الموضوع: استشاره فنيه ميكانيكيه

المشاركة الأصلية كتبت بواسطة MITSUKERO

البوكوليس ده اداة للقياس بتستخدم لقياس الاقطار و الاطوال بالمللي

الكبس بالمكبس التقليدي ده بيقول النتائج الحقيقية بشرط امانة الصنايعي

نقص الزيت المفروض يبقي مصاحبة دخنة بيضاء مع الحرق في حالة طقم الشنبر (يعني ار بي ام فوق ال 4 او ال 5)

الكيلو متر بتاعك قليل جدا علي ان العربية تجيب طقم شنبر بس لو انت مش اول يد ممكن يكون العداد ملعوب فيه او مشيت و الزيت ناقص

موتور الكريستاله بيحتاج شنبر بعد ال 400 الف علي الاقل مع استخدام سيء و علي 700 الف كحد اقصي مع محافظة شديدة

روح ورشة المتخصصون اكشف مش هتخسر حاجة و مش شرط خالص تعمل عندهم هم اساسا عندهم زحمة عربيات و بيقبلوا الكريستاله بالعافية لانها موديل قديم و بيخافوا يكون حد قبلهم عجن فيها و بوظ حاجة اساسية

اكبس تاني في بنزينة مضمونة مش هتخسر حاجة

طقم الشنبر مش بياثر قوي علي السحب زي ما انت فاكر انا كنت بجيب 140 عادي جدا و مشيت سنتين و شوية و العربية بتاكل زيت

لو الكبس التاني نتيجته مرضية يبقي عندك تسريب من احد الاويل سيلز دي :

اويل سيل كرنك خلفي (بين الفتيس و الموتور)
اويل سيل كرنك امامي ( تحت الكاتينة علي الترس السفلي)
اويل سيل كامة (تحت الكاتينة علي الترس العلوي)
اويل سيل طرمبة زيت (تحت طرمبة الزيت و الكاتينة و موال في فكة و رخم جدا)
اويل سيل اسبيراتير (مش بيأثر علي الزيت قوي)
جوان غطاء تاكهات( مش بياثر قوي برضة)
كرتيرة الزيت فيها خرم صغير (حصلت معايا و كانت هي السبب في بداية بوظان الموتور9
طبة الزيت بتسرب
فلتر الزيت بيسرب (مش مربوط كويس او اتعوج اثناء الربط)

ده اللي فاكرة حاليا

والله اعلي و اعلم

الله عليك في امانتك في الرد .. ربنا يباركلك في وقتك و في كل حاجه بتعملها
النقطه اللي انت بتقول عليها دي بتاعه طقم الشنبر و الدخانه البيضا دي هي اللي مخلياني مش مقتنع خالص بانه طقم شنبر ، لأن مافيش حد قالي مثلا ( ممكن تحصل في بعض الحالات ) كله بيقول ( طقم الشنبر معاه دخانه بيضا ) و انا ماعنديش الحكايه دي عن تجربه كذا مره

ياريت تقولي فين ممكن اعمل اختبار الكبس ده تاني في القاهره ، منطقه مدينه نصر او منطقه فيصل
اصلي مسافر بكره ان شاء الله القاهره و ناوي اشوف القصه دي هناك

مع العلم اني هبيع العربيه كمان كام شهر لما الشغل يرجع تاني ( انت عارفين الغردقه السياحه فيها اضربت ،كل سنه و انت طيب )
بس خايف لا تفتح بقها معايا لغايه ما اجي و ابعها و في نفس الوقت عشان سعرها مايتخفسش بيه الارض ....

المشاركة الأصلية كتبت بواسطة MITSUKERO

اخر حاجة

لو عايز تمشي شوية بالعربية و هي فعلا فيها شنبر يبقي حط زيت موبيل دلفاك بتاع الديزل

هو 5 كيلو و ارخص
زيت موبيل اللي بيمشي 3000 كيلو بيبقي 4 كيلو زيت فقط و بيبقي اغلي

هتمشي بالدلفاك هتحط كل مرة 3 كيلو و ربع و تمشي و كل ما تنقص هتزود من الاتنين كيلو الا ربع اللي باقيين معاك و هتوفر كمان في ثمن الزيت
الميزة الاساسية انه ثقيل فمش هيتاكل بسرعة
طبعا ده حل مؤقت بس لو الوقت مش سامح تعمل صيانه زي دي

هي فكره برضه ...