ايها الساده -انا محتار
اختار ايه؟؟؟
عرض للطباعة
ايها الساده -انا محتار
اختار ايه؟؟؟
أحتياجاتك فى العربية هى اللى بتحدد.
في رايي الشخصي بميل للفلوانس
يا ميدو انت دايما ميال للاوروبي...اقتباس:
المشاركة الأصلية كتبت بواسطة m i d o
كماليات كورولا 2014 ...ثبات لانسر شارك
بص انا عملت بوست النهاردة عن عيوب كل السيارات وطبعا مفيش سيارة من غير عيوب لكن الأهم اى عيب تقدر تبلعه واى عيب متقدرشى تبلعه وهيسبب لك قرف من السيارة هو ده المهم ولذلك تابع معانا واشترك فى الموضوع واسأل من خلاله وأنا هحاول أجاوب لك على بعض الأسئلة فتابع معايا
فى راى فلونس لحد ما اشوف الكرولا عشان مشفتهاش لحد دلوقتى
بس اعتقد ان الكرولا و الامبريزا و الفلونس صفقه رابحه بلنسبه لاسعار العربيات الكورى دلوقتى
مبدئيا انا هستبعد الالنترا -مع الاحترام الكامل- لأنها على الطريق مش هتوصل لمستوى الباقي!!
الكورولا 2014 لسة مجربتهاش... في واحد زميلي لسة جايبها من 3 ايام وهحاول انشاء الله اسوقها علشان احكم عليها... بس انا متفاءل جدا للعربية دي -رغم اني مش من محبي التويوتا قوي- لأنهم السنة دي اهتموا جدا بالأوبشنز علشان ميسيبوش فرصة للكوري خالص!!
الفلوانس الفيس ليفت مجربتهاش بس سقت ال2012 وعربية ممتازة ومريحة وواسعة واوبشنز جامدة ومثبت سرعة استاندرد بس معجبنيش شكل التابلوه بتاعها (اذواق)!!
في النهاية اخترت الشارك لأنها ببساطة أثبت واحدة فيهم على الطريق... أثبت من الفلوانس على السرعات العالية ومتزنة اكتر في الملفات الشديدة على سرعات عالية... وطبعا أثبت من الكورولا بفرق ملحوظ... نظام تعليق الشارك بصراحة بيحسس الواحد باطمئنان كبير وبيدي ثقة رهيبة على السرعات العالية... ده غير طبعا ان الشارك الهايلاين ب170000 دلوقتي في حين ان الكورولا والفلوانس الهايلاين معدي ال200000...!! باختصار الشارك افضل قيمة مقابل سعر من وجهة نظري المتواضعة... وعلشان اطلع منها مش هركب اقل من باسات مثلا... مش ادفع 30 الف زيادة علشان اجيب كورولا!!!!!!!!!!!!
في النهاية... الشارك افضل -إجمــالا- لحد ما نشوف ايه ظروف الكورولا الجديدة (وان كان محصلش ابدا ان اي موديل كورولا تفوق على نظيره من اللانسر في الثبات على الأقل)...
