وحوش الصيد

**Abo-Yousef** · 17-09-2014 04:01 PM

ايييييييييه ياصيادييييين فين النااااااااااس .. عايزين نعمل رحلة صيد قريب ولو في اي مكان .. يوم عالنيل كده نغير جو حتى :d

**محمود السيد** · 18-09-2014 09:21 AM

معاكو

**Abo-Yousef** · 18-09-2014 12:48 PM

نفسى فى طلعة صيد والله يكون يوم اجازة

**eng_amg** · 18-09-2014 01:22 PM

أنا بصطاد طيور عادتا ببنادق صيد. وبقالي مدة منقطع عن الصيد وعايز أتعلم صيد السمك
ياريت لو ناويين تطلعوا أجهز نفسي وأكون معاكوا.
بس عايز أعرف أشتري إيه غير الصنارة؟
:)

**Abo-Yousef** · 18-09-2014 05:52 PM

فيبر ومكنة كويسة و3 بكرات خيط واحده 60 وواحدة 40 وواحدة 20 وشوية سنون جميع المقاسات ومشابك وكشاف رأس لو هتصاد بالليل وفسفورى كمان لزوم الليل وتقلات رصاص لزوم الحدف جميع المقاسات وغمازات كذا مقاس وشبكة سلك عشان تحط فيها السمك وقصافة او موس او قطر عشان تقطع بيه ولو عايز تزود وتجيب ايس تانك لو السمك كتير تحطه فيه فى ثلج عشان ميبوظش من الشمس وشنطة تلم فيها كل الكلام ده :) ولو جبت كرسى صغير كمان يبقى انت كده ريحت نفسك من كل حاجه .. بس كده :)

**eng_amg** · 18-09-2014 05:58 PM

المشاركة الأصلية كتبت بواسطة abo-yousef

فيبر ومكنة كويسة و3 بكرات خيط واحده 60 وواحدة 40 وواحدة 20 وشوية سنون جميع المقاسات ومشابك وكشاف رأس لو هتصاد بالليل وفسفورى كمان لزوم الليل وتقلات رصاص لزوم الحدف جميع المقاسات وغمازات كذا مقاس وشبكة سلك عشان تحط فيها السمك وقصافة او موس او قطر عشان تقطع بيه ولو عايز تزود وتجيب ايس تانك لو السمك كتير تحطه فيه فى ثلج عشان ميبوظش من الشمس وشنطة تلم فيها كل الكلام ده :) ولو جبت كرسى صغير كمان يبقى انت كده ريحت نفسك من كل حاجه .. بس كده :)

طيب هو في سنارة بشوفها فايبر وليها مكنة وجاهزة بالخيط بتاعها بحوالي 200 او 300 جنيه.
دي ظروفها ايه؟

**Abo-Yousef** · 21-09-2014 12:08 PM

هيه هيه نفس اللى انا قولت عليها بس مركبينها على طول .. بص هقولك على حاجه احسن .. الفيبر فى منه انواع وأطوال .. هات واحد يكون طوله 4 متر ونص او 5 متر وده مناسب للنيل او للبحر يعتبر معقول وسعره تقريباً 80 جنيه والمكنة في انواع برضه واحجام وفي حجم كبير تعمل حوالى 60 جنيه وكويسة لا غاليه ولا رخيصة لان في انواع تانيه بتوصل ل 300 جنيه والفرق فى التروس اللى جوه المكنة نفسها في منها تروس معدن وفي تروس بلاتسيك وفى تروس زي نيكل تقريباً يعنى الفايبر بالمكنة حوالى 140 او 150 جنيه وباقى العدة هتكلفك حوالى 200 او 250 جنيه بالكتير اوى والحاجات دى تبقى معاك بعد كده كل اللى هتحتاج تجيبه التقلات الرصاص لانها ممكن تشبك فى المياه والخيط يقطع والسنون طبعاً والخيط لما بيخلص بتجيب تانى وممكن تغير خيط المكنة كل فترة لانه مع الوقت بينشف وبيقطع مع اي حدفه .. الموضوع جميل بس عايز ممارسة

**elhelwany188** · 22-09-2014 10:34 AM

السلام عليكم ورحمة الله وبركاته ...
طيب مين افضل محلات نجيب منها الحاجات دى ...

**Abo-Yousef** · 22-09-2014 02:08 PM

اي محل بتاع ادوات صيد .. فى واحد فى ميدان الجيزة اسعارة حلوة اوى جبت منه حاجات كتير قبل كده وفى فى وسط البلد بس متعاملتش معاه ومعرفش اسعاره بصراحه

الموضوع: وحوش الصيد

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الصيد فى مارينا

بندقية الصيد

من وحوش الميجان الى وحوش اللوجان :الفتوه المفتريه فى العضه المارشيديريه

الصيد بالفهد

الى كل وحوش رينو ... وحوش الصعيد في السكه

الكلمات الدلالية لهذا الموضوع

المفضلات

المفضلات

ضوابط المشاركة