السلام عليكم

انا كان عندى مشكلة تسريب زيت من الماتور فوق الاسبراتير عبارة عن شلال زيت مسيل على الماتور مع كل مشوار والزيت نقص معايا فى 1500 ك حوالى 1.5 زيت تزويد وكنت شارح المشكلة كلها فى اللينك دة

http://www.nilemotors.net/Nile/373144-a.html

الحمد الله رحت لعصام الميكانيكى امبارح واول لما شافها قالى بسيطة ان شاء الله دة اويل سيل بتاع الاسبراتير .. وراح مغيرة وغسل الماتور بالنفط خلاه بيبرق .. وقالى تابع بعينك المشكلة ولو فى تسريب تعالى اغيرهولك .. وتابع مستوى الزيت وشوفة بينقص معاك ولا لاء ..

الحمد الله الموضوع مخدش 1/2 ساعة قلت بالمره بقى عاوز اغير طارة الدركسيون علشان كانت عندى مهريه وبتفروول فى ايدى

جبت التارة الايرباج شكلها تحفه بصراحة بـــ 200 جنيه من ايمن اللى فى شارع اللبينى وسألته على الاطمة كلها قالى بــ 450 جنيه يعنى تخلص بــ 350 او 400 جنيه بس الماديات تعبانة معايا شوية لو كدة كنت اخدتها قطع غيار ... المهم خلع الطارة من الاطمة وخدتها لعصام وركب .. بصراحة فرق شاسع

واهو تحت تجربة الاويل سيل لما اشوف حكاية التسريب معايا اية وهبلغكم بالجديد

وربنا يستر طريقنا

تحياتى