ترتيبي:
1. شارك
2. فلوانس
3. كورولا
4. النترا
رأيى فلوانس
بالترتيب
فلوينس
كورولا
شارك
راي رينو او الكورولا
شارك للنهايه
إذا أذنت لى حضرتك عندى تعليق بسيط.....أنا مجربتش الشارك علشان أقدر أحكم عليها لكنى جربت الفلوانساقتباس:
المشاركة الأصلية كتبت بواسطة Ahmed TRAVCO
الفلوانس الهاى لاين ب ١٨٨ ألف فقط....مش معدية ال٢٠٠ألف زى ما حضرتك أوضحت، فى الثبات معنديش تعليق لأنى مجربتش الأتنين على سرعات للحكم عليهم جيدا ولكن من ناحية وسع الشنطة و الصالون الفلوانس تتفوق
من ناحية جودة الخامات و التقفيل، الفلوانس أعتقد تتفوق، من ناحية أمتصاص المطبات و العفشة الطرية المناسبة للطرق المصرية برده الفلوانس مشهورة فى الموضوع ده و تتفوق
طبعا حابب أعرف أيه أوبشن الشارك الهاى لاين ال ب ١٧٠ ألف مقابل الفلوانس اللى ب ١٨٨ ألف حتى تكون المقارنة عادلة و نشوف فرق ال ١٨ ألف بتاخد بيهم أيه.....أنا هتكلم على الفلوانس علشان دى اللى أنا أعرفها و هسيب حضرتك تقولنا على الشارك بما أنك رشحتها:
كماليات الفلوانس الهاى لاين:
- ٦ أيرباج
- زينون
- فتحة سقف
- أربعة زجاج كهرباء لمسة واحدة للأربعة مع مكن رفع
- فرش جلد كامل، دريكسيون جلد، و حليات داخلية من النيكل
- مثبت و محدد سرعة
- عدادات جديدة ديجيتال
- جهاز سمعى متطور من Arkamys ثلاثى الأبعاد من ٨ سماعات مع مخرج aux و USB
- Bluetooth للتليفون مع media streaming و تحكم من التارة
- ستائر خلفية و جانبية
- أنوار عتب
- مراية جانبية ضم كهرباء مع الريموت
- نظام keyless entry
- نظام start/stop
- led فى الكشافات الأمامية مع day light saving
- حساس ركن خلفى
- حساس مطر
- حساس ضوء
- فرامل أمامية و خلفية ديسكات مع abs, ebd
- جنوط ١٦
- موتور ١١٥ حصان عند ٤٤٠٠ لفة
- فتيس متطور Xtronic cvt
- شكل حديث للمقدمة
- فوجات أمامية و خلفية
- تانك بنزين ٦٠ لتر
- بنزين ٩٢
- أستهلاك متدنى للبنزين
- سماكة صاج و جودة دهان أعلى من الشارك
- تكييف كليماترونيك مع مخرج خلفى
- مسند يد للكراسى الخلفية
- مساند رأس متطورة ٤ أوضاع
ده اللى فكره دلوقتى
أعتقد فرق ال١٨ ألف فى السعر مبرر
كورولا وفلوينس ونفض للالنترا
اولا انا اللي اعرفه ان اعلى فئة في الفلوانس ب199000 ولو اللي ذكرته فوق ده كله في الفئة اللي ب188000 يبقى ممتاز جدا... بس كل واحد بيجيب الحاجة اللي شايف انها الافضل بالنسبة له... يعني انا عندي موتور مايفيك 117 حصان... فتيس اربع سرعات اه بس مستحيل تسمع عنه مشكلة واتمادي جدا لدرجة استخدامه في المازدا3... تانك 60 لتر... فتحة سقف... اسبويلر... راديو سي دي تاتش... ساوند سيستم لا يقارن في الفئة دي... صب ووفر... سمارت كي... بصمة للابواب والشنطة... مالتي فنكشن... دريكسيون وفتيس وهانبريك جلد طبيعي... شبورة امامي... جنوط وكاوتش 205/60 R16... ابانوس بالتابلوه واابواب الامامية... تبطين الابواب الامامية بالجلد... مقابض نيكل من الداخل... تكييف اوتوماتيك... 02 ايرباجز وفرامل abs ebd baاقتباس:
المشاركة الأصلية كتبت بواسطة Meggieboy
هوه ده اللي في الشارك بتاعتي ومقنع جدا بالنسبة لي ومش شايف اني كنت محتاج حاجة زيادة اللهم الا حساس الركن... وبعدين حضرتك عرفت منين ان دهان الفلوانس افضل من الشارك؟؟؟ هوه ممكن جدا طبعا بس عايز اعرف المصدر...
