أنا عملت حادثة وصدمت شخص

**zalpany2000** · 28-09-2008 01:57 PM

اخي الكريم
انا معاك في كل اللي قلته
انا بس بصيت للموضوع من جانب انساني بحت ،، لا اكثر او اقل
و متفق معاك اني لو في مكانك ممكن يكون رأيي زيك و اكتر كمان..

ربنا ان شاء الله ييسرلك الحال و تخلص من المشكلة اللي حضرتك فيها بخير ان شاء الله
ويجير كل مبتلي ان شاء الله

تحياتي

**Amrrr** · 28-09-2008 03:48 PM

المشاركة الأصلية كتبت بواسطة MMamdouh

عشان الناس حقودة و متخلفة و نفسياتها زفت... معتبرة ان اللى راكب عربية دة حرامى او نصاب و بيجيب الفلوس من الهوا و ماشى يدوس خلق الله... مع ان كل الناس اللى بتتدهس بتبقى ماشية على الاسفلت و بتزاحم العربيات و حتى معندهاش دم و تخاف على نفسها و توسع ( و مش عايز اقول يستاهلوا اللى يجرالهم عشان الحرمانية)

حد كان كتب موضوع ان فى ايطاليا واحد بعربية خبط واحد بعجلة موتة و بعد كدة رفع قضية على اهل ابو عجلة طالبهم فيها بقيمة التلفيات فى عربيتة... اصل اللى راكب العجلة كان ماشى فى طريق غير مخصص للدراجات و ماشى بليل بدون نور و مكنش لابس ملابس تعكس الضوء (هو اللى غلطان تماما)... شوفتوا الفرق بين الناس النضيفة اللى بتفهم و الناس ال......

طبعا فى مصر لو حصل كدة كان بقى بتاع العربية مفترى و ابن 60 ك ل ب و كان ممكن اتقتل فى مكان الحادث و طبعا ميستجريش انه يطلب تعويض عن الاضرار فى عربيتة مع ان دة حقة قانونا

تحيا بلد الجهل و التخلف

MMamdouh

فعلا صح !!!
شفت واحد مكسرين عربيته عشان خبط عريس وعروسة بيعدوا صلاح سالم قدام نادي الجلاء !!ومنيين ؟ مطلع الكوبري عشان يتصوروا جنب النافورة والعربية يا عيني ماكانشي فيها ولا حتت ازاز ولا قطعة صاج سليمة طبعا اهل العريس والعروسة بيجاملوهم والليلة الحلوة اتلقبت لغم ونكد
طب هو اكيد مش غلطان واللي معدي طريق سريع بفستان الفرح والبدلة هو اللي غلطان بس نقول ايه بقى

ومعلشي هقول كلمتين لصاحب المشكلة :
1- ربنا يقويك وتعدي محنتك على خير وتقدر تعوض اهل المرحوم تعويض يرضيهم ويرضي ربنا ويارب يصبر اهله
2-انا بانزل نزلة الكوبري دي وانا ممور الفتيس على ستين سبعين ومينفعشي يبقى جنبك عربية في طريق حارتين وماشيين بسرعة واضح من كلامك انك مالقيتشي اي تصرف تتصرفة ساعتها غير انك تخبط اللي ظهرلك( انا قصدي في نزلة الكوبري والطريق بيفتح بعد كدة بس من كلامك انك ملحقتش تشوف الراجل يعني اللانسر كان جنبك على طول انا فمت منك انك على نزلة الكوبري على طول)
هما لما قالوا السرعة ستين كم/ساعة جوة البلد مش من فراغ لأ دي عشان تلحق تفرمل أو تفادي او تلحق تعمل اي رد فعل دفاعي تجاة الموقف اللي انت داخل علية
وعشان احنا شوارعنا مهرجلة الى حد كبير ومافيهاش قانون يحكم لا العربيات ولا المشاة يبقى الواحد يخلي بالة من نفسة ويدي دايما لنفسة الفرصة انه يلحق يتصرف - يلحق يتصرف
وانا آسف تاني اني بقول كدة وانا عارف انه مش وقته