الموضوع: مشكله فى الشغل

السلام عليكم
انا مهندس لسه حديث التخرج بشتغل مع شركه مقاولات ماسك صيانه فى احد المستشفيات العسكرى
وانا المسؤل عن الموقع هناك بيشتغل معايا 19 فني بتخصصات مختلفه
المشكله ان المرتبات فى الشركه تعبانه جداا يعني فني شغال بقاله 14 سنه فى الموقع ومرتبه لا يتعدي ال 950 جنيه
بالرغم من ان الشركة بتتقاضي مرتبات ليهم من الجيش بمبالغ كبيره وعلى اساس عدد فنين اكتر بكتير من الموجود فى الواقع
كلمت صاحب الشركه فى شهر 6 بان الناس الفنين عيزين زياده والحياه صعبه
كان الرد ان العقد مرتباته ضعيفه وفى التجديد المرتبات هتزيد وكل شهر على الرد ده

ومن وقتها كل شهر ينتظرو الزياده ومفيش زياده
الشهر ده جه المرتبات نفس النظام اتفقو انهم هيمتنعو عن العمل لحد ميجلهم زياده " وانا كنت بشجعهم على كده بصراحه " كنت بشعلل فيهم علشان بس يطلبو بحقهم مش اكتر لاني عارف قد ايه الشركه بتكسب من وراهم

فبلغت صاحب الشركه " عميد جيش سابق " ان الناس مضربه عن العمل لحد ميكون فى زياده
كان الرد ان الى عجبه يشتغل والى مش عجبه فى ستين دهيه
وكلام تهديد من ان الى بيعملو ده هيوديهم فى دهيه وان البلد فى حاله طواري وكلام اهبل ملوش لزمه من ده
وطلب مني ابلغهم بكده بصفتي مدير للموقع
طلبت منه يجي يقابل الناس رفض خالص قلتله انا كل الى هعمله هبلغ الناس بكلامك ده بس انا مليش دعوه بالامور الماديه ده مبنكم
اتصل بعدها الشريك التاني ف الشركه وهدي الناس وقلهم يشتغلو وانه هيجي يقبلهم وهيعملهم الى هما عيزينه " وشغل اليهود ده "

بعدها بلغني الشريك الاول اني ابلغ احد الفنين انه يسيب الموقع اعتقادا منه انه السبب فى المشاكل ده كلها وانه الى مشعلل الدنيا
اعترضت على كلامه وقلتله ان الفني ده ملوش زمب فى اى حاجه وعلى اي اساس تعمل معاه كده كان رده انه حر مزاجه كده كان ردي ان انا الى في الموقع وعارف ايه الى فيه ولاكن هو مصمم على كلامه

انا مش عارف اعمل ايه مع العالم دول !!
انا مش باقي خالص على الشغل لاني ولا باخد منه ولا فلوس ولا خبره كويسه انا عارف ان حال البلد زي الزفت ومفيش شغل
انا كل همي الفنين الى هناك الناس فتحه بيوت وعندهم عيال