وبعدين انا قلت قبل كده ان الفلوانس جميلة بس معجبنيش شكل التابلوه ولا العدادات ولا الكاسيت ولا الدريكسيون فقفلت منها... طبعا انا قلت كمان اني بتكلم على الشكل اللي قبل الحالي واللي كان فيه مشاكل تقفيل (اللي حضرتك بتفترض انه افضل في الفلوانس رغم انك ما شفتش الشارك) من نوعية تقشير الدريكسيون بعد فترة بسيطة والمساحات اللي بتبوظ... وطبعا اكيد حضرتك سمعت عن النتشة اللي كانت في الفتيس ومشكلة عوامة البنزين وكده صح؟؟؟
للمرة التانية بأكد اني اتكلمت على الموديل اللي فات... وده اللي خلاني اثق اكتر في جودة صناعة ميتسوبيشي واعتقد مستحيل تلاقي في الشارك مشاكل زي اللي ظهرت في الفلوانس دي... لا نتشة بقى ولا تقشير ولا عوامة بتخرف من اول يوم ولا طقطقة في الابواب ولا غيره... بالعكس العربية تقغيلها رائع وشوفها بنفسك لو حابب... وواسعة جدا من جوة مع الاعتراف بضيق الشنطة... وثباتها افضل من الفلوانس (وانا مجرب) مع الاعتراف برضه ان الفلوانس راسية جدا ع الطريق... ونظام تعليق الشارك افضل بمراحل وشاسيها اقوى بكتير بدليل امكانية تعديله لنسخ ايفولوشن وغيره وبيوصل لاكتر من 400 حصان... فبالنسبة لي الشارك اساسياتها اقوى من الفلوانس... وعلى فكرة عفشة الشارك مش ناشفة دي عفشة مالتي لينك محترمة جدا مش بنعومة التورشن بيم بتاعت الفلوانس بس مش ناشفة...
كل دي حاجات تخليني احب الشارك اكتر من الفلوانس اللي بحبها برضه... ويارب يكونوا عالجوا العيوب دي في الفيس ليفت... واكيد فتيس التيدا هيكون احسن مبدئيا... بس اللي عايز اقوله ان بالنسبة لي اعتمادية الشارك اعلى من الفلوانس...
وفي النهاية... زي ما قلتلك... كل واحد واحتياجاته... انا لا يهمني في العربية اي شيء بقدر ثباتها على السرعات العالية جدا وبحسب تجربتي المتواضعة الشارك افضل مت الفلوانس ومن كتير غيرها في الحتة دي... فبالنسبة لي لازم اشوف الشارك افضل كقيمة مقابل سعر لانها بتديني اهم حاجة انا عاوزها... بس!!
ولولا اختلاف الاذواق لبارت السلع...
احب أوضح ان الهدف الأساسى من المقارنة دى هو توضيح مميزات السيارتين للعايز يشترى و ليس لإثبات مين أحلى و مين أوحشاقتباس:
المشاركة الأصلية كتبت بواسطة Ahmed TRAVCO
تتبع الشارك المدرسة الآسيوي للعربيات السيدان الكومباكت فى التصنيع و هى تتميز بالأتى
- موتور قوى و ناعم و جراى جداً و بيساعده خفه وزن صاج العربية
- تكييف خرافى فى التبريد
- اعتمادية بدرجة عالية جداً مقارنة بالأوروبى
- قلة و عدم الأهتمام بوسائل الأمان
٦ ايرباج مقابل ٢ فى الشارك
مفيش فوج خلفى
مخادع الرأس رباعية الضبط فى الفلوانس علشان الwhiplash
- دهان و سمك صاج أقل من الأوروبي ....أنا جربت اللانسر البومة و التيريوس و الألنترا و السيراتو .....جرب تقفل الباب بتعهم و تحس بتقله و جرب تقفل باب أى عربية أوروبى زى الميجان أو الأوكتافيا أو غيرهم و شوف الفرق الرهيب.....نفس الموضوع فى الشنطة. دوس بأيدك على الصاج لجوه و شوف رد الفعل....تبعا أى حكه فى صاج الإسيوى يتلاقى قشرت و كشفت صاج و جابت برومه بعكس الأوروبي و سماكة بطانة الدهان و نادرا لو تجد صاج الأوروبي كشف و جاب برومه ....ده غير أن جسم الأوروبي مجلفن و معالج ضد الصدأ لمدة ١٢ سنة
اتفق مع حضرتك فى موضوع تقشير الدريكسيون و عوامة البنزين ( انا مسمعتش عن مشكلة مساحات قبل كده بصراحة) بس هل دول حضرتك مشاكل ميكانيكية او كهربية؟ و ايه كان رد فعل توكيلها؟ تغيير فورى تحت الضمان و لو مش موجودة بيكلمك لما توصل علشان تركبها و طبعا الكلام ده أنتهى فى الشكل الجديد و عداد البنزين بقى ديجيتال و الطارة مختلفة
و ده بيوصلنا لنقطة هامة جداً و هى مدى جودة دايموند موتورز كتوكيل لان الfeedback الأخير عليه مكنش كويس.
