الموضوع: سلسلة علم نفسك الدرس الحادى والعشرون(نظام الاشعال فى السيارة)

المشاركة الأصلية كتبت بواسطة المنسي

الكهربائى كان بيقول انها بتتعدل علشان تشتغل على الفليشيا فاكيد فى حاجة بتتعمل فيها ومعلش على اللى حصل معاك وعلى فكرة العربية كانت بتعمل معايا نفس الحوارات بتاعتك من فترة ساعة ماكلمتك على المشط وكانت العربية تبقى بايتة واجى ادور مرة تدور معايا من اول تكة ومرة راسها والف سيف ماتدورش ومرة تدور وتروح فاصلة ومترضاش تدور تانى ومرة تانية تبقى دايرة وزى الفل والاقيها فصلت لوحدها مرة واحدة ومن ساعة ماغيرت المشط الدنيا ماشية لغاية دلوقتى كويس بس بقالى يومين لاحظت حاجة جديدة انه لما ابقى ماشى على التانى والار بى ام على 2.5 الاقيه ينط على 3 ويرجع تانى على 2.5 ولما انقل غيار تحصل المشكلة ولما ابقى على الخامس برده المشكلة دى تحصل فحضرتك حاول تجيب مشط الكترونى اصلى هيكون اريح من وجع القلب ده لان المضروب كتير

اشكرك يا استاذ منسي على فكرة أنا جبت بالفعل مشط الكتروني اصلي وكمان صورته وعملت بيه موضوع هنا علشان كان شكلة مختلف عن باقي الكروت اللى شفتها قبل كدة
http://www.nilemotors.net/Nile/374170-a.html

وغيرت الموبينة بواحدة هيونداي كوري

دي صورة الكارتونة مكتوب عليها هيونداي

هذه الصورة تم اعادة تحجيمها . الحجم الافتراضي لها هو 750x562.

ودي صورة الموبينة نفسها وواضح فيها المقاومة اللى على جسم الموبينة

هذه الصورة تم اعادة تحجيمها . الحجم الافتراضي لها هو 1000x750.




وبالنسبة للملاحظة اللى بتتكلم عليها بخصوص ماشى على التانى والار بى ام على 2.5 الاقيه ينط على 3 ويرجع تانى على 2.5 ولما انقل غيار تحصل المشكلة
دي والله اعلم كدة المشط او المبينة محتاجين تربيط لانها حصلت لما كانت الموبينة مفكوكة من مكانها والله اعلم



واهو الحمد لله الدنيا ماشية كويس دلوقتي وخلينا نتعلم