علاقه سرعات مروحه التكييف بحراره الموتور!!!!

**MaaM** · 31-08-2013 10:31 PM

طيب ماتجرب قبل ما تيغير الاكسبنشن ، انك تركب ثرموستات الكوعة وتدعيلي !
وده طبعا لو العربية بتسخن في الزحمة بس مع التكييف

**MaaM** · 01-09-2013 06:54 AM

المشاركة الأصلية كتبت بواسطة ayman hamdy

وبعدين تقعد تلف حولين نفسك زى التايه وتظن ان فى مشكلة فى الحرارة وتجرى على الميكانيكية الفتايين ويقصقصو ريشك

بالظبط

الميكانيكي فضل يحاول معايا يمين شمال اني ماركبش الثرموستات وانها عشان البلاد اللي جوها بارد واحنا بنشيلها من أي ماكينة أول مانلاقيها والخ الخ الخ ، ومافيش فايدة باردوا وانا مصمم على رأيي لغاية اما اشتريتهاله وركبها فعلا والنتيجة كانت مبهرة
الخلاصة:
امشي واحدة واحدة وسيبك من فتي الصنايعية

**hagagatc** · 01-09-2013 08:04 AM

انا بقي نفسي اعرف هل ترموستات الكوعه راكب عندي ولا لا وازاي اعرف اذا كان راكب ولا لا
هل بيبان من بره ولا لازم افك الخرطوم وهل تغييره سهل ولو في موضوع عن كيفيه تغيير ترموستات الكوعه يبقي فضل منكم

**ayman hamdy** · 01-09-2013 08:45 AM

المشاركة الأصلية كتبت بواسطة hagagatc

انا بقي نفسي اعرف هل ترموستات الكوعه راكب عندي ولا لا وازاي اعرف اذا كان راكب ولا لا
هل بيبان من بره ولا لازم افك الخرطوم وهل تغييره سهل ولو في موضوع عن كيفيه تغيير ترموستات الكوعه يبقي فضل منكم

مش محتاج موضوع ولا حاجة خالص هتفك الخرطوم التخين اللى واصل من الرايدتير الى الموتور طبعا هتفكه من ناحية الموتور وتدخل صابع او اتنين فى الكوعة لو صوابعك صدت فيه يبقى موجود وهتحس بيه وممكن تشوفه لو قربت بعينك منه ولو دخلت صوابعك ومصدتش فى حاجة يبقى مش موجود يا شوكولاتة هههههههههههههه وروح هات واحد وركبه وده علشان الجهل بتاع الصنيعية عايز يريح دماغه من موضوع الحرارة فى اعتقاده كدة ولكن للاسف دة مش حل خالص ده انا بسميه تثبيت للزبون للسبوبة يعنى اوتلصيمة وخلاص وبعد شوية ترجعله تانى العربية بتسخن مع التكييف العربية بتاكل بنزين وهكذا السيناريو مستمر المهم فينك يا عبد مبقتش تتصل على الفيبر ولا التانجو ليه بقالك فترة طمنى عنك يا رب تكون بخير

**m7nsh** · 01-09-2013 10:56 AM

موضوع قوي جدا وملاحظه في محلها .. ربنا يزيدك من علمه يا ا فادي
طب انا عندي السرعه الرايعه مش شغاله بقت زي زيرو بالظبط .. هل بتتصلح ولا لازم اغير المقاومه كلها؟؟

**hagagatc** · 02-09-2013 06:38 AM

المشاركة الأصلية كتبت بواسطة ayman hamdy

مش محتاج موضوع ولا حاجة خالص هتفك الخرطوم التخين اللى واصل من الرايدتير الى الموتور طبعا هتفكه من ناحية الموتور وتدخل صابع او اتنين فى الكوعة لو صوابعك صدت فيه يبقى موجود وهتحس بيه وممكن تشوفه لو قربت بعينك منه ولو دخلت صوابعك ومصدتش فى حاجة يبقى مش موجود يا شوكولاتة هههههههههههههه وروح هات واحد وركبه وده علشان الجهل بتاع الصنيعية عايز يريح دماغه من موضوع الحرارة فى اعتقاده كدة ولكن للاسف دة مش حل خالص ده انا بسميه تثبيت للزبون للسبوبة يعنى اوتلصيمة وخلاص وبعد شوية ترجعله تانى العربية بتسخن مع التكييف العربية بتاكل بنزين وهكذا السيناريو مستمر المهم فينك يا عبد مبقتش تتصل على الفيبر ولا التانجو ليه بقالك فترة طمنى عنك يا رب تكون بخير

بخير يا ايمن باشا والمشكله كلها اني مجددتش باقه الموبيل انترنت عشان اتصالات مخرفه معايا شويه في منطقتي المهم انت جاي امته عشان نتقابل