الموضوع: مشكلة فى تبريد السيارة ..ارجو النصيحة

المشاركة الأصلية كتبت بواسطة leitosr

طبعاً لو فيه هواء في الدايرة العربية هتسخن منك,, ودي بداية مشاكل دورة التبريد إن يدخلها هواء,
وطالماً لاقيت هوا طالع من الكوعة يبقي تبدأ بتنزيل المية اللي فيها خصوصاً لو عدي عليها سنتين,
وتعمل تنضيف للدورة عادي لو لاقيت المية نازلة وحشة,
وتسلك الرادياتير في حالة أنك لاقيت صدأ نازل في المية ولو كنت بتحط مية من الحنفية فقط,,
غير كدا لو دايما بتحط مية مقطرة أو مياة خضرا أو حمرا مش شرط التسليك ولو الصنايعية وحشة هتبقي بهدلة للرادياتير وممكن ميقفلش الوش البلاستيك كويس.

لو نزلت المية اللي فيه ولاقيتها مش وحشة,, مش هتحتاج تغسل الدورة وهتملاً مية حمرا أو خضرا جديدة علي حسب اللي كان فيها,
أهم حاجة متخلطش المية الحمراء علي الخضرا من غير ما تعمل flush غسيل للدورة,

وبالنسبة لموضوع تغير طلمبة البنزين أنت ممكن تغير الموتور بس, مش الطلمبة كلها,,
انا عملتها قبل كدا 3 مرات ومكنتش أعرف اي حاجة عنها قبل ما أعملها,
وهعمل موضوع عنه في خلال اليومين دول, ممكن تبقي تشوفه وتعمله بنفسك هيا سهلة مش صعبة, ومش مكلفة, الموتور بحوالي 90 جنية وبتبقي كل حاجة زي ماكانت.
وأبعد عن الأستيراد في الطلمبات,

الله ينور ياباشا انا العربية شريها مستعملة واعتقد صاحبها الاولانى كان بيحطلها مياه من الحنفية بس لنل بحوطلها مياه خضراء ومعتقدش ان الصدأ بالدرجة الكبيرة اللى تعمل المشكلة دى .. وبالنسبة للطلمبة انا ان شاء الله هغير الموتور بس .. المشكلة انى مش عارف افك الصامولة الكبيرة بتاعة الطلمبة جبتلها زرجينة فلتر بس مقسها 11 سم ومقاس الصامولة قطرها الخارجى 16 سم ودخت مش لاقى زرجينة بالمقاس ده فى الغردقة مستنى ادور عليها فى اسكندرية يكون مقاسها كبير .. انت ايه رأيك مش هى بتتفك بالزرجينة اللى هى فيها تروس بتكلبش على الصامولة ؟؟؟ هى دى اللى بتفك ؟؟ وشكرا يا باشا على النصيحة