العربية بتزور

**ramyraby** · 07-09-2013 10:20 AM

السلام عليكم ورحمة الله
من فضلكم حد يساعدني في هذه المشكلة الموضوع باختصار ان العربية لازم كل ما احط لها بنزين تفضل تزور او تشرق وما تاخد بنزين وافضل افول فيها فترة طويلة جدا بالعافية وتسبي لي حرج شديد اما من اللي واقف ورايا او من الشخص اللي بيقوم بالتموين وبالعافية تتملي العربية حد يعرف من اية هذه المشكل ؟؟ وهل ينفع اركب لها زووووووور عريض شوية يستوعب البنزين بسعرعة

**wahba87** · 07-09-2013 10:54 AM

فى خرطوم اسمه خرطوف الفايظ , ده المفروض بيخرج الهواء مكان البنزين اللى دخل (على حد علمى)

اكيد عندك الخرطوم ده مسدود , و الله أعلم

**ramyraby** · 07-09-2013 11:46 AM

طيب مشكور ياباشا هروح اشوفه لكن فعلا انا زهقت من العربية بسب الاحرج ده الناس بتزهق مني وانا واقف امون

**احمد المصرى** · 07-09-2013 03:54 PM

كان عندى نفس المشكله بس العيب كان من ال ركب خرطوم ال واصل بين فتحه التنك والتنك كان راكب غلط وبعد ما ركب صح كله بقا تمام

يا انا الوصله دى راكبه غلط يا خرطوم الفايز فيه مشكله ذى ما الاخوه الافاضل قالولك

**Ahmed Nasser** · 08-09-2013 01:25 AM

فك علبة الكانستر ونظفها وجرب

**ramyraby** · 08-09-2013 09:12 AM

المشاركة الأصلية كتبت بواسطة ahmed nasser

فك علبة الكانستر ونظفها وجرب

هي دي :) انبارح رحت للميكانيكي فك هذه العلبة الموجودة بجوار التنك من اسفل ونفخ فيها لاقها مسدودة قام بالمفك لعب فيها من جوه لاغاية لما بدات تنزل الفحم اللي موجود فيها لغاية لما خلص وكبها والحمد لله المشكلة انحلت اول مرة اشوف هذه العلبة او اعرف اية لازمتها

لكم مني التحية والتقدير على المساعدة الكريمة

**swimmer25** · 08-09-2013 11:06 AM

المشاركة الأصلية كتبت بواسطة ramyraby

هي دي :) انبارح رحت للميكانيكي فك هذه العلبة الموجودة بجوار التنك من اسفل ونفخ فيها لاقها مسدودة قام بالمفك لعب فيها من جوه لاغاية لما بدات تنزل الفحم اللي موجود فيها لغاية لما خلص وكبها والحمد لله المشكلة انحلت اول مرة اشوف هذه العلبة او اعرف اية لازمتها

لكم مني التحية والتقدير على المساعدة الكريمة

الكانستر بياخد بخار البنزين من فايظ التانك لإعادة إستخدامه في الموتور وفعلا لو مسدود يبان في التفويل

**swimmer25** · 11-09-2013 09:35 AM

المشاركة الأصلية كتبت بواسطة ramyraby

صباح الخير يا بشوات انبارح رحت افول العربية ومكانش فيها بنزين غير ربع التنك والمشكلة مازالت قائمة التفويل بالعافية جدا جدا المسدس فصل يجي 100مرة حد يفيدني ارجوكم وجزاكم الله خير

بصراحة مش عارف الميكانيكي اللي عمله ده صح ولا لا
لأن الكربون اللي نزل ده المفروض هو اللي يمتص بخار البنزين ويرجعه للموتور تاني

دلوقتي إما عندك مشكلة في الكانستر أو في المواسير اللي واصلة عليه
أو عندك مشكلة في خرطوم التنك اللي بتفول منه

متهيألي عشان تقطع الشك باليقين..لازم تفصل خرطوم التانك اللي واصل علي الكانستر بحيث إن بخار البنزين يخرج للهواء مباشرة (ده الخرطوم التخين شوية اللي خارج من التانك وداخل للكانستر..تفصله من عند الكانستر...بس تفصله قبل ما تفول علي طول عند الميكانيكي عشان ميعملش مشكلة تانية وترجعه تاني بعد الإختبار)

وتجرب تاني تفول بنفس الطريقة وعلي نفس كمية البنزين في التانك زي اخر مرة ما عملت المشكلة
لو المشكلة زي ما هي يبقي خرطوم التنك اللي راكب علي الزور فيه حاجة ساداه او خانقاه
لو المشكلة راحت يبقي العيب في الكانستر

ده تخيل بسيط بس لو عملت الاختبار ممكن يكون فيه مشاكل تانية لأن خرطوم الكانستر كمان راكب قبله زي صمام

وإستشير الميكانيكي وإستني رأي باقي الأعضاء الكبار

-

-

الموضوع: العربية بتزور

LinkBack

أدوات الموضوع

عرض

العربية بتزور - انشر الموضوع فى :

-

-

-

-

-

-

المواضيع المتشابهه

هستخدام دينمو العربية فى توليد كهرباء من الرياح ؟ وفى كام سؤال عن دينامو العربية؟؟

العربية الخفيفة أحسن من العربية التقيلة!!! اتعرف على أساسيات ثبات السيارات

دفغت كام للسمسار و انت بتشترى او تبيع العربية و العربية كانت بكام ..؟

لما بدور العربية وهيه بردة بلاقى العربية بترج فترة

الكلمات الدلالية لهذا الموضوع

المفضلات

المفضلات

ضوابط المشاركة