تقرير جميل ومفيد ربنا يبارك لك فى السيارة ان شاء الله
رقم العضوية : 133830
تاريخ التسجيل : 22Jan2013
المشاركات : 60
النوع : ذكر
الاقامة : Egypt
السيارة: N/A
السيارة[2]: N/A
الحالة :
بسم الله الرحمن الرحيم.
تحية طيبة لكل اعضاء المنتدى الكرام
دا تقريرى عن عربيتى ال Emgrand EC7 موديل 2013 وقبل السفر كانت عاملة 4000 كيلو.
الرحلة كانت من القاهرة الى اسكندرية عن طريق مصر ـ اسكندرية الصحراوى وكذلك العودة
الرحلة باتجاه اسكندرية بدأت الساعه 4 الفجر
كان معايا 2 فى العربية وشوية شنط فى الشطنة ورا.
الطريق اخد حوالى ساعة ونص تقريبا من البوبات الى البوبات.
متوسط السرعة كان من 140 الى 150 كم/س.
اقل سرعة كانت 120 كم/س واقصى سرعة كانت 175 كم/س
الفجر بقة ومش فيه ردارات وكنت بتشقلب فى الطريق براحتى.
وكنا ماشين بالتكييف معظم الطريق.
وهنا تيجى اول ملاحظة. السرعة الزيادة ولا ليها اى تلاتين لزمة. كان فيه جماعة صحابنا جايين ورانا على سرعة من 80 الى 100 كم/س ووصلوا بعدينا بتلت ساعة تقريبا. فاعتقد ان فرق التوقيت مش يستاهل حجم المخاطرة اللى بتعرض نفسك ليها بالسرعة الزيادة.
وانا لو كنت جريت بالعربية دا كان فيه قدر من التهور بس السبب الرئيسى هوا انى اعرف اقيم العربية.
نيجى بقة للتقيم
بالنسبة للسحب فاحب اقول ان العربية بتتحول بعد تخطى حاجز 4000 RPM وخصوصا على النسب المتوسطة (الغيار التالت والرابع) .
العربية جابت معايا 175 على الرابع عند 5500 RPM تقريبا.
عزم الغيار الخامس بيبقى ضعيف لو جبته بدرى. قبل 140 كم/س مثلا.
تقديريا. العربية ممكن توصل ل 200 كم/س لو شبعت كل غيار للاخر.
العزم فى المطالع ضعيف جدا على الخامس وبالتالى لو حابب تشد لازم تنزل للرابع ووقتها مش هتقدر تعدى حاجز 175 كم/س تقريبا.
صوت الموتور مميز جدا. مش بينعر على الفاضى. لا الصوت بيديك احساس بالقوة.
الخلاصة الماتور ال 1500 مناسب للعربية وخصوصا على السرعات العاليا. وتأثير التكييف عليه معقول.
والحرارة مش بتتأثر مهما كانت السرعة.
بالنسبة لنظام التعليق فحدث ولا حرج. جيد جدا فى تقديرى. وبيدى ثبات ممتاز
العربية مش بتلعب مع مطبات الهوا وحتى ومع السرعات العاليه وطبعا دا بيتسبب فى شوية نشوفيه فى العفشة وبتبان مع عين القطة
بالنسبة للفرامل. فهى ايضا جدا وبتمسك كويس ومش بتحدف مع السرعات و ال ABS بيدى ثقة كبيرة وتحكم رائع مع الفرامل المفاجئة.
بس طبعا التيل سئ جدا والجنط كلو بيتحول للون الاسود منه.
نظام التوجيه والتحكم جيد. والباور معقول ومش خفيف مع السرعات. وانا بطلع من عربية وبعد ما عديتها. عربية جت ادامى وزنقت عليا ورديت الدركسيون الناحية التانية والعربية الحمد لله لمت نفسها بسرعة.
واخدت اكتر من عرزة تانية والحمد لله العربية رفعت راسى.
التكييف كان كويس جدا وتأثيرة على السحب معقول خصوصا على السرعات العالية.
الاضاءة الليلية جيدة الى حد كبير وبتكشف الطريق كويس.
وكذلك مستوى الرؤية فى المريات جيد جدا ومناسب لحجم العربية.
كرسى السائق ناشف شوية ومتعب فى السفر وخصوصا لو هتسافر مسافة اكبر.
لكن الصالون واسع وياخد من الحبايب الف ومرتحين جدا
وطبعا السنطة ممكن تنقل فيها شقتك كلها وهيا الاكبر فى فئتها على ما اتذكر.
