الموضوع: المروحة مع الكونتاك

المشاركة الأصلية كتبت بواسطة aali6632

السلام عليكم ياجماعة والله وحشتونى

انا لى سئول هو تغير اويل سيل الكرنك ممكن يخلى صوت العربية خشن شوية لان أنا من يومين غيرت جون الكرتير وهو اصلن مكيش فى جوان كان معمول بالسلكون بس وغير اويل سيل الكرنك لان كان عندى زيت بينزل منتحت بس حاسس ان صوت الربية اخشن سوية والسحب زاد لان الميكانيكى قلى ان الاسطونة والديسك كان عليهم زيت والتكلفة بالمصنعية 420 جنيه كتير اوى أنا عارف هو قلى مصنعيتة غالية


تانى موضوع هوانهاردا رحت للكهربائى خلى مروحة الرداتير تشتغل مع الكونتك اول ما ابطل العربية المروحة تقف والترموثتات شغله عادى وهو ركب كتاوت علشان الكونتاك ميتحرئش
كتاوت يابانى استيراد 25 جنيه 25 جنيهة مصنعية بالقهوى للصنيعى
وشكرآ

وعليكم السلام ورحمة الله وبركاته

وانتا والله وحشتنا ........

مصنعيه نااااااار والله ايه ياعم هو عمل عمرة الحاجات الهايفة دى انا عملتها بنفسى فى البيت ....

طبعا مستحيل ويل سيل الكرنك يعمل خشونة من المحرك دا حاجة كدا بلاستيل يعمل صوت ازاااااااااااى
هو ممكن يكون مربطش المصفحة اللى بتركب على الديسك من تحت بتتربط بمسمارين عشرة وهة علىشكل نصف دائرة وممكن يكون ربط مسمار واحد فممكن تعمل صوت مع حركة الموتور....

السحب زاد طبعا لازم يزيد ما دام منع نزول الزيت على الاسطوانة تخيل كدا الاسطوانة والديسك عليهم زيت بيفقد الكثير من المقاومة المطلوبة عند التعشيق لنقل الحركة....

انما موضوع مروحة الريداتير مع الكونتاك مش لاقى سبب ليها مهو التيرموستات بيقوم بالعمل دا اه المروحة بتفضل شغالة شويه بعد كل مشوار بس دا مفيد للموتور مش غلط الغلط انك تفصل المروحة على طول ياريت بلاش الافتكاسات والفتاوى الغير مهنية....*

المشاركة الأصلية كتبت بواسطة aali6632

استاذ صبحى انامتشكر لى ردك هو صوت الخشونة طالع من الماتور
اما المروحة عندى علشان انا عامل تغديل دورة التبريد الترموستات على الماسورة الى طالعة من الماتور بالتالى المروحة بتشتغل حولى ربع ساعة بعد ما ابطل العربية بس ممكن اعرف ايى الغلط فى كدا

انا كدا قلقان خالص من الصوت اللى بتحكى عنه دا خايف يكون البية نسى مسمار ولامشرط داخل بطن العربية فى الكرتيره ياريت تخاول تراقب الصوت وانصح انك ترجع للبية تانى يفك الكارتيرت ويشوف ممكن يكون هوى على مسمار طلومبة الزيت ونسى يحرق عليها كتير من الصنايعية بيقعو فى المشكلة دى انا لسة مغير كارتيرة الزيت وطلومبة الزيت بنفسى فى البيت وعرفت حاجات كتير منها ممكن ينسى مسمار تثبيت طلومبة الزيت فتعمل صوت خربطة اسفل الموتور وممكن يحدث مشكلة كبيرة قد تؤدى الى تغيير فارغة الموتور فنصيحة الرجاء الرجوع للميكانيكى....*

انما توقف المروحة ومازال المحرك درجة حرارته متفعة ممكن يدى الى تلف الخراطيم بسرعة لأن حضرتك عارف السيارة اثناء الحركة يتدفك الهواء من مقدمة السيارة ويندفع الى الداخل فيتم التبريد الجزئى للمحرك وغلافة الخارجى اما المروحة تقوم بتبريد المياه التى تدخل داخل الموتور وحفاظا على الكونتاك وعدم تعريضة لمخاطر فلك ان تقوم بعمل مفتاح لتشغيل المروحة بدون الحاجة للتيرموستات (مفتاح طوارئ) يعنى الفليشيا غير مستحب اللعب فى كهربتها....