أسعار ومواصفات اللوجان في المغرب.

**farahat** · 07-09-2008 03:32 PM

توقعاتي للسيناريو اللي هيحصل إن العربية دي هتنزل Dacia مش Renault و بالتالي مش هتنزل عن طريق EIM ، هيجيبها أي مستورد عادي ذي ما بيجيبوا العربيات الخليجي كدة
و بعدين الرجل المستورد دة هيشحنها بري عشان تكون أرخص (و دة سهل من المغرب طبعاً ) ، و يدفع الضريبة اللي عليها و يضيف مكسب بسيط (مش أقل من ١٠٪ طبعاً ) ، و في الاخر تتباع العربية الكاملة ال-1400CC بحوالي ٦٨-٧٠ ألف جنيه مصري
و بكده نلاقي في السوق عربية ١٤٠٠ كاملة ب-٧٠ (و لكن Dacia و احنا شعب نحب المناظر ) و ١٦٠٠ مش كاملة ب-٧٠ و ١٦٠٠ كاملة ب-٧٥ و ممكن ينزل المستورد عربية فاضية كمان في حدود ٥٥ مثلاً عشان تبيع كويس للي معندوش إمكانيات

دة تصوري للسيناريو اللي هيحصل في الفترة الجاية ، و مش هيؤثر على السوق خالص .. عادي موديل جديد و نزل و خلاص !

**passat** · 07-09-2008 03:38 PM

يا جماعة كل الحسابات بتاعة حضراتكم غلط لأن الأسعار دى الاسعار النهائية للمستهلك فالمغرب لكن الأسعار اللى المصنع هيبيع بيها للتوكيل هنا فمصر أسعار تانية خااااااااااااااااااااالص أقل بكتير من اللى حضراتكم حسبتوه والفيصل فالموضوع هيبقى هو مدى أمانة التوكيل ده معانا وتقديره العادل او الظالم للمكسب

**farahat** · 07-09-2008 03:49 PM

ماهو يا أستاذي أنا لم حسبت ، محسبتش فوق ال-٦٦ ألف ، لو على ال-٦٦ ألف كان هتبقى الحسبة أعلى من كدة بكتير
يعني هنقول ٥٪ شحن ------> 69
و كمان١٠٪ ضريبة مبيعات ---> 76.3
و ضيف ١٠٪ فقط هامش ربح -----> ٨٤ ألف جنيه
و طبعاً كل موزع ولا تاجر هيضيف هامش ربح في السكة
انما الحسبة إلي أنا متوقعها و إلي لازم تمشي مع توجهات السوق بتقول إن العربية دي هتنزل السوق بتاعنا في حدود ٦٨-٧٠ عشان ينفع تتباع أصلاً ، و مش ممكن تقل عن كدة أو هتقل حاجات بسيطة بس في نفس الحدود دي

**itsonlyme** · 07-09-2008 06:42 PM

على فكرة الأسعار المذكورة دي أسعار يناير 2007!

**itsonlyme** · 07-09-2008 06:50 PM

يا جماعة أنا عندي سؤال, هي الجمارك على العربية ال 1600 سي سي كام؟

يعني معقولة المغربي الفل أوبشنز سعرها يبقى قريب أوي كدة من الروماني!

احنا ممكن نعرف سعر اللوجان في رومانيا كام. بالمقارنة هنعرف سعر المغربي لما يوصل مصر.

**yahya123456** · 08-09-2008 01:02 PM

الاسعار ده تبقي العربيه ده غاليه وما عملتش حاجه في السوق انا كنت فاكر العربيه ده حتنزل تتباع ب50 الف مش ب70 الف ليه يبقي الفرق بنها وبين الروماني اللي عليه جمارك كام الف بس يبقي ايه الفرق بقي بس قعدنا نقول من غير جمارك من غير جمارك عادي يعني بس امال انا بسمع ان الجمارك عندنا عاليه ازاي يبقي السياره المتصنعه في اروبا وعليها جمارك فرقها بسيط عن المتصنعه في المغرب بخامات 40 % مغربي وبدون جمارك ازاي يعني تجي ازاي حد قولي ازاي

**farahat** · 08-09-2008 02:22 PM

عشان الجمرك ٣٠ ٪ على العربيات ال-1600cc ، بس الضرايب و فرق سعر اليورو و أرباح التجار كل د بيضاف على سعر العربية ،
يعني في الاخر الجمارك في ال-1600c تمثل ٢٠٪ من التمن النهائي للسيارة تقريباً (على أقصى تقدير و ممكن تكون أقل من كدة كمان لو التاجر كان حاطت ربح كبير من الاصل ساعتها تبقى الجمارك ١٠- ١٥٪ من التمن )

**ahmed1981** · 08-09-2008 04:25 PM

الأسعار مخيبة للآمال

والعجيب أن هذه الأسعار بدون جمارك
ولما نشوف أسعار اللوجان الروماني بجماركها ونجدها مقاربة للمغربي
فهذا نذير فشل للمغربي قبل وصولها لأرض مصر

الواحد كان متوقع أن تكون المغربي المثيلة للروماني سيقل سعرها على الأقل 10 آلاف جنيه للمستهلك
لكن لو الفرق سيكون 2000 أو 3000 فهذا أمر مخيب للآمال

**itsonlyme** · 08-09-2008 05:12 PM

المشاركة الأصلية كتبت بواسطة ahmed1981

الأسعار مخيبة للآمال

والعجيب أن هذه الأسعار بدون جمارك
ولما نشوف أسعار اللوجان الروماني بجماركها ونجدها مقاربة للمغربي
فهذا نذير فشل للمغربي قبل وصولها لأرض مصر

الواحد كان متوقع أن تكون المغربي المثيلة للروماني سيقل سعرها على الأقل 10 آلاف جنيه للمستهلك
لكن لو الفرق سيكون 2000 أو 3000 فهذا أمر مخيب للآمال

معاك حق. بس برضو نصبر, يمكن توصلنا بنفس الأسعار المذكورة أو أغلى كام ألف باعتبار أن السعر اللي بيشتري بيه التاجر أقل.

ساعتها 7 آلاف جنيه فرق عن الروماني مش بطّال.

**Sharky** · 08-09-2008 11:29 PM

من الاخر يا جماعة لو اللوجان المغربى الفاضية نزلت أغلى من 55 الف و أعلى أوبشنز فيها مازدش عن 65 الف حتبقى منافس قوى لإن من الاخر مافيش عربية سيدان فى الئة دى لكن لو غليت عن كده يبقى ملهاش لازمة تنزل احسن

على فكرة حتى الأن لم نعرف هل حتيجى تبع الوكيل كما قال لى واحد من المبيعات أعرفه فى توكيل رينو و حتبدا من أول يناير 2008 و حتنزل 1400 سى سى فاضية و لم تسعر حتى الان و حتنزل مع 1600 الرومانى

أم حتيجى عن طريق مستور اخر أو عن طريق وكيل جديد على أساس إنها داتشيا رغم تأكيد رجل المبيعات إللى أعرفه فى التوكيل إللى قالى إن رينو شاريه داتشيا و هما إللى المفروض ينزلوها رسمى فى مصر و ماينفعش حد ياخد توكيل داتشيا فى مصر غير هما إلا لو رفضوا