اشتريت العربية a7 بس عايز اسأل سؤال لخبراء القسم

**inspiron** · 26-09-2013 12:10 AM

المشاركة الأصلية كتبت بواسطة koj@k

واضح إنك فهمت غلط
دي مش حاجة كويسة إنكم تبقوا زي nissan

أنا مش برد علي نقطة اننا زي نيسان أو غيرها..أنا برد علي كلمة مبروك علينا....:))

**inspiron** · 26-09-2013 11:38 AM

المشاركة الأصلية كتبت بواسطة unisman

طيب بما انهم باعو من الخليجي
متعرفش بكام يا هندسه ؟

معرض برستيج باع واحدة بـ 275000 جنيه

**unisman** · 26-09-2013 01:38 PM

المشاركة الأصلية كتبت بواسطة inspiron

معرض برستيج باع واحدة بـ 275000 جنيه

طب تمام اوي .. يعني 2000ج فرق مقابل نظام صوتي
ملوش حل في الدنيا ده كولومباس و سماعات كانتون يا جدعان
يعني تالت grade بعد harman kardon و البارك لوحده يستاهل اكتر من 2000 ج

و بالنسبه للاخ الفاضل اللي بيقول ينفع من غير وكيل

اه ينفع و نص كمان .. حضرتك فاكر ان عربيه زي دي هيظهر مشاكل فيها قبل سنتين؟

معتقدش ابدا .. و عايز اقولك حاجه

الالماني الخليجي و الاوروبي الخليجي مفيش احسن منه

لانه مصمم لتحمل درجات حراره اعلي من عندنا بكتير و ده معناه
ان الفتيس هيستحمل اكتر بأذن الله

انتو عارفين الخوف من ايه في الخليجي ؟

الخوف من ان العربيه تكون مش هتمشي فعلا الا ببنزين 95

سألت انا بقي ميكانيكي دارس و فاهم و قالي هتضرب معاك حساس شكمان بعد سنتين

و ايه يعني حساس شكمان ب حوالي 1500 ج كل سنتين

ااناموافق :D

ولا اني ادي فلوسي لنصاب زي artoc auto

**EngAhmedSayed** · 26-09-2013 01:41 PM

جارى الاتصال بالتوكيل لمعرفة
كل شىء عن a7
يا مسهل الحال

**zangry** · 26-09-2013 02:19 PM

المشاركة الأصلية كتبت بواسطة unisman

طب تمام اوي .. يعني 2000ج فرق مقابل نظام صوتي
ملوش حل في الدنيا ده كولومباس و سماعات كانتون يا جدعان
يعني تالت grade بعد harman kardon و البارك لوحده يستاهل اكتر من 2000 ج

و بالنسبه للاخ الفاضل اللي بيقول ينفع من غير وكيل

اه ينفع و نص كمان .. حضرتك فاكر ان عربيه زي دي هيظهر مشاكل فيها قبل سنتين؟

معتقدش ابدا .. و عايز اقولك حاجه

الالماني الخليجي و الاوروبي الخليجي مفيش احسن منه

لانه مصمم لتحمل درجات حراره اعلي من عندنا بكتير و ده معناه
ان الفتيس هيستحمل اكتر بأذن الله

انتو عارفين الخوف من ايه في الخليجي ؟

الخوف من ان العربيه تكون مش هتمشي فعلا الا ببنزين 95

سألت انا بقي ميكانيكي دارس و فاهم و قالي هتضرب معاك حساس شكمان بعد سنتين

و ايه يعني حساس شكمان ب حوالي 1500 ج كل سنتين

ااناموافق :d

ولا اني ادي فلوسي لنصاب زي artoc auto

على فكرة الكلام ده مش صحيح في ناس وهي بتستلم العربيات الفتيس باظ ! مش بعد سنتين ولا حاجة وفي عربيات عاملة كيلومتر قليل جدا وحصلت مشكلة في الفتيس هي بتبقي حظ

لو حضرتك عايز تجيب الخليجي ماشي بس انت تضمن منين ان الفتيس ميبوظش؟ ولو لقدر الله باظ هتعمل اية؟

