عطل مفاجئ وحليت المشكلة وعندي كام استفسار

**zxcv38** · 10-09-2013 08:49 PM

اخي الكريم المشكلة ديه حصلت معايه حولت ازود السلانسيه من المسمار مفش نتيجة والمشكلة طلعة في البوجيهات غيرتهم ngk ب 66جنبه والحمد الله اتحلت طريقة اختبار كبلات الوجيهات دور العربيه ياريت لو تلبس جونني كوتش علشان ماتتكهربش حاكم الجهد عالي جدا هتخلع طرف واحد وتشوف في تغير في صوت الماتور او في هزة لو حصل كده ده معناه الكبل ده سليم .نفس الموضع في باقي الكبلات .

**yasser dyboo** · 10-09-2013 09:07 PM

لسه حاصل معايا نفس الكلام الاسبوع اللي فات والعيب طلع ان بك السلانسيه مسدود..... ممكن تغير اسلاك البوجيهات 2 و3 وتاخد كام مدفع هيتسلك او منظف دوروه وقود وتغير الفلتر بعديها زي ما الاخوه ما قالوا..... اعتقد بك السلانسيه بيبقي مسمار لوا ما تشيل العمه فالكاربارتير من فوق بيتفك بمفك عاده ويطلع زي المسمار كده بيتنضف وتركبه تاني سهل يعني

موضوع الصوت الخشن انا برضه بعاني منه مع ان البوجيهات والسلك سليم ومش عارف سببه

**Maged_Samy** · 10-09-2013 11:00 PM

احتمال كبير بك السلانسيه مسدود او مفكوك (مش مربوط كويس) .
بالنسبة لسؤالك :
البوبينة تشتغل عادى من غير ما تلمس جسم العربية ، واختبار كابلات البوجيهات ارفع واحد واحد والعربية دايرة بالليل وقربه من البوجيه هتلاقى شرارة طالعة يبقى كدة سليم بس خلي بالك وامسك السلك بفوطة تخينة علشان كهربتة جامدة وممكن تتكهرب .
و لو الكابلات مهربه هتلاقي فى الظلام الدامس الكابل كله بينور ازرق وتبقى شايف الكهرباء كأنه شفاف .
موضوع الخشونة هات مفك طويل وحطة على ودنك وحطت الناحية التانية على اجزاء الموتور علشان تعرف الخشونة فين وفى الغالب ممكن تكون من طلمبة المياه او من بلية الدينامو او من الكاتينة الجنزير .

**aw2100** · 10-09-2013 11:42 PM

قبل التنتيش ده انت كنت مفول بنزين اصل البنزين المغشوش بالمية بيخلى العربية تنتش وصوت الموتور يخشن ويعلى وفى الصيانة اللى حتعملها لما تفك عوامة البنزين ابقى فضى البنزين من التانك ونظف قاع التانك حتلاقى طين وبلاوى سوداء بتسد فلتر البنزين والكاربراتير !!

**أحمد جودة** · 11-09-2013 09:26 AM

السلام عليكم ورحمة الله وبركاته

أولا بشكر كل الزملاء اللى اجتهدو وحاولو حل المشكلة واللى بالطبع اكتسبت منهم معلومة جديدة

الحمد لله حليت المشكلة وكانت فى الموبينة

نزلت امبارح بالليل منغير العربية قولت اشتري موبينة قبل ماعمل اية حاجة فى العربية لاني كنت هشتري واحدة احتياطي دة لو فى حالة الموبينة اللى راكبة كانت سليمة

المهم نزلت عند واحد بتاع قطع غيار سكودا وكذا ماركة تانية أنا بتعامل معاة ...... قولتلو هات موبينة الكتروني بتاعت الفلييشا فجابلي موبينة بتاعت الهيونداي اكسنت تقريباً وقاللي دي افضل من الموبينة العادية علشان دي فيها مقاومة معرفش بتحمي او بتغذي المشط الالكتروني بالكهرباء المظبوطة وافضل كتير من الموبينة العادية وشككني فى نفسي قاللي الموبينة اللى عندك فى العربية عادية مش الكتروني .......... المهم صورت الموبينة وقولت اعرضها عليكم

دي صورة الكارتونة مكتوب عليها هيونداي

ودي صورة الموبينة نفسها وواضح فيها المقاومة اللى على جسم الموبينة

المهم ركبت الموبينة والحمد لله العربية دارت وتمام وظبط كهربة العربية وخرجت مشوار قصير بعد تركيب الموبينة علشان اعمل لحام مسمارين فى الحوض علشان اركبها وان شاء الله تكون كويسة

