سؤال محيرنى فى الدفعة الاخيرة (gen.2)

**mazagnge** · 06-09-2008 11:39 PM

المشاركة الأصلية كتبت بواسطة tutankhamoun

بُص هوندا سيفيك ........... و جين 2
فرق كبير قوي في السعر ........ يعني تقريبا الضعف ..... تقريبا

السيفيك إسم كبير ........... و موتور أقوى من موتور الجين 2 تقريبا ب 12 حصان
و طبعا صالون السيفيك فخم و افخم من صالون الجين 2

بس هل فرق السعر يستاهل معاك ؟؟؟
معي أنا ......... لا يستاهل

ليه ؟؟

علشان الفرق في الأداء مش كبير قوي
فرق الصالون اللي لصالح السيفيك مش فارق معايا
فرق الإسم ............ و لا يفرق نهائي معايا
فرق الفلوس ......... يفرق قوي معايا خصوصا إن الأداء متقارب
يعني هادفع ضعف الثمن ......... و مفيش فرق كبير هاخده

بس برضه أرجع و أقول إن السيفيك ....... برستيج تاني

يبقى أنت مستعد تشتري عربية غالية و قطع غيارها غالية مع كل مميزتها ...... و عيب إنخفاضها و قربها الشديد من الأرض
يبقى أتكل على الله و هات السيفيك

لو عايز مميزات السيفيك ............ مع سعر أقل و صالون أقل
و شكل أجمل ( من وجهة نظري الشخصية ) هات الجين 2
ده حتى كماليات الجين 2 تقريبا أكثر
بس أوتوماتيك السيفيك أفضل كثيرا من أوتوماتيك الجين 2

و أنا كنت بفاضل بين أثنين مانوال

لو فرق الفلوس مش فارق معاك ......... هات سيفيك لو أنت مرتاحلها

عندي انا يا عم توت معلش ... انا ها اعرفة غلطة
بكرة ها نزلة ويندوز جديد و انتي فيروس و ها العبة كل الالعاب

و انا بأكد كلامك على الرغم من اعجابي الشديد المتفجر بهوندا سفيك الا اني باكد معاك على موضوع قربها من الارض ..... العربية وطية وطية يا رجالة

يعنى تقدروا تقولوا مفيش مطب مصري من اياهم الا لما بتاخدة بالاحضان ، و هتلاحظوا دايماً كل لما تعدى عربية من جنبكم بصوا على العتب .... هتلاقوة واخد البركة .
غير كدة .......... فالهوندا هوندا يا شــــــباب ، و ثانيا ً اية اللي جاب الملوخية للسبانخ ، و لا عشان كلة عند العرب جرجير

**tutankhamoun** · 07-09-2008 08:22 AM

السلام عليكم

يا جماعة أنا مش بقارن بين سيفيك و جين 2
ده أولا

أنا بتكلم عن المبدأ
أداء متقارب ........... فرق سعر كبير جدا ......... فرق في خامات الصالون

يبقى أنا أروح للي هايوفر فلوسي
يعني أنا لو معايا 150 ألف جنيه و عايز أشتري عربية

هافكر في كل المتاج في السوق ...
عربية ب 90 ألف مثلا بتقدملي كل اللي هاخدوه من عربية ب 150 ألف جنيه غير البرستيج الزيادة
يعني أنا بشتري ماركة + جودة أحسن قليلا + صالون أفضل
ب 60 ألف جنيه زيادة !!!!!!!!!!!

أدام لقيت عربية بجودة معقولة + كماليات معقولة + منتشرة +
يبقى أيه اللي يخليني أدفع المبلغ الزيادة ده ؟؟؟

أرجوا أنكم تكونوا فهمتوني
بغض النظر عن الجين 2 و السيفيك
بس سؤال الراجل كان عليهم و بيأخد رأيي و أنا قلت رأيي

طيب يا توت فيه ناس تقولك طب ما تزود كام ألف وهات لانسر يابانى وموتور أقوى ومش عارف ايه ، ردك ايه عليهم ؟؟

لانسر عربية محترمة و عملت مبيعات ممتازة في السوق المصري
بس برضه الفرق مش كام ألف
الفرق في السعر كبير .......... ده كان أولا
طيب بالنسبة لي

هل الفرق ده يستاهل إني أضحي بعربية عاجباني ؟؟ و هاتقضي تقريبا نفس الأداء !!!
اللانسر منتشرة إنتشار فظيع ............. مع تميزها كسيارة و لكنها غير متميزة في الشارع إطلاقا

و بعدين كلمة ياباني و الماني دي ........ بتجيبلي الضغط
مش بحب أسمعها ......... الناس محسساني إن الناس دي بتعمل اللي ما يتعملش

يعني هجيبلك مثال
كل لما حد يسأل على الهوندا سيتي مثلا و الياريس
تلاقي سبب من أسباب تفضيل الياريس على السيتي
أنا ياباني ........... و السيتي تايلندي
مع أن مفيش حد أشتكى من السيتي !!!!!!!!!!!!!!!

ثانيا بقى و دي مهمة
لو الناس تمشي على طول ورا المشهور بس
مكنش اليابان باعت في مصر عربيات خالص
أنت فاكر زمان في أوائل الثمانيات و أواخرها كان هناك سيطرة من فيات و بيجو و الشركات الأوروبية على السوق المصري
و لو حد فكر يشتري عربية ياباني تلاقيه يشيل تريقة للصبح

و نفس الموقف ........... كوريا و ماليزيا دلوقتي

في الأخر العربيات دي مزاج
يعني لو واحد عاجبه عربية معينة ........ بيروح يشتريها
يشوف مميزتها ......... و عيوبها ......... و يدرسها
و في الأخر بيوازن ما بين كل ده ....... و أحتياجاته الشخصية من السيارة

و طبعا نرجع لسؤالك
السعر عامل من عوامل المقارنة و عامل مهمم خصوصا لما تكون هاتاخد نفس القيمة المادية مقابل أموالك
فأنا شايف إن الجين 2 صفقة ممتازة مقابل سعرها
يمكن لو كانت في سعر العربيات الياباني ال 1600
كانت ممكن تبقى صفقة عادية جدا و هنا كنا هانطلع السعر كعامل خارج المنافسة و تبقى المقارنة على العوامل الأخرى فقط دون السعر
بس و شكرا