الموضوع: تقريرى عن العربية Emgrand EC7 ... والرحلة من القاهرة الى الاسكندرية.

تقرير جميل ومفيد ربنا يبارك لك فى السيارة ان شاء الله

صديقي المواطن
مبروك وبالتوفبق وربك يديمها عليك نعمة
ودمتم للنضال عربية جيدة نسبيا

تقرير جيد والعربية الحقيقة بدأت تنتشر اوي ربنا يبركلك فيها

بالنسبة لأستهلاك البنزين فهو معقول مش مبالغ فيه ولا حاجة متنساش انك أول متعدي 3000 لفة لازم استهلاك البنزين يزيد ( نصيحة خلي سرعتك دايما بين 90 و 110 ) حتلاقي استهلاك البنزين ممتاز .
انا معايا لوجان مانيوال لما بمشي علي سرعة من 90 الي 110 استهلاك البنزين بيعمل 5.5 لتر كل 100 كم بدون تكييف وبالتكييف حوالي 5.8 كل 100 كم
احب اقولك علي خبر مش كويس بالنسبة للرادار ، فيه اثنين شغالين علي الصحراوي واحد في الكيلو 54 تقريبا والثاني قبل السادات ربنا يستر ومتكنش اتصورت .

المشاركة الأصلية كتبت بواسطة the lawyer

بالنسبة لأستهلاك البنزين فهو معقول مش مبالغ فيه ولا حاجة متنساش انك أول متعدي 3000 لفة لازم استهلاك البنزين يزيد ( نصيحة خلي سرعتك دايما بين 90 و 110 ) حتلاقي استهلاك البنزين ممتاز .
انا معايا لوجان مانيوال لما بمشي علي سرعة من 90 الي 110 استهلاك البنزين بيعمل 5.5 لتر كل 100 كم بدون تكييف وبالتكييف حوالي 5.8 كل 100 كم
احب اقولك علي خبر مش كويس بالنسبة للرادار ، فيه اثنين شغالين علي الصحراوي واحد في الكيلو 54 تقريبا والثاني قبل السادات ربنا يستر ومتكنش اتصورت .

فعلا عندك حق يا استاذى ان افضل استهلاك للبنزين بيكون عند سرعه 90 تقريبا وتحت 3000 rpm
وانا اقصد ان الاستهلاك زيادة مقارنة بمتوسط السرعة
لان بناءا على كلام الكتالوج. الاستهلاك المفروض بيكون 6 لتر لكل 100 كيلو فى الظروف القياسية.
فاعتقد ان كتير انه يوصل ل 9 لتر تقريبا لما السرعة توصل ل 140

وبالنسبة لموضوع الردار. فربنا يستر وادينى بتابع موقع المرور ولسة مش فيه حاجة اتسجلت.

المشاركة الأصلية كتبت بواسطة Amr Axel

تسلم ايديك يا باشا ع التقرير الجميل ده و لو اني مش هحكم بشكل نهائي ع موضوع السحب و التكييف الا لما اجرب بنفسي

لكن هل فيه اي عيوب صناعة واجهتها من ساعة الاستلام لحد دلوقتي ؟

و عايز اعرف اسعار قطع الغيار الدورية سيور و فلاتر و بوجهيات و تيول و بعض القطع الاخري زي الريداتير و الاكصدامات و الفوانيس

بخصوص موضوع التيل اللي بينزل بودرة ده أفضل مش حكاية التيل سئ بس بيكون حنين ع الطنابيير و ميهلكهاش بسرعة عكس البعض التيول المضروبة اللي بيبقي برادة حديد غبي ملزوق فبيبهدل الطنابير و ياكلها او نوعية ناشفة شوية
لكن طبعا اللي بينزل بودرة ليه عيوب بيخلص بسرعة و البودرة غير مشكلة اللون الاسود
الخوف تدخل البودة في اي اجزاء و تعمل مشاكل فالأفضل لو هتستمر ع نفس النوعية انك تنفخ بالهوا و تغسل الجنوط كل فترة و الدنيا هتمشي حلاوة :)

اهلا بيك يا كبير.
بالنسبة لنقطة عيوب الصناعة. فهيا تتلخص فى جملة واحدة. عيوب التقفل المصرى.
يعنى الشكمان صوته عالى لانه منتج مصرى.
وبيبقى فيه شويه اهمال فى التقفل
زى مثلا مراية الصالون اللى لزقها بيفك وفبرة التنك اللى بتكسر وفروق فى الصاج.
بس انا شايف ان كل معظم مشاكل التقفيل بتتحل فى اول صيانة باستثناء موضوع الفبرة لانها ممكن تتكسر تانى.
وللعلم لم اواجه اى عيب تقفيل لحد دلوقتى غير ان باب التنك عندى مش بيفتح كويس.

فيه ناس بتشتكى من ضعف التكييف وانا منهم عشان الكمبروسور سئ واعتقد ان التوكيل بدء بالفعل تغيره بتوع افضل للناس اللى بتشتكى.
ولما اروح الصيانة هتأكد واشوف الموضوع دا.

ولمبة Check Engine بتنور عشان البنزين (العربية عايزة بنزين 93). والموضوع دا بيتحل بتحديث ال Software فى التوكيل.

ومشكلة شائعه تانية هيا الحدفه اليمين. وبتتحل عادى بضبط الزويا. بس المشكلة ان مش كل ورش ظبط الزويا عندها البرنامج بتاع العربية. بس فيه ناس بتقول انها بتظبط على الالنترا الجديدة والموضوع ماشى.

وفيه ناس بتشتكى من رداءة الدهان وانه بيتأثر بالرنل المتطاير. بس انا مش قادر احكم على الموضوع دا عشان انا مش بسافر كتير.

وبالنسبة لنقطة التيل فانا عارف ان الافضل ان التيل يتاكل احسن ما يضر الطنابير.
بس اللى مضيقنى فيه ان بيهبب الدنيا جدا. رغم انى بشوف فى عربيات تانيه بفرامل قوية وتيل من نوعيه جيدة ومن غير تهبيب للجنط.
وفعلا انا قلقان من نقطة ان الهباب دا يضر اى وحدة تانية وادينا بتعامل مع الموضوع دا بغسل الجنط من وقت للتانى.