حبيت انقل التجربة للمناقشة

وعاوز اعرف الاتي
ياتري اية الفرق بين الموبينة اللى كانت راكبة والموبينة اللى ركبتها امبارح

وياتري حد عندة معلومة عن موضوع المقاومة اللى على جسم العربية وبالفعل دي بتجمي المشط الالكتروني وبتغذية بالكهرباء المناسبة والمظبوطة طول الوقت

وياتري علشان موضوع سخونية حوض العربية فكرت انقل الموبينة من مكانها بجوار الموتور فى العلبة السوداء اللى فى منتصف الحوضموضحها فى الصورة

بس المشكلة دلوقتي فى السلك الواصل من الموبينة الى الاسبراتير وهل ممكن يكون فيه سلك يحل محله وبالطول دة ......... منتظر مشاركات الاعضاء

**sakr_skoda** · 11-09-2013 07:32 PM

يابو احميد مش ضرورى ان كل مشكلة فى السيارة بتتركز فى الموبينة والمشط....*ابستبلى....

المشكلى اللى واصغه فى الموضوع بتاعت بكل بساط بوجية فصل منك وممكن يكون انسداد فى فلتر البنزين وممكن يكون انسداد فى فلتر البنزين اللى تحت العمة مشكلة فى الكاربرتير اعمل اتشيك على الحجات دى وياريت بلاش اللعب الكتير مع الموبينة والمشط اللعب مع الحاجتين دلا عواقبهم وخيمة وممكن تعرضك للخطر انتا عند البحث عن المشكلة ياريت تبداء بالأيسر فالأيسر فان لم تحل فصعد اهمامك ولاكن على ان يكون نهايتها المشط والموبينى فاهم رئى يابوحميد....*

**aw2100** · 11-09-2013 10:17 PM

المقاومة دى عبارة عن passive low pass filter بتساعد الدائرة الالكترونية فى المشط على تسريب الفولت العالى الراجع من البوبينة للارضى بسرعة دون التأثير على الترانزستور الباور -بالبلدى دى زى المكثف اللى بيركب على الابلاتين فى الأسبراتير العادى اللى بيمنع لدع الابلاتين - فبالتالى بتنتج شرارة نظيفة وقوية من البوجيهات وبتمنع الشوشرة على الراديو ونقل البوبينة مالهوش لازمة وبعد ماغيرت البوبينة دى حتنسى مشكلة التقطيع ان شاء الله تحياتى !!

**EngAhmedSayed** · 12-09-2013 01:05 PM

هقولك على سر لما كانت بتعمل معايا كدة
كنت بعطس الموتور اه و الله دى بتيبقى وشوائب موجودة و هتلاقى الموتور رجع لحالته بخلاف لو فى عطل فى النظام كله
فك غطاء العمة
و ركب سلك البوجيه التانى مكان التالت و التالت مكان التانى ودور و لقط برجليك بنزين اول ما العربية تدور و انتا ساند برجليك اكبس بنزين و شيل رجلك الموتور هيعلى اول ما تحس انى هى تبطل اكبس بنزين و شيل رجل و كرر مرتين او تلاتة هتلاقى نخشيش الموتور سلكت رجع كل حاجة زى ماهى
الموضوع ده عند الضرورة و بحذر انى الواحد يقعد يعملها كل يوم علشان غلط على عمود الكرنك الله ما انى بلغت
يعنى على سبيل المثال على طريق سفر و عملت كدة عند الضرورة
ربك المستعان

**sakr_skoda** · 13-09-2013 09:07 AM

المشاركة الأصلية كتبت بواسطة Maged_Samy

موضوع الخشونة هات مفك طويل وحطة على ودنك وحطت الناحية التانية على اجزاء الموتور علشان تعرف الخشونة فين وفى الغالب ممكن تكون من طلمبة المياه او من بلية الدينامو او من الكاتينة الجنزير .

أدة بسيطة جدا ممكن تعملها بنفسك وتكشف على مصدر اى خشونة او خروشة فى موتور السيارة*

الموضوع: عطل مفاجئ وحليت المشكلة وعندي كام استفسار

LinkBack

أدوات الموضوع

عرض

-

-

-

-

-

-

المواضيع المتشابهه

ركبت سوست سبور وعندي استفسار :)

هشتري النترا 2012 وعندي استفسار

رمضان كريم عليكم وعندي استفسار

غاوي مطبخ وعندي استفسار

ضيف وعندي كم استفسار

الكلمات الدلالية لهذا الموضوع

المفضلات

المفضلات

ضوابط المشاركة