الموضوع: أنا عملت حادثة وصدمت شخص

قال تعالى و ما كان لنفس ان تموت الا باذن الله كتابا مؤجلا

ربنا يرحمه و يغفرله و يسامحه
و يخرجك منها على خير

أجاركم الله فيما ابتلاكم به، وألهمكم حسن التصرف وأثابكم

ده اولا يا سيدي العزيز
لكن .. انا ليا عتاب عليك انك حاولت تجري بالعربية،، حتي ولو 1000 واحد قالك امشي، ممكن واحد منهم يقولك امشي من هنا ، وياخد نمرتك يبلغ عنك من هنا.. ده اولا
ثانيا - وعارف اني بعد ما اقول جملتي دمي مهدر عند الاستاذ توت عنخ امون وأستاذ ممدوح ومن معهم في الرأي- يا أخي هو ابتلاء ووقع عليك ،، وقدرك انك تواجه الابتلاء ده ،، والهروب منه مش صح،، وصدقني لو اللي قاعد علي الدركسيون ده حد غيرك وانت اللي مكان الراجل اللي في الشارع ده كانت هاتفرق كتييير في وجهة النظر،،
انا مش معاه ،، ولا ضدك ،، بس باقول اللي المفروض يتعمل...

الزم الصبر و الدعاء و ان شاء الله ربنا يفك كربك ويرفع عنك بلاءه، وبلاش تحتك انت بأهل المتوفي بشكل شخصي خلي حد ثقة هو اللي يتعامل معاهم، وافترض حسن النيه فيهم و قدر موقفهم ، بس ما تسلمش دقنك علشان الله اعلم برضو ماحدش عارف ايه اللي في النفوس ،،

ربنا يصبر أهله ويعينك يا اخي الكريم

تحياتي

انا سمعت المفتى قال

لو حد كان بيعدى من حته غير مسموح فيها انه يعدى ز كان فية عبور مشاة قريب منه و عربية خبطته يبقى انتحر و هوة فى النار


علشان هوة عارف انه معرض اى عربية تخبطة و طالما معمول مكان لعبور المشاة و باقى المكان فية سور حديد يبقى الراجل دا منتحر بالثلث

حضرتك ده أنهو مفتي ؟؟؟؟ بتاعنا
طيب المفتي بتاعنا ما قلش ان الحكومة اللي مش بتعمل رصيف للشعب بيمشي عليه حكومة قاتلة
ولا ماقلش لحضرتك ان اللي بيقصر في شغله ويتسبب في ان انوار الشوارع تبقي معتمة وماحدش يشوف كف ايده و يتسبب في 100 حادثة يبقي مذنب ومجرم
يا اخي
مش كل اللي بيعدي طريق زي ده بيبقي بيعديه كسل انه يطلع كوبري مشاه ينزل نفق او يستني اشارة تتقفل

تزعلش مني بس انا باستغرب علي فيض الفتاوي الغريبة دي. ولما هو كده ليه بيتحاكم اللي خبط حد بتهمة القتل الخطأ

تحياتي للجميع
و كفانا الله و اياكم شر أنفسنا و رفع الله عنا البلاء جميعا

الله يرحم المتوفى ويلهم اهله الصبر والسلوان

وكان الله فى عونك يااخى

والله انا لما باسمع واشوف كثره الحوادث وخوفى انى اعمل حادثه لاقدر الله

بامشى دايما جوا البلد على سرعه 40 - 50 ك وعلى الطرق الفرديه بسرعه 60 او 80 كحد اقصى وماابزودش عن كده رغم ان اللى حواليا ماشاء الله كلهم بيعدونى لكن الحمد لله بامسك نفسى وماابعملش زيهم وافرح بالسرعه لان الكارثه بتحصل فى ثوانى لاقدر الله

وربنا يسترها معانا جميعا