تقريرى عن العربية Emgrand EC7 ... والرحلة من القاهرة الى الاسكندرية.

**M I D O** · 14-09-2013 11:33 PM

لو سمحت يا باشا حضرتك عندك كام سنة ؟؟ عشان بس اعرف حضرتك شباب ولا عديت المرحلة دي و لو انت شباب العربية عاملة معاك اية وبتستحمل الجري و الحركات ولا لاني بفكر في العربية دي بس لو غبور صلح العيوب بتاعتها الاول وتسلم يا باشا

**M I D O** · 15-09-2013 02:09 PM

المشاركة الأصلية كتبت بواسطة CarMania

مبدئيا انا سنى 21 سنة. وفيه ناس كتير بتأكد لى انى شباب. وانا بصراحة مصدقهم
المهم بالنسبة لسؤالك. فالاول نحدد انت هتجرى بيها فين؟ يعنى لو هتجرى جوا البلد ومش هتعدى سرعة ال 100 كم/س مثلا. يبقى ممكن تفكر فى اختيارات تانية زى الفيرنا مثلا.
لكن لو هتجرى على سفر وطريق سريعه. يبقى الايمجراند ممتازة. دا لان تقلها بيدى ثبات ونظام الفرامل وال abs بيدك ثقه وتحكم.

وبردة دا مش معناه ان العربية هتكون بطة معاك لو هتستعملها جوا البلد. فهيا جدا معقولة. لكن طبعا حاجة زى الفيرنا مثلا هتجمع اسرع منها.

وللعلم العربية جمعت معايا من 0 الى 100 كم/س فى حدود 15 ثانية. وطبعا لازم دايما تكون عامل حسابك ان تجميع العربية بيبان اوى بعد 4000 rpm. العربية فعلا بتتحول وقتها.

زي الفل انا كمان 21 سنة

و اصلا كل مشيي هيكون طريق سريع سفر وبس ونادر لو مشيت جوة البلد وربنا يصلح الحال ويهدي غبور ويصلح عيوب العربية

**شريف عدلي** · 13-10-2013 02:38 AM

ربنا يبارك لكم في العربية ويرزقكم خيراً ويجنبكم شرها ... اللهم أمين

**M I D O** · 13-10-2013 09:15 PM

المشاركة الأصلية كتبت بواسطة sky_rider

تقرير ممتاز ... ربنا يباركلك فيها .......
انا برضو العربية بقالها معايا 9 شهور و 23 الف كلم و سفر شرم القاهرة والعكس بالاسرة و الحمد لله وحش على الطريق .. منتهى الثبات و الراحة ... و موضوع نشوفية الكرسي انا عالجته بشلته سفنج شيك .. و الحمد لله كله تمام ...

ما شاء الله ربنا يباركلك فيها