ايهما افضل فتيس المكوة اوتوماتيم ام فتيس البومة cvt

**رشدي حشيش** · 07-09-2013 03:41 PM

معاية عربية اسبرانزا كنت عايز اسقطلها مكنة لانسر 1600 استيراد لقيت فية بفتيس المكوة وفتيس البومة بتاع المكوة اللي فية غيرات l 1 2 3 d n r p وبتاع البومة اللي فية l d ds n r p كنت عايز اعرف انهو احسن ويعيش اكتر ويستحمل السحب والجري والخدمة الشاقة ياريت لو حد عندة خلفية عن الاتنين يقولي مين فيهم احسن من التاني ويشرحلي مزايا وعيوب كل واحد فيهم

**Ahmed Amin** · 07-09-2013 03:55 PM

عزم وخدمة شاقة cvt
سحب وجري هيبقي الأوتو العادي وبيفرق فرق بيسيط جداً وغير ملحوظ عن ال cvt

خليك في cvt أنعم في المشي وبيعيش بيتحمل أكتر, ومش هينتش معاك معاك مع الوقت زي العادي.

**كل دقيقة عضوية** · 07-09-2013 04:13 PM

المشاركة الأصلية كتبت بواسطة LeitoSR

عزم وخدمة شاقة cvt كدا المفروض هو يسحب أحسن بماإن عزمه أعلى !
سحب وجري هيبقي الأوتو العادي وبيفرق فرق بيسيط جداً وغير ملحوظ عن ال cvt

خليك في cvt أنعم في المشي وبيعيش بيتحمل أكتر, ومش هينتش معاك معاك مع الوقت زي العادي.

هو أنا بشكل عام أسمع ان الفتيس ال cvt سحبه مش حلو لكن معرفش عنه حاجة

لو أنى بنصح صاحب الموضوع الفتيس المانيوال لا يعلى عليه صراحة

**Ahmed Amin** · 07-09-2013 04:17 PM

لا سحبة ممتاز وأنا مجرب الاتنين في البومة
وزي الأوتو العادي في السحب بالظبط,, بيقل عنه حاجة بسيطة جداً لا تذكر,
بس بيدي عزم أعلي. ودا بيفرق لو معاك وزن أو محل في العربية عن الأوتو العادي.

**رشدي حشيش** · 07-09-2013 06:43 PM

المشاركة الأصلية كتبت بواسطة hossamsmsm

انا معايا بومه هاف سبورت اللى الفتيس بتاعها l d ds n r p
بصراحه ممتاز ولما بتحتاج تشد مع العربيات بتسقط الغيار من d الى ds
بس كنت عاوز اعرف انت هتجيب الماكنه على كام ؟؟ لمجرد معرفه السعر

المفروض اني اتفقت علي انه حياخد حاجتي كامله علي 4 والحاجة التانية كاملة علي 12 يبقي هدفع فرق 8 وقال ازا حبيت اغير العفشة ازود 1000 جنية مساعدين ومقصين ودراعين ميزان

**Ahmed Amin** · 07-09-2013 06:45 PM

المشاركة الأصلية كتبت بواسطة رشدي حشيش

الفكرة اني سمعت انه بعد فترة بيفرط الكاتينة المعدن بتاعته يعني عمر العادي اطول ومش بياخد عزم الماتور كلة زي العادي وفي نفس الوقت بايد كلامك في انه ناعم وبيحافظ علي قواعد الماتور ومفهوش نتش بس انا عايز اللي يعيش اكتر ويستحملني عشان كدة انا محتار

الكلام دا مش حقيقي, وأي فتيس مش هيتعمله الصيانة اللازمة بتاعتها ف وقتها زي ما هو متوضح في الكتالوج هيتعب وهيبوظ مع الوقت.
حتي الفتيس العادي لو سيبت الزيت فيه فترة فوق فترته أو أكتر من 80 ألف كيلو, هتلاقيه بيبدأ ينتش وبعدها يرزع مع ال d وال r وتضطر تغير الهيدروليك بلوك.