خلفي وسد للهوا في الأمام وتنانير جانبية... عشان تقلل من تأثير الهوا على العربية وهي ماشية... وده حنتكلم عليه في المشاركة بتاعة الإيرودايناميكس إن شاء الله
أما بقى لو عايز تاخد ملف بأقل قدر من تقليل السرعة وبدون ما تعدل على العربية... فأنصحك تعمل نفس طريقة أخد الملفات في السباقات.. والغرض منها زيادة نصف قطر الدوران بقدر الإمكان.
الطريقة باختصار هي:
1- قبل الملف تهدي شوية وتاخد أقصى الجهة الخارجية منه... يعني لو الملف يمين تاخد أقصى الشمال في الطريق، ويفضل تنزل نقلة لو سرعتك نزلت عن حد العزم للنقلة اللي انت عليها.
2- أول ما تدخل الملف وجه العربية بحيث تلمس الجهة الداخلية من منتصف الدوران تقريبا، وهنا ثبت رجلك على البنزين.
3- وجه نفسك بعد كده إنك تاخد أقصى الجهة الخارجية من الملف مرة تانية وانت خارج (زي ما دخلت الملف) ودوس بنزين عالآخر
ملخص الطريقة زي الصورة دي:
http://www.formula1-dictionary.net/I...nes_trans1.jpg
بس نصيحة.... ما تعملش الطريقة دي في طريق مفيهوش جزيرة في النص... ربنا يكتبلك ويكتبلنا السلامة كلنا.
...
موضوع ممتاز
borio1704
تسلم يا وحش على المعلومة
استفسار اخر :
انت قولت ان معدل ارتفاع او انخفاض المقصورة عن الارض فى نسبة وتناسب بينة وبين وزن العربية
انا عايز لو ارزل عليك تانى مرة المعادلة الرياضية وهل طول العربية نفسة هيدخل فى المعادلة
بحيث لو حبيت اهبط العربية اعرف اهبطها بدرجة محسوبة رياضيا يعنى مش تهبيط وخلاص وعشان تبقى افضل نتيجة
تسلم يا صديقى
الحقيقة هو مفيش نسبة وتناسب بين أبعاد العربية ووزنها... إنما المشكلة كلها في إن أبعاد العربية نفسها ممكن تكون سبب من أسباب اتزان العربية أو عدم اتزانها
إزاي الكلام ده؟؟؟
هديلك مثال على حاجة بعيدة عن العربيات تماما...
لو عندك ترابيزة زي دي... الرجلين أو القاعدة واخدين مساحة بسيطة... إنما اللوح الأساسي واخد مساحة كبيرة
http://www.proglobal-furniture.com/m..._20package.jpg
تقدر توقعها بسهولة؟؟؟
أكيد... زقة صغيرة وهي تميل على جنبها على طول
طيب إيه رأيك في الترابيزة دي؟؟؟
http://www.countryliving.com/cm/coun...0809(1)-de.jpg
أكيد الترابيزة دي أثبت... طيب ليه؟؟؟
الفكرة هنا في القواعد... كل ما كانت القواعد ماسكة الوزن من الأطراف كل ما كان السيطرة عليه أسهل
طيب مقارنة تانية
http://a3dbdeb.ca/esquisse/files/201...able-basse.jpg
http://www.ikea.com/us/en/images/pro...E105482_S4.jpg
طبعا... الترابيزة المنخفضة أثبت وأصعب إنك تقلبها
آخر ترابيزات بقى علشان ما نزهقش...
http://a3dbdeb.ca/esquisse/files/201...able-basse.jpg
http://www.jardindeco.com/img/fiches...BR120_site.jpg
بفرض إن الترابيزتين ليهم نفس الوزن الإجمالي... الترابيزة اللي فيها دعامة سفلية هي أكيد الأثبت... لإن فيه جزء كبير من الوزن متركز تحت... يعني مركز الثقل بقى منخفض.
-----
نرجع بقى للعربيات...
http://jgospel.net/media/61391/.79198.jpg
طبق الكلام اللي فوق ده ونقول...
