حد سافر شرم بالعربية قريب؟؟

**loay_anas** · 12-09-2013 11:58 PM

السلام عليكم يا رجالة
يا ترى حد سافر شرم قريب و ايه اخبار تامين الطريق و كماين الشرطة و الجيش....يا ترى موجودة و لا لاء
انا بافكر اخد الاولاد و اطلع على شرم بالعربية بس مقلق من موضوع الامن ده......و محتار اقضيها عربية و لا سوبر جت
اي حد عنده اي نصيحة يا بشوات ما يبخلش بيها علينا

**wael30003** · 13-09-2013 12:09 AM

خاف على عربيتك

خليها سوبرجيت احسن

**mohamed hussei** · 13-09-2013 12:17 AM

توكل علي الله ياباشا الحامي ربنا لو مأمن علي عربية خلاص طير بيها لو مش مأمن وخايف خلاص متروحش بالعربية بس عربية فيها ميزة انت برحتك تاخد استراحة متخدش استراحة تمشي سرعة الي انت عاوزها محدش هيجبرك سواق بارد ماشي علي 80

**masryxt** · 13-09-2013 12:32 AM

انا لسة راجع من هناك امبارح وروحت بالعربية وكان معايا اولادي
الطريق امان جدا يعيبة فقط ان فية كذا كمين وان كان دة بيديك احساس بالامان بس بياخد من زمن الرحلة
الطريق نفسة معقول جدا
تاخد بالك بس من المناطق اللي فيها ملفات تكون حريص جدا
تشيك علي عربيتك والتتاكد من مستوي السوائل وحالة الكاوتش
خللي معاك المنفاخ الكهربا احتياطي
جهز معاك حاجات تسمعها علشان ماتحسش بالطريق "انا عن نفسي كنت مجهز حكايات الف ليله وليلله بتاعت الراديو وزوزو نبيل" مش عاوز اقولك رايح جاي ماحستش بالطريق بالعكس كنا في نهاية واحدة منهم وانا مش عاوز الطريق يخلص لحد الحكاية ماتخلص
لو حسيت انك مليت من الطريق شوف اقرب مكان ممكن تاخد رست فية لان الملل بيخليك تدوس اكتر ودة مش صح
وفي الاول توكل علي الله فهو حسبك
شرم نفسها في منتهي الهدوء الجمال
رحلة سعيدة وتروح وترجع بالسلامة

**masryxt** · 13-09-2013 12:39 AM

كمان حاجة تمون من البنزينة اللي علي الدائري قبل نزلة طريق السويس
تاني تتفويلة قبل التفق بنزينة وطنية ولو مافيهاش بعد النفق ب 7 كيلو فية بنزينة التعاون والتالتة من الطور بنزينة وطنية وانت راجع نفس الحكاية علشان يكون التنك دايما فية اكتر من التلت