بالنسبة لنتشة الفتيس ده موجود فى الرينو و البيجو و السيتروين و مش عيب و لكن طبعا إحساس مش لطيف مع وجود هذه النتشة.....و لكن فتيس الfacelift عبارة عن Xtronic cvt من نيسان و ملهوش تروس أساسا فمفيش أى أحساس بأى شىء و كأنك سايق عربية كهرباء و مجرب فى النيسان قشقاى و الجوك والكورولا الجديدة و بعض فئات اللانسر بدون أى مشاكل
برجع أأكد نقطة حضرتك مرة أخرى، اللى بيشترى عايز أيه من العربية؟ لو قيادة رياضية رشيقة و أعتمادية عالية يبقى أكيد يبعد عن الفلوانس و يفكر فى الشارك زى ما حضرتك تفضلت و نصحت أما لو عايز executive sedan و فخامة و عوامل أمان يبقى الفلوانس أختيار جيد فى هذه الفئة السعرية
طبعا بشكرك وبأكد اني مكنتش بحاول أثبت مين أوحش ومين أحسن... كل الحكاية اني حاولت أشرح ليه الشارك ممكن تكون أفضل (من وجهة نظري) وانقل التجربة دي لصاحب الموضوع واقوله انا اخترت الشارك علشان كذا وكذا...اقتباس:
المشاركة الأصلية كتبت بواسطة Meggieboy
أتمنى من كل قلبي حضرتك تبص بس على الشارك وتشوف تقل الأبواب بتاعتها وصوت قفلتهم هم والشنطة... صدقني حاجة مختلفة نهائيا عن البومة لو الناس دايما مصرة تربط بينهم كده... والله لي صديق معاه فانتازيا 2012 خليجي جابها بعد كورولا هايلاين 2011 وقالي بالحرف الواحد ا قفلة باب الشارك لا تقل عن احساس الالماني بالمرة وانها لا تقل عن الفانتازيا في اي شيء غير ان فرامل الأخيرة افضل شوية وعزلها احسن... انما هو شايف انها على الطريق لا تقل عن الالماني خالص...
النقطة اللي بعد كده ان مش صاج الاوروبي بس هو اللي مجلفن... لان الياباني برضه صاجه مجلفن ومجهز للظروف الجوية السيئة ودهانه محترم جدا جدا ومعمول أساسا للدول بتاعتنا اللي الحرارة فيها قاتلة... ده غير ان الشارك بتنزل مطابقة لواصفات دول مجلس التعاون... وحضرتك عارف ان في الكويت مثلا الحرارة بتعدي الـ50 عادي جدا... ولو دهان الياباني لا يعتمد عيه كده كنا شفنا الاوروبي مغرق الخليج... ناهيك طبعا عن التكييف الياباني... الاكصدامات فقط لا غير هي اللي دهانها فعلا اقل من الاوروبي وده في كل الياباني من الشارك للسيفيك للكورولا لكله...