كل ما خليت العجل خارج بره العربية يبقى أحسن للتماسك .. مفيش حاجة تمنعك إلا إن العجل يحك في الرفرف (والرفرف ممكن توسعه)
كل ما نزلت العربية لتحت كان أفضل للاتزان... مفيش حاجة تمنعك إلا إن العجل يحك في أجزاء التعليق أو إن العجل يكون مايل على الأرض وتقل مساحة التلامس
كل ما قللت الوزن من فوق وركزته تحت... كان أحسن للاتزان... وأحسن شيء هو استخدام الفايبر والألومنيوم في الأجزاء العلوية من العربية
كل مللي بتنقصه من ارتفاع العربية في صالح الاتزان
http://www.ozzytyres.com.au/wp-conte...an_1_large.jpg
كل مللي بتزوده في عرض محاور العجلات في صالح التماسك
http://cdn.speedhunters.com/wp-conte...ng-2013-58.jpg
كل جرام بتنقصه بشكل عام من وزن العربية هو أكيد في صالح الاتزان عموما والأداء كمان.
...
بسم الله ما شاء الله ... الواحد ما استمتعشى بقاله فترة بأسلوب بسيط ومنمق كدة
ـ ـ ـ
تعلقاً بقى على أساس الموضوع ... شوفوا العربية اللوتس هى اقرب مثال حى لتطبيق نظرية المهندس أحمد
http://lotusrace.com/wp-content/uplo...-Lotus-Car.jpg
http://gglotus.org/gghotnews/lotusracer1lg.jpg
الأليز وزنها بيتراوح ما بين 700 و900 كيلوا جرام تقريباً بأختلاف اجيالها ... ده غير ابعاد مثالية وتوزيع وزن مثالى وايرودينامكس عالى وده كله بيثبت نظرية الموضوع ده ان العربيات الخفيفة احسن من العربيات الثقيلة
تسلم يا باشا للمرة ال 1000000000
بس ليا تعليق مثلا فى موضوع الترابيزة بالزات دى
[shfaf1]http://www.proglobal-furniture.com/media/catalog/product/cache/1/image/9df78eab33525d08d6e5fb8d27136e95/s/a/samson_20b1_20black_20table_20base_20and_20top_20p ackage.jpg[/shfaf1]
لو الترابيزة نفسها تقلنا وزنها هتبقى صعب اوى انها تتقلب ولو هى نفسها اخف مما هى علية من وزن هتبقى اسهل واسهل بكتير من قلبها بصابع (يبقى الوزن عامل)
وكمان فى نقطة لو هى نفس الترابيزة بنفس كل حاجة ما عدا انك تخلى الطاولة فقط نفسها اطول هتبقى ثابتة اكتر بكتير ولو زودت وزنها هتبقى ثابتة اكتر واكتر
يعنى طول العربية وعرضها هيزود مساحة السطح المعرضة لقوة الجازبية وبالتالى ثبات اكثر
العربيات ال تم الاشارة ليها كلها اوزانها بتبقى خفيفة جدا جدا كلها الياف كربون ال هو اخف بصورة لا تقارن حتى مع البلاستيك ولكنة يتحمل اكثر مما تتحملة الفولاز
النقطة فى العربيات دى (اختراع يا كوتش) اسمة الديناميكا
وفى النقطة دى بيستغل الهواء فى زيادة وزن العربية وكل ما السرعة زادت بقت وزنها كبير جدا جدا
عن طريق استخدام الهواء فى الضغط على جسم المقصورة لاسفل
يعنى بس عشان كلمة ان العربيات الخفيفة ممكن تبقى افضل فى الثبات ..... لا والف لا
العربية الخفيفة ال 600 كيلو دى وزنها وهى واقفة على الارض بس كل ما تجرى اكثر وزنها بيوصل لوزن عربية نقل على الارض ودة بفضل استغلا الهواء بصورة هندسية
حتى حضرتك يا باشا زكرت الاسبويلر فى موضع الثبات وهو فى الاصل بيلعب لعبة الضغط على موخرة العربية عشان توازن افضل فى حالة الجرى طبعا
كل الشكر لصاحب الموضوع اتمنى منك المزيد والمزيد والمزيد
والله فكرتنا بنجم المنتدى
FORMULATOR