الف مبروك على الصيانه و عقبال صيانه ال 100000 الف
عرض للطباعة
الف مبروك على الصيانه و عقبال صيانه ال 100000 الف
كلامك مظبوط .. اللي بيشجعني علي قرار البيجو 301 هو زياده اسعار العربيات الكوري الغير مبرره
مثلا ال rb ب 138 الف علشان يبقي فيها abs و جنوط .. و لو فتحت الكبوت تحس انها عربيه اقل من العاديه فاعتقد ان منحني بيع الكوري قرب من التشبع و في سؤال ديما عن ايه البديل
بس المشكله ان بيجو مش مستغله ده بشكل كويس في دعايه للعربيات الجديده السنه دي فممكن متبعش عدد كبير و بالتالي لو اشتريتها حيكون معايا عربيه كويسه بس مش حتعيش كتير من غير مشاكل صيانه و قطع غيار
اعذرني لسه محتار و متردد اني اخد قرار في ال 301
:)
باركولى يا رجالة انا استلمت والحمد لله في وقت قياسى جدا الحمد لله ( 15 يوم حجز فقط مع التوكيل )
هعمل موضوع مفصل ان شاء الله
بس مبدأيا كدة
بسم الله ما شاء الله تبارك الله
العربية فاقت توقعاتى
فعلا الجديد جديد ، والاهم البيجو بيجو :)
الحمد لله
استلمت ايه مع العربيه و اخبار ورقها مشي ازاي ؟ :)
طيب هوا أولا لو زيادة أسعار الكوري غير مبررة ومش عربية متينة ولا أمان وتقيلة عال طريق زي البيجو يبقي تتقارن بيها ازاي وسعرها يزيد عن البيجو ليه.؟
ثانياً لما تفتح كبوت البيجو هتعرف الفرق مقارنة بالكوري, أنو مينفعش تقارنهم ببعض.
ثالثاً بيجو عملت دعاياً فعلاً واعلانات العربية كانت عال محور أعلان كبير والسعر كان مفأجاة ونزلت في الجرنان ومش محتاجة تعمل دعاية كتير لأن أسم بيجو بس في مصر وأول لما العربية عملت دعاية لنفسها.
رابعاً العربية باعت عدد كبير مين اللي قال ممكن متبيعش.!!! وتقدر تلاحظ عددها دا بعنيك المجردة وانت واقف في الشارع. وهيا لسه مكملتش سنة في السوق.!
مش هرد عليك في حتت مش هتعيش كتير دش عشان دي مش منطقية طبعاً انك تقولها كدا وعشان كمان وقطع غيارها الميكانيكة كلها متوفرة بالفعل في السوق برة التوكيل لانها مشتركة مع ال ٣٠٧ في قطع غيار كتير,
انا عارف أنك محتار,, بس أنت بتفكر بطريقة سلبية.!
عشان كدا أنا رديت عليك. عشان أوضح لك النقط اللي فيها غلط في التفكير و الافتراضات الغلط اللي هتأثر علي قرارك بالسلب.!
أكيد أخذ القرار بيبقي صعب ومحتاج تفكير كتير قبل الشراء,
بس حاول تشوف أنت محتاج أيه ومعاك أيه وأيه أحسن حاجة ممكن تجيبها بالفلوس اللي معاك دي سواء كانت كوري أوروبي.
وأستخير ربنا أولاً وأخيراً قبل الشراء. وربنا يوفقك في الاختيار.