**unisman** · 26-09-2013 02:54 PM

هقول لحضراتكم

مش ممكن واحد حظه يجي في الفتيس بعد سنتين الضمان ما يخلصو ؟

مش ممكن واحد الفتيس يعيش العمر معاه من غير ما يبوظ؟

ممكن حاجات كتير اوي

بس انا فضلت المغامره

و ربنا يستر ان شاء الله

**hanipal** · 26-09-2013 04:11 PM

https://tools.skoda.co.uk/brochure_newoctavia.pdf
بعد بحث متعب وصلت للاتي،
اوكتافيا بتنزل خليجي اكتر من فئه، inspiron اللي شرحها كانت الفئه الاعلى ، المقابل ليها في التوكيل مش هيفرق تمنهم كتير رغم ان تمنها اقل بكتير من تمن البيع المباشر، لاكن انا فكرت فيها لقيت ان التاجر ماعندوش حاجه تجبره انه يكسب فيها قليل نظرا للفرق المهول في التجهيزات، يعني الوكيل بيأكله عيش بشكل غير مباشر،كفايه اقول ان الفئه الكامله دي من اساسيتها انو ينزل فيها جنط 17 مش 16 والمفاجأه انه نفس الشكل الجميل بتاع ال ambition بس 17، السؤال بئه ازاي ارتوك اقنعت سكودا الام من انها تشيل بند تجهيز اساسي من فئه معينه وتنزلها ارتوك على انها اعلى فئه !!!!!
خده عندكم البرشور الرسمي اللي ارتوك عمرها ما هتوريه لعميل في مصر، https://tools.skoda.co.uk/brochure_newoctavia.pdf
عمركه تتخيله ان عربيه زي دي ماينزلهاش برشور لحد دلوقتي من وكيلها وحتى موقع ارتوك الالكتروني مايجيبش حاجه عن سيرتها، هوا احنا بنشتري حشيش لا سمح الله والا عربيه محترمه،
الفئه اللي قبل الelegance خليجي هيه اللي عليها العين، الفئه دي حسب اوتو عادل جوده بالمهندسين ومعرض برستيج قالو الاتنين انها هتكون فئه في حدود 240 الف وهتكون تجهيزتها برضو فارقه كتييير عن اول فئه وكيل ،
اللي نزل البرشور اللي وضحتلكم اللينك بتاعه فوق هيلاحظ انه في تلات فئات هيه s و se و elegance ،
اللي نازله مصر ال s المفروض ، القاعدة اللي فهمتها انه ينفع تاخد اي فئه وتزود عليها تجهيزات، بس ماينفعش ان وكيل او موزع لسكودا ينقص من اي فئه تجهيزه اساسيه واحده، بس ده اللي قدرت تعمله ارتوك بقدرت قادر، خصوصا انه الفئه الاولى وكيل نزلت اقل من ال s في حاجات زي ال7 airbags اساسي اللي بقو اتنين فقط والelegance وكيل نزلت من غير تجهيزات اساسيه كتير!!!!
الفئه الاولى خليجي هتكون زياده عن الاولى وكيل بطاره مالتي وزينون وفرش نص جلد وشاشه ملاحه بس مش كولمباس وتعتيم اتوماتيك بالمرايه و السبعه الايرباج وكذا حاجه ، ولو نزلت. الفئه دي هتكون مناسبه في سعرها و مرضيه في امكانيتها للعبد لله ،
النقطه الاهم،
مين خايف من الفتيس ؟
روح شركة تريبل ايه aaa . ودي في عمارات العبور ، اتصل بيهم وقولهم على الضمان، الشركه دي بتضمن الخليجي بس الانواع المحترمه، انا اول ما كلمت المسؤل وقلتله على ال a7 اللي طبعا نضمنها ونديك ضمان تلات سنين او 60000 km بس باستثناء الكاوتش والمساعدين والبطاريه ، وقالي ان الفتيس الجديد هما عارفينو كويس ولو كان القديم ماكنوش ضمنوه اصلا، وتكلفة الضمان نسبه مئويه من تمن العربيه حسبهالي وقالي حوالي من اربعه الى اربعه ونص الف،
بس بشرط انك تعمل صيانتك في واحد من مراكزهم المعتمده ، وهيه كارتك في العبور والاقصى المعادي ووهدان الجيزه،
كلمت كارتك اكدلي فعلا ان المعلومه وقالي كمان معلومه صعقت لما سمعتها،
قالي بالحرف، بتوع تريبل ايه دول مش بيقرفو العميل زي ما بتعمل ارتوك ساعات، !!!!!
يعني المشكله يا عم unisman بتاعت الفتيس محلوله ولا مخاطره ولا حاجه،
همتك بئه مهايا يا inspiron قوللي بس ان العربيه وصلت في المكان الفلاني وانا ه بسسسك عليها ،ههههههههه

-

-

الموضوع: اشتريت العربية a7 بس عايز اسأل سؤال لخبراء القسم

LinkBack

أدوات الموضوع

عرض

-

المواضيع المتشابهه

انا كنت عايز اسأل سؤال............

انا كنت عايز اسأل سؤال............

اشتريت معطر للعربية و عايز اسأل عن حاجة

عايز اسأل عن شوية حاجات في تعديل العربية

عايز اسأل فى سؤال ضرووورى

الكلمات الدلالية لهذا الموضوع

المفضلات

المفضلات

ضوابط المشاركة