استهلاك البنزين معقول. وطبعا انا شايف انه زيادة شوية على عربية بماتور 1500cc
قطعنا مسافة 200 كيلو بحوالى 18 لتر.
فى طريق العودة شغلت التكييف طول الطريق تقريبا. وكنت لوحدى. ومش حسيت بفرق كبير فى السحب او الثبات او استهلاك البنزين.
الخلاصة. انا شايف ان العربية ممتازة مقارنة بالاخريات اللى فى فئتها. وهيا عربية عائلية ومناسبة جدا للسفر.
رقم العضوية : 124815
تاريخ التسجيل : 17May2012
المشاركات : 80
النوع : ذكر
الاقامة : Giza
السيارة: FRV
السيارة[2]: Megane
دراجة بخارية: no
الحالة :
تقرير جميل ومفيد ربنا يبارك لك فى السيارة ان شاء الله
رقم العضوية : 96064
تاريخ التسجيل : 23Apr2011
المشاركات : 3,658
النوع : ذكر
الاقامة : nasr city
السيارة: more than 300 cars سابقا
السيارة[2]: now I have 11 cars
دراجة بخارية: من زمان
الحالة :
صديقي المواطن
مبروك وبالتوفبق وربك يديمها عليك نعمة
ودمتم للنضال عربية جيدة نسبيا
رقم العضوية : 119563
تاريخ التسجيل : 25Jan2012
المشاركات : 251
النوع : ذكر
الاقامة : Giza
السيارة: 2 Lanos
السيارة[2]: 128
الحالة :
تقرير جيد والعربية الحقيقة بدأت تنتشر اوي ربنا يبركلك فيها
رقم العضوية : 131111
تاريخ التسجيل : 09Nov2012
المشاركات : 5,961
النوع : ذكر
الاقامة : طنطا
السيارة: Fiat 132
السيارة[2]: Geely Emgrand EC 7
دراجة بخارية: I.S.A BMW.s.1000.rr
الحالة :
تقرير ممتاز وربنا يباركلك في العربية ويديك خيرها ويكفيك شرها
. . . . . . . . . . . . . . . . . . . . . . . .
. . . . . . . أة يــا تــيــشــيــرت الـــعـــمـــر يـــا أبــيـــض ... انـــا الـــزمـــالـــك انـــتـــو مـــيـــن ؟؟ . . . . . . .
و ارجــع روحــك عــالــيــة لـلـجـمـاهـيـر الـغـالـيـة و انـسـى كــل مــا فــاتــك و قــدم كــورة تـانـيـة ♥♥ ZAMALEK ♥♥
رقم العضوية : 127538
تاريخ التسجيل : 14Jul2012
المشاركات : 620
النوع : ذكر
الاقامة : giza
السيارة: لا يوجد
السيارة[2]: رينو لوجان 2013
دراجة بخارية: لا يوجد
الحالة :
بالنسبة لأستهلاك البنزين فهو معقول مش مبالغ فيه ولا حاجة متنساش انك أول متعدي 3000 لفة لازم استهلاك البنزين يزيد ( نصيحة خلي سرعتك دايما بين 90 و 110 ) حتلاقي استهلاك البنزين ممتاز .
انا معايا لوجان مانيوال لما بمشي علي سرعة من 90 الي 110 استهلاك البنزين بيعمل 5.5 لتر كل 100 كم بدون تكييف وبالتكييف حوالي 5.8 كل 100 كم
احب اقولك علي خبر مش كويس بالنسبة للرادار ، فيه اثنين شغالين علي الصحراوي واحد في الكيلو 54 تقريبا والثاني قبل السادات ربنا يستر ومتكنش اتصورت .
