واحد غلس وانا اغلس منه

**Karim_Monir** · 04-07-2007 04:43 PM

امبارح كنت في المصنع بتاع ABB في العاشر من رمضان عشان افتتاح خط انتاج جديد(وكان في محافظ الشرقية وسفير السويد وسويسرا وايطاليا) وناس جامدة كتير
تامهم وانا رايح كانت فرصة اجرب الكرولا علي سرعات عالية ووصلت ل 180
وانا نازل كنت برضة ماشي بسرعة نسبية عشان افتح شوية
المهم قبل العبور بشوية علي الشمال لانسر سبور 1600 اتوماتيك ماشي في الشمال علي 70
اه والله بدون مبالغة طبعا فرملت جامد عشان مالبسش فيه وهاتك يا نور مافيش فايدة طب كلاكسات(وكلاكس التويوتا غلس)مفيش فايد واتنين نقل قافلين الطريق
المهم قمت رحت اخر اليمين وعديت ورجعتلة ببص لقيت البية نايم في الكرسي ورافع رجلة علي التابلو(اه والله) زي بتوع الخليج وجنبة واحدة هاتك يا ضحك ولا في دماغة الطريق واللي يعدي يعدي مايقرفنيش
كبرت في دماغي قمت جيت قدامة ومفرمل والحال اتبدل وهاتك يا كلاكسات ونور ومفيش فايد وانا ضربت انتظار واحنا في الشمال لحد وا وقفتة تماما وقمت رافع الهاند بريك ووقفت
البية نزل رجلة وفتح باب عربيتة ونزل جايلي قمت مشيت بالعربية
مشيت بالرحة لحد ما جه ورايا وهوب قمت فتحت منه ما شافنيش تاني
بس كان لازم اعلم النوعية دي الادب مش المشي في الشمال بالرحة بلطجة وخلاص

علي هامش الموضوع النترا 2007 بدنجاني سخن معانا علي الطريق وهاتك يا جري ومعرفتش اطلع منه الا غرز لكن لو كان طوالي كان عداني

واضح فرق الموتور ما شاء الله ربنا يبارك فيها لاصحابها

**sokasoon** · 04-07-2007 04:49 PM

فكرة حلوة يا كريم والله

يستاهل ماشى بيستهبل على الطريق

بس حركة جامدة ههههههههههه :lol: :mrgreen:

**Abdallah** · 04-07-2007 04:50 PM

النوعيات دى اصبحت موجودة فى كل حتة يا كريم, مش فى القاهرة ولا الاسكندرية , لا بالفعل فى كل مكان.

**Hossam_Hassan** · 04-07-2007 04:53 PM

ربنا ما يوريكم على مطلع المقطم و الشباب الروش اللى طالع يتفسح مع صاحباته

**Nader** · 04-07-2007 04:56 PM

بس خاي بالك على عربيتك، حرام دى لسة جديدة، ممكن يطلع حمار و "لقدر الله" يلبس فيك من ورا ويبهدل لك العربية.
خليك انت الكبير :D

**Karim_Monir** · 04-07-2007 05:03 PM

مانا كنت باخد باللي في المراية قبل ما اقف
ولما وقفت سيبت بيني وبينة 10 متر عشان لو حمار زيه لبس فيه من ورا اطلع اجري خاصة اني كنت معلي ال RPM وجاهز للطلوع بسرعة

وبعدين يا معتز لو كنت نزلت ماكنش هايفني اني اطحنة بس بصراحة كانت الدنيا حر ولابس فورمال ومش طالبة خناق

:mrgreen: :mrgreen: :mrgreen: :mrgreen: :mrgreen: :mrgreen: :mrgreen:

**Karim_Monir** · 05-07-2007 12:22 AM

مش متاكد والله اني ممكن اعدي من النترا جديدة
لسه ماجربتش
انا طلعت منه غرز بس لكن طوالي ممكن نجرب يوم المقابلة بس لازم تكون مانيوال عشان نقدر نحكم
اما الكرولا ما شاء الله بعد ما ركبت ال RPM التاني جاب 100 وماكونتش خايف علي الموتور الحمد لله

-

الموضوع: واحد غلس وانا اغلس منه

LinkBack

أدوات الموضوع

عرض

واحد غلس وانا اغلس منه - انشر الموضوع فى :

-

-

-

-

-

-

المواضيع المتشابهه

لكل الاطباء طظ فيكو واحد واحد

هو يعنى ايه واحد يخبطنى وانا نازل اعديه؟؟؟؟؟؟؟؟؟؟؟؟؟؟؟؟

البقاء لله وانا لله وانا اليه راجعون...

واحدة غلسة وانا اغلس منها

الكلمات الدلالية لهذا الموضوع

المفضلات

المفضلات

ضوابط المشاركة