استشارة فنية من فضلكم.. العربية مش بتسحب

**Lubna Badr** · 02-09-2013 04:22 PM

السلام عليكم و رحمة الله و بركاته..

محتاجة يا جماعة استشارة فنية بما اني لا أفقه شيئا في ميكانيكا السيارات.. دلوقتي أنا عندي سوزوكي ماروتي موديل 2011 ماشية 19400 كم و كنت في ال 7000 كم غيرت طقم الديبرياج (اسطوانة و رمان بلي) و وديتها لصيانة ال 10000 عادي في التوكيل.. و ابتدت تظهر مشكلة انها مش بتسحب معايا

هل دا له علاقة بالحاجات اللي المفروض تتغير في صيانة ال 20000 زي البوجيهات و فلاتر هوا و زيوت و كدا و لا أنا لازم أغير تااااني طقم الديبرياج؟؟؟؟؟

**ابو لؤى** · 02-09-2013 05:08 PM

اه طبعا طقم الكهرباء بيفرق فى السحب مش معقول تكون محتاجه تغير اسطوانه تانى يعنى

**Haitham Basha** · 02-09-2013 05:10 PM

البوجيهات و فلاتر هوا و زيوت قطعاً بتأثر على سحب العربية و خصوصاً فلتر الهوا إعمل صيانة الـ 20.000 و فول من بنزينة نظيفة و شوف بس معتقدش إنك محتاج تيجي جمب الإسطوانه تاني

**lidosasa** · 02-09-2013 06:44 PM

معقولة تغيير طقم دبرياج بعد 7000 كيلو بس ؟؟؟؟؟!!!!!
طب غيرت طقم الدبرياج فين فى التوكيل ولا بره ولو بره نوع طقم الدبرياج أيه لآنه ممكن يكون مضروب .
وأخبار صيانة العربية ككل أيه يعى بتحطى زيت نوعه أيه وعاملة بيه كام كيلو ؟ هل تم تغيير طقم البوجيهات والفلاتر قبل كده ؟ هل نضفتى الكربراتير لآنه المفروض بيتنضف كل 10 ألاف كيلو ؟
وعموماً بقترح على حضرتك تشرفينا فى المنتدى الفرعى للسوزوكى حيث أهل الخبرة فى سيارات السوزوكى
سـوزوكى - نايل موتورز - NileMotors.net