الموضوع: ساعدوني في اصعب مقارنة

انا راى تجيب اوكتافيا طبعا ومشكله الفتيس شركه فولكس حلت الموضوع من اول موديل 2011 العربيه انا شفتها وهم واوكتافيا سمعتها كويسه جداااااااا

المشاركة الأصلية كتبت بواسطة haitham g

اللى انا اعرفه عن ال ds5 انها واسعة بص هى بصراحة عربية مميزة وجميلة جدا ستروين كعربية مميزة اوى
بس يعيبها التوكيل مسمعتش عن توكيل ستروين كلام كويس خالص فأنا قولت خليك فى المضمون وقولت بيجو 508 و ربنا يوفقك

ما هو بصراحة الواحد اتخنق من البلد يعني للامانة يرضي مين يبقي معايا فلوس السيتروين واضطر اجيب كيا سبورتاج معلش يعني مع احترامي ليها (انا بعشق كوريا ) والبيجو برضة ما هي نفس مشكلة الارتفاع دي بس هي جميلة بس والله لو الاودي ابعادها كبيرة ممكن استناها طالما ضحيت بالارتفاع او ادخل علي الدودج دارت واللي عايز اعرفه هل البيجو 3008 بكفاءة 508 في الخامات و الاوبشنز وكده و شكرا لردك

المشاركة الأصلية كتبت بواسطة mohamed said

على فكره انا فى نفس حيرتك دى. بس انا مدخل معاهم السبورتاج الحقيقه و لانى ساكن فى حدائق الاهرام (كلها شوارع مكسره) وكان نفسى اجيب الدى اس فايف بس للاسف مش قادر اقتنع انها تنفع معايا فى الشوارع المكسره بتاعتنا و لذلك فللاسف انا قريب جدا احتمال اشترى السبورتاج لانها اقرب حاجه للعقل فى ظروفى انا. و بعدين بصراحه توكيل سيتروين مش قادر برضه استوعب انه كويس خصوصا بعد موضوع الاليزيه ده مع ان ناس هنا فى المنتدى معاها ستروين و بتشكر فيه. و انا بصراحه عايز عربيه اجرى بيها مش اجرى وراها فعشان كده قررت اشترى السبورتاج. والله اعلم اذا كان هيجد جديد ولا لأ.

بص اولا تشرفت برد حضرتك بس انا مش مقتنع اني ممكن اني التمن ده في كوري في ظل وجود منافسين يكادوا يسحقوه زي السكودا و السوبارو مع اني كنت هاجيب السبورتاج زمان اول ما نزلت وموضوع التوكيل مهم بس انا شايف انه مش سبب يخليني ابعد عن عربية خاصة اني سمعت كلام كتير عن توكيل غبور لما كنت بجيب عربية اخويا من سنتين و لقيت الدنيا زي الفل ف مش مقتنع

المشاركة الأصلية كتبت بواسطة islam bahgat

انا راى تجيب اوكتافيا طبعا ومشكله الفتيس شركه فولكس حلت الموضوع من اول موديل 2011 العربيه انا شفتها وهم واوكتافيا سمعتها كويسه جداااااااا

ما هو بصراحة هما قالوا كده لكن انا معنديش ثقة في الكلام ده وكذا خبر قريته عن سحب عربيات في الصين بس برضة انا هعد بالعربية 5 سنين ولا حاجة ف مش فترة سهلة ان يعطل الفتيس فيها واتكلف ده كله والعربية فعلا حكاية من اللي قرايته

المشاركة الأصلية كتبت بواسطة k.ossama

موضوع الفتيس ده وانهم حلوا المشاكل مشكوك فيه.
عندنا باسات والفتيس اتغير بالكامل منتصف 2012 ورجع فصل تماماً فجأة فى بصف الطريق كنا واقفين فى الزحمة عادى الشارع بدأ يمشى والفتيس مارضيش والعربية قعدت اسبوع كامل فى التوكيل. وده شئ محبط ومزعج جداً.
الفتيس الحقيقة لما بيبقى شغال سواقته ممتعة ورياضية. أظن إنه فى المستقبل عير البعيد حيبقى الفتيس الأول على الإطلاق بس لما يكتشفوا كل العيوب وأسبابها ويعالجوها

مظبوط يا استاذ خالد

العفو يا فندم
طبعا ال 3008 عربية جميلة ومحترمة جدا بس انا لو معايا فلوسها وفلوس 508 يبقى بالتاكيد 508
هى كاوبشن وخامات جامدة بس كراحة وفخامة وشكل يبقى 508 هما فئتين مختلفين طبعا شوف حضرتك محتاج ايه بس لو عايز عربية مميزة ومش فارق معاك خالص اعادة البيع يبقى اشترى ds5
بالنسبة لموضوع كيا سبورتاج حرام تدخلها مع العربيات دى والفئة السعرية دى مع احترامى لمالكى العربية
تحياتى ليك

المشاركة الأصلية كتبت بواسطة Haitham G

العفو يا فندم
طبعا ال 3008 عربية جميلة ومحترمة جدا بس انا لو معايا فلوسها وفلوس 508 يبقى بالتاكيد 508
هى كاوبشن وخامات جامدة بس كراحة وفخامة وشكل يبقى 508 هما فئتين مختلفين طبعا شوف حضرتك محتاج ايه بس لو عايز عربية مميزة ومش فارق معاك خالص اعادة البيع يبقى اشترى ds5
بالنسبة لموضوع كيا سبورتاج حرام تدخلها مع العربيات دى والفئة السعرية دى مع احترامى لمالكى العربية
تحياتى ليك

هو بصراحة كلامك صح 100% بس انا مش مقتنع بال3008 عشان ground clearance قليل يعني 160 مللم وال508 140 يعني مش فرق اقول عليه جبت عربية عالية ف 508 افضل وبرضة الاسباب اللي حضرتك ذكرتها انا مش فارق معايا اعاده البيع خالص اصلي هجيب عربية ومش هغيرها غير يعني بعد زمن يبقي كلو زي بعضوا ساعتها ...السبورتاج مع احترامي ل مالكي العربية بس حرام تدخل معاهم طبعا واي حاجة كوري بالتمن ده