انا كنت زيك كده اول ما نزلت من الكويت
و اتخانقت كتييير و شتمت و اتشتمت
و اخر مره نزلت بالالكتريك لواحد ماشي عكسي و قعدت ازعق في الشارع و اشتم و خليته رجع فعلا
لكنه لحقني و كنت ركنت و نزل ليا و قال لي علي فكره
انا حسيت انك جديد علي مصر و عشان كده مكلتمتكش
و انا والدي ظابط و كان ممكن اعملك مشكله و لسه ههب فيه قالي استني بس
انا خايف عليك انت شكلك ابن ناس و مش متعود علي النظام هنا
احنا هنا بقينا في غابه و قالي الموقف ده لو عملته مع سواق تاكسي و لا ميكروباص ممكن يكون معاه مطوه او فرد خرطوش و يعمل فيك حاجه ولا هيهمه و محدش هيقف جنبك و تروح انت بلوشي
فحاول تهدي و تكبر دماغك و اصبر لحد ما ربنا يحلها من عنده

انا لقيت نفسي مذهول و مش عارف ارد عليه بحرف
و اعتذرت ليه كمان
و بصراحه بعمل بنصيحته علي قد ما اقدر
لان الوضع بقي فوق حدود اي بشر و لازم الحل يجي من ربنا فعلا