الموضوع: استشارة في مشكلة مضايقاني جدا

المشاركة الأصلية كتبت بواسطة أحمد كمال

بكرة تتجوز ان شاء الله


و تعرف انت كنت ........* قد ايه :)


مستعجل على رزقك ليه النكد جايلك جايلك .........



عيش حياتك و شبابك و استمتع بفلوسك



الكلام ده من الاخررررررر

و لا تنسى المقوله الخالده : لا تحزن اذا فاتك قطر الزواج فأن يفوتك القطار خير من ان يدهسك

انت لسه خفيف ...... سافر برة و شوف بلاد العالم و عيش


بكرة تندم يا جميل و تقول يا ريتني

جرب تشوف فى بنات اقاربك
بنات الخال ... الخالة ........ العم ........العمة...الخ

المشاركة الأصلية كتبت بواسطة Red_1024

معلش ممكن سؤال ازا جواز الصالونات كله مشاكل المفروض انه احسن باعتبار اسرة بتناسب اسرة تانية

والله كلامك مظبوط يا استاذ red. لكن برضو للأسف انه حتى نسب اسرة بأسرة بيحصل فيه مشاكل كتيرة وبصراحة مش عايز اخرب للراجل موضوعه ونحول مساره.

عموما الجواز دلوقتي حاجة صعبة جدا والله اصعب من الحج نفسه اللي هو اصعب فريضة...ربنا يعينا على العيشة.

استاذ هام

صدقني العيب من البنات المصريات و ليس منك شخصيا
اهم شئ في الرجل هو الاخلاق و التدين و احسبك كذلك
اذن لا يعيبك شئ و لا تجعل هذا الامر يحزنك

يا راجل انت زعلان ان البنات المصريات بيرفضوك ؟
هو حد لاقيها اليومين دول :)

من الممكن ان تفكر في الارتباط بفتاه سوريه
و صدقني لن تندم

تحياتي

البنت اللي بتوافق علي ولد عشان بيلبس لبس شيك وروش ومهتم بالعربية والموبيل بالظبط بالظبط زي الولد اللي بيتقدم لبنت شافها بترقص في فرح فعجبته.

الاتنين مينفعوش فالاخر وميتزعلش عليهم.

فاطمن ده مش عيب فيك ولكن لسة نصيبك مجاش.

والله يا جماعة انتم رفعتوا روحي المعنوية....انا فعلا كنت اتضايقت جدا واكتئبت واهتمامي بشغلي وشكلي ولبسي وحتي اهلي قل جدا .....
اصلي الصراحة كنت حاسس اني مجروح في كرامتي اووووووي......
جزاكم الله كل خير.....