الحاجة التانية ان صاج الشارك مش ضعيف... والعربية مدعمة بالكامل من تحت الصاج ده بهيكل الومنيوم صلب ولكن خفيف الوزن بيسموه في ميتسوبيشي Reinforced Impact Safety Evolution أو اختصارا RISE Body... ولو حضرتك قريت شوية عنه على الويكيبيديا هتعرف انه حاجة محترمة جدا جدا تضمن بشكل كبير حماية من وما بداخل السيارة في حالة التصادمات لا قدر الله...
وللعلم فقط... الشارك واخدة 5 نجوم في الـEURO NCAP والفلوانس واخدة 4 نجوم...
وفي النهاية أنا معروف اني بحب الفلوانس جدا ولو حضرتك بصيت على مشاركاتي المتعلقة بيها ختلاقيني دايما بشكر فيها... كل الحكاية اني حطيتها في الترتيب التاني بعد الشارك... وده طبعا من وجهة نظري اللي خلتني اشتري الشارك وما اشتريش الفلوانس في وقتها...
تحياتي!
أشكرك على الأضافة و أنا فعلا ناوى أبص أكتر على الشارك لأنها فعلا من العربيات القليلة اللى مقرتش عليها كتير و مجربتهاش مع أنى نصحتهم فى الشركة عندنا يشتروها و ده يمكن لسعرها المعقول و قلة المشاكل اللى سمعتها عنهااقتباس:
المشاركة الأصلية كتبت بواسطة Ahmed TRAVCO
حابب بس أستوضح/أصلح حاجة و معلش أكدهالى لو غلطان، بالنسبة لموضوع أن رينو تاخد 4 نجوم فى Euro Ncap ده كان غريب و خصوصا الميجان 2008 كانت واخدة خمس نجوم...أنا راجعت الEuroNcap Test Results و لقيت أن العربية المختبره هى Renault Fluence ZE 2011 و دى عربية كهربائية شبيهة الفلوانس و لكنها مختلفة تماما عنها و بالمثل بالنسبة للانسر شارك....أخر موديل أختبر كان 2009 عربية Mitsubishi Lancer Sport Back 1.8L Invite LHD، و ده معناه أن لا الفلوانيس 2013 FaceLift أختبرت و لا الشارك 2013 أختبرت فى الأربع إختبارات ل EuroNcap لمعرفة النتائج....معلش صلحلى لو كنت غلطان لمعلوماتى و لإستفادة باقى الأعضاء....
مشكور مرة أخرى و سعيد بالمناقشة مع حضرتك.....
أنا الأسعد يا فندم!اقتباس:
المشاركة الأصلية كتبت بواسطة Meggieboy
الـZE هي النسخة الكهربية من الفلوانس وهو ده الاختلاف الوحيد... انما شاسيه وصاج وكله واحد... وإلا كانوا حطوا الفلوانس اللي مش ZE في النتايج...
بالنسبة للشارك... هي اصلا متغيرتش من 2008... وبالنسبة لأن العربية المختبرة هي الـSportBack فده مش هيفرق بتاتا لأن الشارك بكل نسخها سواء EX (اللي عندنا 1600 واللي برة 1600 أو 2000) أو SE أو GT او RalliArt أو Evolution أو SportBack - كل دول مشتركين في الأساسيات اللي هي الشاسيه والصاج ونظام الـRISE اللي قلت لحضرتك عليه... كل الاختلاف بيبقى تجهيزات زي الموتور 2400CC في الـGT مثلا او 2000CC turbo في الـRalliArt أو 2000CC بس twin-turbo زي الايفولوشن كده... مع تعديلات بسيطة في نظام التعليق من مساعدين وغيره علشان طبيعة الأداء المنتظر من المواتير الأكبر...
وإلا كنا برضه هنلاقي تقييم لبقية نسخ الشارك على الـNCAP... انما هم اخدوا نموذج واحد للاختبار بم إنه مشترك مع بقية الـsiblings فيما يتم اجراء الاختبارات عليه!!
تحياتي!
من رأيى الشخصى الفلوانس تكسب