الموضوع: ما الأفضل ظابط أم عسكري ؟؟ .... ياريت الكل يشارك للأهمية

عسكرى طبعا

انا واحد صاحبى خريج هندسة قسم حاسبات و كان ضابط فى كتيبة دفاع جوى فى حتة اسمها سيدى برانى :)

صباح العشوائية يعنى

كان زمان.. انا كان جايلي ظابط إحتياط وكان معايا رتبة كبيرة اوي.. نزلني عسكري وخدت تاجيل ٣ سنيين وبعدين اعفاء.. الكلام دا كان من زمان اوي.
وعلي فكرة التخصص ساعات بيكون قريب من السلاح ودا علي حسب الاحتياج .. وحسب السمات الشخصية... يعني انا كنت داخل صاعقة علشان كنت رياضي وطولي ١٩٦سم ... وكمان علي حسب وسطتك ؛-)

المشاركة الأصلية كتبت بواسطة mahmoud naguib

ياشباب أنا بكالوريوس علوم زراعية وقدمت جيش ويوم الإرجاء عرفت إني داخل ظابط إحتياط !!

أنا ممكن أنزل عسكري بسهولة وأروح مكان كويس
بس في ناس بتقولي ظابط أفضل ف المرتبات والمعاملة وكدة ّ!!

أنا شايف انه فعلا ظابط أفضل لأني هخلص الجيش هكون مشطب شقتي وكمان معايا زيادة !
بس السنة ونص الزيادة اللي هقضيهم ف الجيش مش حابب يضيعوا عليا وأبدأ من الصفر بعد الجيش !!

بمعنى اني ممكن آخد خبرة هنا سنتين مثلا بعد ما أدخل عسكري وأسافر بعد كدة بمرتبات عالية خصوصا ان الشغل لمجالي متوفر جدا وهبقى ف نفس الوقت إختصرت الوقت

فكرة جميلة برضه فكرت فيها إني أضرب عصفورين بحجر وأدخل ظابط وأشتغل ف مجالي ف الجيش !

هنا السؤال بقى ..
هو أنا ممكن أشتغل ف مجالي ف الجيش بسهولة ولآ التوزيع عشوائي صرف
وممكن أجيب واسطة توديني مجالي ف الجيش ؟!!؟؟

وإيه رأيكم أدخل ظابط ولآ عسكري !؟!؟!!؟!؟!؟!؟!؟؟!؟

ياريت الكل يشارك ياجماعة حتى لو شايفين ان المشاركة مش مهمة أوي بس بالنسبالي أنا هتفيدني جدا
جزاكم الله خيرا

الزميل العزيز انا كنت ضابط احتياط سنة 97
وخد الكبسولة دي في السريع لوجه الله
مفيش حاجة اسمها تخصصك يعني بمنتهي البساطة ممكن تلاقي نفسك سلاح مشاة
التخصص للطب والهندسة والباقي في الخلاط فموضوع عصفورين بحجر انسي
انا خلصت الجيش لقيت دفعتي اشتغلوا واللي اتجوز واللي سافر وانا لسة هابتدي من اول وجديد
ثالثا وانا في كلية الضباط الاحتياط قلت اقدم اكاديمية لاني حسيت ان السنين هاتضيع مني وقلت احاول استغل الفرصة وفعلا ووصلت الي اخر الاختبارات ولكن لم يتم قبولي نظرا لقلة طلبهم لمؤهل التجارة مع ملحوظة ليس لدي اي مشاكل عائلية تمنع دخولي يعني لية عم لواء معاش وحوالي تسعة من اولاد عمي وعماتي وخالاتي ضباط شرطة وجيش
موضوع الاكاديمية عملينة علشان طب وهندسة وعلوم واعداد قليلة حقوق وتجارة وتربية رياضية
علي الرغم من كل ذلك وايضا اولوية الدخول للضباط الاحتياط لم ادخل والحمد لله
رابعا بعد ماتخلص ليس لك اي اولوية في اي شئ لا تعيين ولا خلافة هاتضيع سنين عمرك اونطة
خامسا سن الاستدعاء لسن45 سنة يعني كل 2 سنة او 3 هاتلاقي استدعاء والبس وسيب شغلك وحياتك
ظروف دخولي ضابط احتياط
اني عدي مني ميعاد التقديم ودفعتي اخدت تأجيل في دفعة 10 وبعدين قدمت دفعة 1 وتم ترشيحي احتياط وكانوا بيقوا اللي مش عاوز مايجيش وينزل تلقائي عسكري وعملت كدة
وفوجئت بانهم شالوا اسماء الناس اللي عملت كدة واعتبروهم متخلفين
ورجعت قدمت تاني في ابريل وندهوا اسمائنا وقالوا دواللي تخلفوا في الاحتياط هايدخلوا غصب عنهم
وتم ارجائي الي شهر 7 لان الكلية كانت بتاخد دفعتين في 1 و 7
ودخلت 7 سنة 97 وخرجت 1 سنة 2000
ضاع مني سنة وانا باحاول ادخل الجيش وضاع مني سنتين ونص تاني غير ان دفعتي اساسا اخدت تأجيل شوفت الخيبة وكل اللي بقولوا دة كمان وفي وسطة وافلام
واوعي حد يضحك عليك بالكلام اللي مايجيبش هموا مصر هي امي والكلام اللي مابيأكلش عيش
عاوز تكون ظابط خش كلية عسكرية انما احتياط للاسف لو في اي دولة محترمة ممكن انما انت جوا الجيش مالكش ثمن ودي الحقيقة
بالنسبة لية انا غير نادم علي مامضي والحمد لله ربنا كرمني بعد كدة بس انت سالت عن النصيحة وانا نصحتك

لو تقدر متروحش من اساسه او تعمل تخلف احسن و اكرم من انك تروح تمسك سلاح عشان تقتل مصريين او تقبض على الشرفاء و تحمي البلطجية و المجرمين

[QUOTE=fourseasons;3875168671]

المشاركة الأصلية كتبت بواسطة MaZaGAngeE

لو تقدر متروحش من اساسه او تعمل تخلف احسن و اكرم من انك تروح تمسك سلاح عشان تقتل مصريين او تقبض على الشرفاء و تحمي البلطجية و المجرمين[/QUO

أخص.......................لا تعليق اكثر من تعليقى بالكلمة السابقة على تعليقك

هوه ليه شعب السيسي اخلاقه و الفاظه كده ؟