استلمت الفلوينس الحمد لله

**hesham ahmed** · 10-09-2013 10:10 PM

ربنا يباركلك فيها ... الف مبروووك

**magelad** · 11-09-2013 12:03 AM

المشاركة الأصلية كتبت بواسطة ramymechanics

شكرا لكل تهانيكم الطيبة بجد وان شاء الله تجيبوا الأحسن منها ... بس عاوز خدمة منكم لو حد يقدر يجيبلى الكتالوج بتاعها بصيغة pdf يبقى كتر خيره بجد

هى بييجى معاها كتالوج التشغيل بتاعها ؟

**ramymechanics** · 11-09-2013 01:05 AM

المشاركة الأصلية كتبت بواسطة magelad

ممكن اعرف هو انت دفعت كاش واستلمت فى نفس اليوم واللا بتستلم العربية والورق بعد الدفع بكام يوم عبال ما يجهزوا ورق العربية
وربنا يرزقك خيرها ويكفيك شرها

باشا انا رديت على رسالتك اللى على الخاص وهرد هنا بردو تانى عشان لو حد مهتم يعرف ... لو العربية موجودة فى المعرض اللى هتستلم منه وانت هتشترى كاش بتستلمها فى ساعتها .. لو العربية هتيجى من محافظة تانية مثلا او معرض بعيد بتاخد يومين زى ما قاللى المندوب .. انت بتدفع الفلوس بتستلم العربية ومعاها محضر استلام بعديها ب 3 ايام بتروح تستلم ورقها .. انا عن نفسي اشتريت العربية الخميس اللى فات والورق جه امبارح وواحد قريبى استلمهولى النهاردة بس انا كنت بزن عليهم كل يوم

أما لو بتشترى العربية قسط بتستلم العربية ومعاها الورق بعد ماتدفع الفلوس بكام يوم لأنى كنت ناوى أقسطها فى الأول وسألت فى الموضوع دة

**magelad** · 11-09-2013 08:44 PM

المشاركة الأصلية كتبت بواسطة ramymechanics

باشا انا رديت على رسالتك اللى على الخاص وهرد هنا بردو تانى عشان لو حد مهتم يعرف ... لو العربية موجودة فى المعرض اللى هتستلم منه وانت هتشترى كاش بتستلمها فى ساعتها .. لو العربية هتيجى من محافظة تانية مثلا او معرض بعيد بتاخد يومين زى ما قاللى المندوب .. انت بتدفع الفلوس بتستلم العربية ومعاها محضر استلام بعديها ب 3 ايام بتروح تستلم ورقها .. انا عن نفسي اشتريت العربية الخميس اللى فات والورق جه امبارح وواحد قريبى استلمهولى النهاردة بس انا كنت بزن عليهم كل يوم

أما لو بتشترى العربية قسط بتستلم العربية ومعاها الورق بعد ماتدفع الفلوس بكام يوم لأنى كنت ناوى أقسطها فى الأول وسألت فى الموضوع دة

انا اشكر المهندس رامى جدا لذوقه واهتمامه وسعة صدره وبصراحة مش عارف اقول له ايه غير الله يباركلك فيها ويرزق خيرها ويكفيك شرها ... امين

**محمد سيدو** · 13-09-2013 10:41 PM

الف مبروك و ربنا يكفيك شرها و يبارك لك فيها
بس عندي استفسار هيا فيها فتحة سقف و باركينك سينسور و keyless ؟"

**ramymechanics** · 14-09-2013 12:00 AM

المشاركة الأصلية كتبت بواسطة محمد سيدو

الف مبروك و ربنا يكفيك شرها و يبارك لك فيها
بس عندي استفسار هيا فيها فتحة سقف و باركينك سينسور و keyless ؟"

الله يبارك فيك يا باشا .. الفئة دى مفيهاش بارك ستسور ولا فتحة سقف بس كنت قريت هنا فالمنتدى انك ممكن تشترى بارك سنسور وتديه للتوكيل يركبه وبالتالى متخسرش ضمان الضفيرة ... العربية ليها smart key زى بتاع الميجان بس الفرق انك مش لازم تحطه فى مكان معين عشان العربية تدور كفاية انه يكون موجود فى جيبك بريموت كنترول للفئة بتاعتى و start engine