اقتباس المشاركة الأصلية كتبت بواسطة mahmed0100 مشاهدة المشاركة
طيب هو وضع البيجو301 في resale value متوقع يكون ايه بعد 3 سنيين
وهل ممكن يتوقف شغلها في مصر زي 206+ بعد 2014 ؟؟
و في كام عربيه 301 اتباعت في مصر لحد دلوقتي تقريبا !!
أسئلة كلها في علم الغيب.!!!! وأنصحك متشغلش بالك بيها,, لأنك مش هتاخد إجابة قاطعة عليها وكله في علم الغيب,,
بس خليني أقولك البيجو ٣٠١ عربية أوروبي متصنعة ومتقفلة في أوروبا بخامات ومعايير أوروبية مفهاش تهريج,,
مش زي ال 206+ اللي كانت بتتقفل في إيران وكانت خامتها زي الزفت من الخامات الداخلية او حتي التعديل الخارجي اللي كان عليها, وفيها مشاكل وقطع غيار معدومة زي البيجو رؤا الايراني شبيهة ال 405.

وال ٣٠١ مش هيتوقف إنتاجها لأنها ناجحة جداً من بداية نزولها السوق لحد يومنا هذا,
والطلبات عليها عالية جداً نظراً لأنها خامات ومميزات عربية أوروبي بسعر أقتصادي ودي حاجة أي مواطن يتمناها ومشوفنهاش بقالنا كتير, وهتنعش اقتصاد ومبيعات الشركة, فمش من المنطق إنك تفكر بإن هيتوقف إنتاجها.!!!

سعر إعادة البيع دي حاجة برضه في علم الغيب عشان محدش يضحك عليك فيها,
بس أنا عن نفسي متوقع آنها تمسك رينج سعر محترم زي البومة,, لانها نازلة بمزايا كتير وسعر قليل وعليها طلب عالي,,
ودا اللي بيدي resale value للعربية اعلي, أنها متخسرش كتير من تمنها زي العربيات اللي معدية ١٧٠ و ٢٠٠ ألف وهيا زيرو.

تحياتي,