الموضوع: ايهما افضل فتيس المكوة اوتوماتيم ام فتيس البومة cvt

المشاركة الأصلية كتبت بواسطة wahba87

انا لو مكانك أخاف اخد خطوة زى دى بصراحة

انك تسقط مكنة يعني؟؟؟؟

المشاركة الأصلية كتبت بواسطة LeitoSR

أيه يا باشا الكلان دا جبته منين.؟!!!
مفيش حاجة أسمها لو فيه وزن فوق العادي يحرق الفتيس ويفرط الكاتينة, أنت مش بتتكلم علي فتيس بلاستيك او في عربية صيني,,

العربية كنا بنعد فيها خمس أفراد, وناس أوزان,,
ومحملين سلك كهرباء 6 مللي في الشنطة بتاع التتكييف لشقة جديدة كنا بنوضبها, وكنا مسافرين بيها وطلعنا بيها كباري وهيا محملة وزننا ال 5 والسلك اللي في الشنطة, وفول تانك كمان.
وأستجابة العربية من أقل لمسة بنزين كانت مذهلة, لأني زي ما قلت ال CVT عزمة أعلي من العادي.!

علي عكس باقي العربيات الأوتو العادي هيا اللي كانت بتعاني معانا لما كنا بنسافر بنفس العدد ومعانا وزن في الشنطة, كانت بتبقي تقيلة في السحب والتجميع, وكنا بنحس بالنقلات وأننا محملين عليها,

ال CVT قوي وعزمة قوي جداً فوق ما تتخيل,
كمان الانسر ال CVT هيا الوحيدة اللي مكنتش سرعتها بتقل وهيا طالعة المطالع والكباري,
علي عكس الفتيس الأوتو عادي كان بيضعف والسرعة بتقل ويضطر يسقط غيار عشان يكمل.. <<<

برجاء التحقق من صحة الكلام اللي بتقولة أو بتسمعه قبل ما تكتبه,,
عشان محدش ياخده منك ويعيدة تاني وتستمر الأشاعات,

تحياتي لك, وبالتوفيق في الأختيار.

سبب اني عامل الموضوع ده لاني مش عارف فعلا ايهم افضل انا شوفت نص لانسر بومة زيرو بلمعته لو تشوفة تقول طالع من المصنع ونفسي اجيبة بس الميكانيكي بيقولي فتيس ال cvt مينفعكش عشان وزن العربية تقيل وحيفرط منك كاتينة بعد 50 او 60 الف كيلو وحضطر اغير فتيس لانه مبيتصلحش
وقالي اني اركب فتيس المكوة لانه بيستحمل اكتر وتقتر تشد بية وامرك وافرك وكل حاجة

المشاركة الأصلية كتبت بواسطة leitosr

ميكانيكي فتاي وبيهري في أي كلام من غير معرفة.
ال cvt هوا أساس العزم زي ما قلت لك, وبيستحمل أكتر من العادي, وبيأمرك ويفرك لو جبته عال l اللي هوا أول غيار ومش هيفرق عن الفتيس العادي.
وبيقدر يسحب وزن زي العربيات الكبيرة اللي بتجر كارفان أحسن من الفتيس العادي.
ال cvt بالمناسبة نازل في النيسان juke والقشقاي الجداد, يعني مش حكر علي الانسر بما انها صالون عشان يفتي لك ويقولك وزن العربية تقيل,!!!!!
أومال القشقاي اللي ممكن تجرب وراها كارفان طن ونص وووزنها أتقل من الانسر نقول عليها أيه ؟
دي لستة بالعربيات اللي بينزل فيها فتيس cvt
list of automobiles with continuously variable transmissions - wikipedia, the free encyclopedia


وبالنسبة للفتوي بتاعت هيفرط منك كاتينة دي, أنا في حياتي من ساعة ما وعيت علي ال cvt
ومن 2007 وهوا معانا في عربيتنا وعربية عمي, وعربية أصحابي النيسان جوك وقاشقاي محصلش حاجة من الهري اللي بيهريه المكيانيكي بتاعك دا,

وقلت لك أي فتيس لو أتعمله صيانة في معاده مش بيحصل له مشاكل,
لكن لو أهملت في أي فتيس متبقاش تشتكي, والحزام او الكاتينة لو ليه عمر أفتراضي, هتغيرة زي ما بتغير كاتينة العربية.؟
ولا أنت ممكن تقول أنا مش هجيب عربية بكاتينة كاوتش وممكن تتقطع ؟؟؟

وأخيراً عمرنا ما سمعنا عن فتيس cvt أتقطع فيه كاتينة, وياريت الميكانيكي العبقري دا لو عنده دليل يوريهولنا ويقولنا أيه الي حصل فيه بالظبط..

وأنت طبعاً في الأول والأخر حر في الأختيار, انا حاسك مايل للفتيس الأوتو العادي, دي حاجة ترجع لك,
أنت سألت كام سؤال في أول الموضوع, وعلي حسب طلباتك قلت لك ال cvt هوا اللي يناسب طلباتك اللي طلبتها.

أنا قلت لك رأيي, وبالنسبة الميكانيكي دا فاهو بطيخة,
وانا مش بحترم الميكانيكي اللي بيفتي بكلام بدون علم وبيقول أي هري, ولا أحب أخليه يمد أيديه في عربيتي.
وبحترم الميكانيكي اللي يقول معرفش أو يسألني عن اللي أعرفة ويتكلم في اللي يعرفة بس.

تحياتي ليك وبالتوفيق في الأختيار.

اولا شكرا جدا علي اهتمامك ورايك عجبني وانا بايدة لان عندي 3 قرايبي عندهم البومة وعمرهم ما اشتكو من الفتيس وكمان احسن للعربية وللقواعد وراحة من غير تنتيش والحيرة اللي انا فيها اني مش عارف رايي صح ولا راي الميكانيكي بس للامانة انا شوفت عنده فتيسين بومة فارطين كاتينة ودة خوفني

المشاركة الأصلية كتبت بواسطة wahba87

ايوة خطوة تسقيط موتور بفتيس

انا افضل تبيع و تزود شوية و تجيب عربية طالعة اوتوماتيك من مصنعها

انا لو حبيع عربيتي كبيرها حتجيب 42 عشان اجيب لانسر هحتاج علي الاقل 25 عشان اغير لكن كدة هدفع حوالي 10 وسبقي معاية عربية واسعة وموتورها وعفشتها لانسر