رقم العضوية : 41844
تاريخ التسجيل : 04Jun2009
المشاركات : 8,706
النوع : ذكر
الاقامة : في بيتنا
السيارة: هوندا سيفيك / بي ام دبليو 316i
السيارة[2]: سوزوكي التو / رينو لوجان
دراجة بخارية: جاية في الطريق
الحالة :
تسلم ايديك يا باشا ع التقرير الجميل ده و لو اني مش هحكم بشكل نهائي ع موضوع السحب و التكييف الا لما اجرب بنفسي
لكن هل فيه اي عيوب صناعة واجهتها من ساعة الاستلام لحد دلوقتي ؟
و عايز اعرف اسعار قطع الغيار الدورية سيور و فلاتر و بوجهيات و تيول و بعض القطع الاخري زي الريداتير و الاكصدامات و الفوانيس
بخصوص موضوع التيل اللي بينزل بودرة ده أفضل مش حكاية التيل سئ بس بيكون حنين ع الطنابيير و ميهلكهاش بسرعة عكس البعض التيول المضروبة اللي بيبقي برادة حديد غبي ملزوق فبيبهدل الطنابير و ياكلها او نوعية ناشفة شوية
لكن طبعا اللي بينزل بودرة ليه عيوب بيخلص بسرعة و البودرة غير مشكلة اللون الاسود
الخوف تدخل البودة في اي اجزاء و تعمل مشاكل فالأفضل لو هتستمر ع نفس النوعية انك تنفخ بالهوا و تغسل الجنوط كل فترة و الدنيا هتمشي حلاوة :)
رقم العضوية : 133830
تاريخ التسجيل : 22Jan2013
المشاركات : 60
النوع : ذكر
الاقامة : Egypt
السيارة: N/A
السيارة[2]: N/A
الحالة :
فعلا عندك حق يا استاذى ان افضل استهلاك للبنزين بيكون عند سرعه 90 تقريبا وتحت 3000 rpm
وانا اقصد ان الاستهلاك زيادة مقارنة بمتوسط السرعة
لان بناءا على كلام الكتالوج. الاستهلاك المفروض بيكون 6 لتر لكل 100 كيلو فى الظروف القياسية.
فاعتقد ان كتير انه يوصل ل 9 لتر تقريبا لما السرعة توصل ل 140
وبالنسبة لموضوع الردار. فربنا يستر وادينى بتابع موقع المرور ولسة مش فيه حاجة اتسجلت.
رقم العضوية : 133830
تاريخ التسجيل : 22Jan2013
المشاركات : 60
النوع : ذكر
الاقامة : Egypt
السيارة: N/A
السيارة[2]: N/A
الحالة :
اهلا بيك يا كبير.
بالنسبة لنقطة عيوب الصناعة. فهيا تتلخص فى جملة واحدة. عيوب التقفل المصرى.
يعنى الشكمان صوته عالى لانه منتج مصرى.
وبيبقى فيه شويه اهمال فى التقفل
زى مثلا مراية الصالون اللى لزقها بيفك وفبرة التنك اللى بتكسر وفروق فى الصاج.
بس انا شايف ان كل معظم مشاكل التقفيل بتتحل فى اول صيانة باستثناء موضوع الفبرة لانها ممكن تتكسر تانى.
وللعلم لم اواجه اى عيب تقفيل لحد دلوقتى غير ان باب التنك عندى مش بيفتح كويس.
فيه ناس بتشتكى من ضعف التكييف وانا منهم عشان الكمبروسور سئ واعتقد ان التوكيل بدء بالفعل تغيره بتوع افضل للناس اللى بتشتكى.
ولما اروح الصيانة هتأكد واشوف الموضوع دا.
ولمبة Check Engine بتنور عشان البنزين (العربية عايزة بنزين 93). والموضوع دا بيتحل بتحديث ال Software فى التوكيل.
ومشكلة شائعه تانية هيا الحدفه اليمين. وبتتحل عادى بضبط الزويا. بس المشكلة ان مش كل ورش ظبط الزويا عندها البرنامج بتاع العربية. بس فيه ناس بتقول انها بتظبط على الالنترا الجديدة والموضوع ماشى.
وفيه ناس بتشتكى من رداءة الدهان وانه بيتأثر بالرنل المتطاير. بس انا مش قادر احكم على الموضوع دا عشان انا مش بسافر كتير.
وبالنسبة لنقطة التيل فانا عارف ان الافضل ان التيل يتاكل احسن ما يضر الطنابير.
بس اللى مضيقنى فيه ان بيهبب الدنيا جدا. رغم انى بشوف فى عربيات تانيه بفرامل قوية وتيل من نوعيه جيدة ومن غير تهبيب للجنط.
وفعلا انا قلقان من نقطة ان الهباب دا يضر اى وحدة تانية وادينا بتعامل مع الموضوع دا بغسل الجنط من وقت للتانى.
رقم العضوية : 133830
تاريخ التسجيل : 22Jan2013
المشاركات : 60
النوع : ذكر
الاقامة : Egypt
السيارة: N/A
السيارة[2]: N/A
الحالة :
بالنسبة لاسعار قطع الغيار فاللى اعرفه منها.
الاكصدام الامامى ب 750 جنية
الفانوس الامامى ب 775 جنية
الفوج الامامى ب 250 جنية
دى اسعار التوكيل وبيضاف عليها 10% ضريبه مبيعات
والكتينه جنزير وللاسف مش عندى فكرا عن اسعار بقية القطع
المفضلات