أستاذ Leistor
أنا مش عارف أنت واخد الموضوع على صدرك رغم إني باين إني بهرج معاك (و في شيء بيضحك محطوط في اخر الجملة )
تاني حاجة أنا بخاطبك بحضرتك, و آخر مرة سألت كانت دي معناها إني بحترم اللي قدامي
ثالثا هرد على كام حاجة كده حضرتك قلتها
1- قلت إنك بتاخد معاك الزيت من بره, و بعدين تقولي أنا ماشي مع التوكيل زي ما الكتاب بيقول, صح ؟
طب مش لما حضرتك تاخدلهم الزيت معاك يبقى اختيارك مش اختيارهم ؟
2- شل مشي معاك كويس عشان لزوجته مناسبة لعربيتك (5w-40)
و لو حطيت موبيل ال 0w-40 هتاخد منه أداء هو هو أو أفضل
3- أستاذ كريم اللي حضرتك بتثق في رأيه بيرفض الزيوت المعبأة في مصر, يبقى مينفعش تحط شل, صح ؟
4- موضوع النسب اللي قلتها ده مش افترا
لو حضرتك حابب تتأكد انزل أي موبيل جمبيك أو اسأل أي حد تعرفه (أو متعرفوش) عن لزوجة الزيت اللي بيحطه في عربيته, و شوف نسبة كام هتعرف تجاوب و نسبة كام عارفة إيه ال recommended و إيه اللي بيتحط و رد علي
و شوف النسبة اللي بتروح تدور علي الزيت المناسب ليها عند Wolf و Valvoline و Castrol ... قصاد النسبة اللي بتروح الوكيل/البنزينة و تقوله حطلي يابني زيت ال 10 أو ال 5
5- حضرتك لما زعلت و بتقولي العربية سخنت عند 30 ألف
طب هل تعرف هم حطولك زيت إيه أصلا (بغرض حتي إنك تتفاداه في المستقبل) ؟
هل رحتلهم تسألهم عن سبب السخونية قالولك الزيت ؟
ولا جبت المعلومة منين ؟
أنا عارف إنك لو حطيت ال 5w-50 العربية هتعاني (عشان جربناه في ال 406 و نزلناه بعد 190 كم)
بس هو مسخنهاش, لكن كان في تأثير علي السحب (كنا حاطين قبله ال 0w-40 فكان الفرق ملحوظ بعنف)
6- محدش قالك لازم توتال علي فكرة, هم partners مع بيجو مش أكتر
7- محدش قالك استرخاص برده, حضرتك اللي مصمم تفكر كده مش عارف ليه
بدليل إن ال 3 موبيل 1 اللي موجودين نفس السعر, يعني مقلتلكش إن ال 5w-50 أرخص, انما قلت أثقل
أستاذ كريم و اراءه علي راسي, بس هو بالتأكيد مش ال reference بتاعي في الزيوت
و موبيل مش بتاعة الحاج و أنا (الحمد لله) مش أمريكاني
لكن للأسف أنا بكلم حضرتك بأرقام لزوجات و حضرتك بتقولي "استرخاص" و "شتيمة" و "كريم منير"
أرجو أن تتقبل مروري