توابع تغيير طقم الدبرياج واهمال الميكانيكى

**هيثم الشرقاوى** · 12-09-2013 12:38 PM

السلام عليكم
امبارح كنت بغير طقم دبرياج لعربيتى النوبيرا والميكانيكى الله يسامحة كسر شجرة المية وكسر مقاس الزيت وكسر الصباع الحديد بتاع ماستر الدبرياج الى فوق الفتيس الى هوة بين الماتور والفتيس والصباع ده فى حدود 12سم وكسر الطرف المدبب بتاعة ومشوار دوسة الدبرياج بقى قصير مجابلى صباع من عنده وقصة وركبه عقبال اما اجيب واحد المهم اجيبة منين وبيتباع لوحدة ولا الماستر كامل وبالنسبة لشجرة المية انا جبت واحدة جديدة ب35 جنية بس حاسس ان خامتها زبالة اجيب واحدة تانية استيراد ولا مش مهم ( معلش صدعت دماغكم ) وربنا يكفيكم شر الصنايعية المهملين وحسبنا الله ونعم الوكيل والسلام عليكم ورحمة الله وبركاته

**مصطفى-حسن** · 12-09-2013 05:02 PM

النصيحة الوحيد اللى اقدر انصحك بيها
لانك راكب نوبيرا وانا راكب لانوس ومعنديش اى خلفية عن النوبيرا
هيا انك تغير الميكانيكى وتدور على واحد يكون شغة تمام

**Ahmed Nasser** · 13-09-2013 05:01 PM

المكانيكى دة اخرة يغير عجلة ولو غيرها يبقى تراجع وراه !!

**HanyManssy** · 14-09-2013 10:47 PM

السلام عليكم
انا لسه مغير طقم الدبرياج فى لانوس
حسب لى الطقم ب 480 و الصباع الحديد 40 جنيه
و قالى ابقى غير شجره المياه

**هيثم الشرقاوى** · 15-09-2013 11:52 AM

المشاركة الأصلية كتبت بواسطة zarif

النصيحة الوحيد اللى اقدر انصحك بيها
لانك راكب نوبيرا وانا راكب لانوس ومعنديش اى خلفية عن النوبيرا
هيا انك تغير الميكانيكى وتدور على واحد يكون شغة تمام

يا مصطفى باشا شكرا على النصيحة وانا لو رحتلة تانى ابقى استاهل ضرب الجزمة
وبالمناسبة جزاك الله كل خير على الفيديو بتاع تنضيف التلاجة

**هيثم الشرقاوى** · 15-09-2013 12:00 PM

المشاركة الأصلية كتبت بواسطة esam_refaat

معلش ربنا يعوض عليك
بالنسبة للصبع الحديد بتاع ماستر الدبرياج ده مش مشكلة اى قطعة بنفس الطول هتؤدى الغرض المهم تكون نفس الطول لان مرة الميكانيكى وهو بيغير لى طقم الدبرياج برضه افتكس من دماغه وحاط واحد اطول شوية وقاللى كده الدبرايج هيبقى احسن بس اللى حصل ان الفرش اتكسر والعربية عطلت بى فى الشارع ومبقتش عارف اجيب اى غيار واضطيت فك الفتيس عند اقرب ميكانيكى
انا حكيتك عشان خاطر تخللى بالك من موضوع الطول وكمان متزعلش وتعرف ان كلنا معرضين لعك الصنايعية

ياباشا تسلم على ردك وانا جبت ماستر استيراد ب50 جنية وركبت الصباع بتاعة اضمن