ماهو الفكرة انى مش عاوز موبيل اصلا !
ومش عايز اسيبه في العربية 10 الاف كيلو (ان شاء الله )
عرض للطباعة
ااااااااااااه طب تمااام جدا جدا
تحياتي ......طيب ممكن اعرف افضل زيت ايه و ليه ... و ايه عيوب موبيل 1 مع العربيه و شكرًا
موبيل وان يرفع يسخن موتور العربية, بيعلي صوت العربية, مش بيعيش كفاية, والعربية بتبقي تقيلة في السحب, وبينزل محروق وناقص.
أما زيت شيل صوت الموتور معاه معقول ومرتاح, العربية مش بتسخن بشكل غير طبيعي, والسحب ممتاز,,
فيه زيوت كتير في السوق في الفترة الأخيرة, بس أضمن وأأمن حاجة زيت شيل,
ويفضل تشتريه من بنزينة شيل عن المحلات, وتكون كبيرة ونضيفة عشان ميكونش فيها غش وأهمال,
راجع الموضوع دا وخد اراء أكتر,
http://www.nilemotors.net/Nile/42130-a.html
للأسف سعادتك حكمت على موبيل (زي 99.9% من المصريين) بأنك رحت تحط ال 5w-50 في ال 307
و طبيعي جدا إنها لو كانت تقدر تطلع واحد فرنساوي من التابلوه يشتمك مكانتش هتتأخر :glasses18:
اللي حضرتك في الغالب متعرفوش (و كذلك 99.9% من المصريين) إن الموبيل 1 في مصر ليه 3 لزوجات:
5w50 و دي طبعا تقيييييييلة قوي و للعربيات القديمة و للأسف دي الوحيدة المتوفرة في الغالبية العظمي من محطات موبيل و دي اللي الناس بتروح تحطها في عربيات زيرو بيتنصح ليها بلزوجات أخف من كده كتير و بعدين يقعدوا يشتموا في موبيل. و معلومة كمان, الزيت ده اتقل من المنصوح بيه في ال 504 (اللي هو 10w40), شوف أنت بقى لما تحطه في 307 عايزها تعمل إيه ...
0w40 (الجركن الذهبي) دي اللي بتتحط في توكيل هوندا و تم تجربتها في أكتر من عربية و من ضمنهم 406 و كورولا 2008 و سيفيك 2008 و أداءه رائع
و اخيرا ال 5w30 ESP (الجركن الأخضر) و ده اللي توكيل بيجو بيحطه في ال 1.6 العادي و التربو و ده الوحيد في موبيل ال recommended للموتور ال BMW/PSA, و في مصر مفيش غيره هو و ال liqui moly top tec 4200 اللي ينفعوا مع الموتور ده (المواصفة مش موجودة لا في valvoline ولا wolf في التشكيلة اللي بتيجي مصر طبعا لكن بره موجود)
اللزوجتين دول موجودين في محطتين 2 فقط, واحدة في مصر الجديدة, و واحدة في الشيخ زايد
ال 301 في الغالب التوكيل هيحطلها ال 5w-30 ESP زي اخواتها, و لو حطلها ال 0w-40 برده اظن هيبقى مناسب ليها, بس ده هوندا هم التوكيل الوحيد اللي جايبه و مسمعتش عن أي توكيل تاني شغال بيه (أنا مسمعتش, بس جايز يكون فيه غيرهم)
اللي حابب يحكم على موبيل (أو أي شركة زيوت في الدنيا) يبقى الأول يحط الزيت المناسب (أو بمعني أصح الزوجة و المواصفات المناسبة) لعربيته و بعدين يقول
أنا أبويا مسموش الحاج موبيل, بس شئنا أم أبينا هي أكبر شركة زيوت في العالم
و العيب مش عليها إن احنا فاهمين إن موبيل 1 يعني الجركن الغالي و السلام
عشان في أي دولة في الدنيا موبيل 1 ده بيكون له ولا 10-15 لزوجة مختلفة و كل واحد بيختار الأنسب لعربيته
بكرر النصيحة لصاحب الموضوع, شوف كتالوجك بينصحك بإيه و اسمع كلامه. عشان هو اللي مصنع العربية و فاهم إيه اللي يناسبها
http://i664.photobucket.com/albums/v...ps525bbc76.jpg
يعني حضرتك حكمت عليا وعلي 99.9% من المصرين أننا مش بنفهم,, وحطينا زيت مش مناسب لعربياتنا,
وحكمت علي نفسك بأنك الوحيد ومن الصفوة ال00.1% اللي بس بتفهم وبتحط اللزوجة المناسبة لعربيتك.؟! :Copy of rfds:
لا تعليق الصراحة يعني.!! :T_thum1[1]:
وأنا عربيتي متقدرش تشتمني لأنها محترمة وبنت ناس ومتربية, وأنت متعرفهاش عشان تقول الكلام دا بالنيابة عنها, :Copy of m-s5:
وعيب تقول الكلام دا عشان يفضل سياق الكلام محترم,, :wink14::pffft:
محدش فينا أتكلم عن بنزينات هنا علي فكرة, وكلنا بنتكلم عن تغير الزيت اللي بيحطة التوكيل.!!!
