اقتباس المشاركة الأصلية كتبت بواسطة البرنس مشاهدة المشاركة
باشا اللي يبقا مش غلطان و يعرف يخلع, يخلع ... أنا مرة واحد كان بيعدي الدائري و الأهبل كان بيعدي الدائري حارة حارة و كان في نص حارتي هو بيعدي من اليمين للشمال روحت كابس فرامل و كاسر يمين راح البيه إتردد و رجع لورا قدام العربية روحت شيلته مامتش بس إتكسر و كانت الدورية معدية بالصدفة روحت معاهم و إتعمل محضر و الإسعاف خدت الراجل و بعتله ناس من عندي علي المستشفي اللي هو راحها و دفعولوا 2000 جنية مصاريف دخلة المستشفي بعد كده لاقيت حد من طرفه بيكلمني بيقولي عايز 5000 جنية قلتلوا ليه يا حج هو أنا بطبع فلوس في البيت هو ألف كمان جدعنة مني عاجبك مش عاجبك إنت حر ... راح الراجل اللي و لا عندوا و لا ذمة ولا ضمير رافع عليا قضية و بيقول إنه كان مستني علي الرصيف و مش بيعدي ولا حاجة و أنا اللي روحت خبطه و كمان سبته و جريت
باشا مبدئيا ربنا يكفينا كلنا شر موقف زي ده لأن الواحد ممكن يروح فيها فعلا

بالنسبة للي خبط واحد و جري , اللي الشخص المذكور عمله ده اسوأ بمراحل من لو انه جري
ده لا منه ودى العيل ده يتعالج ولا منه ساب الناس تعالجه ولا حتى سابه في حتة حد يلحقه فيها
ده خباه
عارف يعني ايه تحط انسان مصاب و بينزف في الزبالة ؟
يعني من الآخر بتقتله عن عمد

تخيل لما تقع في مصيبة انك ضربت واحد بالخطأ و ممكن يكون هو اللي غلطان و انت فعلا معرض انك تتاخد ظلم
فتوقع نفسك في قتل عمد ؟
مش قدام البشر لكن قدام ربنا

ربنا يكفينا شر مواقف زي دي :(