وأنا عمري في حياتي مغيرت زيت برة التوكيل وكنت معرفك دا في موضوع قبل كدا خاص بالبوجيهات, يعني ماشي مع التوكيل وعلي حسب كتالوج عربيتي,,
مع أن عربيتي مخلصة ضمانها بقالها 3 سنين, وكان ممكن أعمل كل شغلها برة,
بس بروح التوكيل وبدفع مصنعية 80 جنية عشان أغير زيت بس وانا ممكن أغيرة في أي مكان ب10 جنيه,
يعني مسترخصتش فيها ولا هيا هتشتمني زي مانت بتفكر مع نفسك.. :018A1D~146:
طبعاً مش مشكلتي أن الزيت اللي بيجيبوة في التوكيل وحش أو أتقل, ولو مش بيفهمو هناك مش هخيلهم يحطو "زيت تقيل" في عربيتي زي مانت وضحت, الزيت اللي حطهولي لي قبل كدا سخن لي الموتور وخلي سحب العربية ضايع وكانت بتسقف وهيا لسه معملتش 30 ألف كيلو.!!
ومش هجري ساعتها أدور علي اللزوجتين في البنزينتين دول, لأني زي ما قلت قبل كدا مش بغير زيت إلا في التوكيل,,
لكن لو أنت بتغير برة بقي, وبتجري تدور عال زيت دي حاجة ترجع لك. :018A1D~146:
لو هما مش بيفهمو أنا مش هخليهم يحطو لي زيت غلط أو أتقل, ومش هجري أدور علي توتال لو مش متوفر ومنصوح بيه في الكتالوج,
وهحط زيت بنفس اللزوجة والكتالوج بيقول كدا وفيه Chart بيقولي أستخدم لزوجة أيه لدرجة حرارة أيه, ومقاليش لازم توتال,, قالي لزوجة. :wink14::wink14::M_yes[1]:
مش عارف أنت زعلان كدا ليه, أكن موبيل بتاعت الحاج فعلاً, :mahf(5):
وبتفترض كتير مع نفسك إن الناس كلها غلطانة وبتعمل الحاجة غلط وأنت بس اللي صح, :O_stupid[1]::O_stupid[1]:
وأكننا مش بنتكلم عن تغير زيت في توكيل,,!! وهنغيرة في الشارع مثلاً.!!
دا رأينا في زيت موبيل زفت وان,, وكل واحد حر في رأية,,
ودا رأيي كريم سراج برضه بالمناسبة لو بتحترم رأية وشايف أنه مش من ال 99.9% اللي أنت عممت عليهم وصفك الغريب,
http://www.nilemotors.net/Nile/375062-a.html
أنا مكنش موبيل حلو معايا وكان من التوكيل, وشيل ممتاز معايا, موبيل لو بيرحيك بقي,,
أبقي حطةة في عربيتك..
وعمتاً شكراً علي ال chart مع أنها مأضفتش جديد.!
تحياتي ليك.
http://www.nilemotors.net/Nile/37506...post3875149302
http://www.nilemotors.net/Nile/3875149302-post2.html
دا رأيي كريم, وأنا عارف أن كريم بيفهمم وبثق في رأيه, :tumb:
ودا كمان رأي مصريين كتير مجربين, وأجمعم علي أن موبيل مصر أسوء زيت في مصر,
وأكيد فيهم من ال 00.1% من المصريين اللي بيفهمو, !!!
http://www.nilemotors.net/Nile/42130-a.html
تحياتي للعضو Unendlich المحترم,,