الموضوع: عاوز اشتري عربية سيفك 93 او 96 بس خايف الصراحة

السلام عليكم ورحمه الله وبركاته
تحية لكل اعضاء نايل موتورز وخصوصا الهنداوية

باختصار بقالي اكتر من كام شهر بدور علي هوندا 93 او 96 بس للاسف الشديد والنصيب طبعا ان كل ما اروح اشوف عربية الاقيها متبهدلة وزفت اما من جوة اوالمكنة عاوزة تتغير او شورت بلوك واما صاحبها ملمعها من جوة ومن برة ومروق عليها عشان تتخدع في منظرها ومشنه عفشة زفت ومكنه حدث ولا حرج او واخدة خابطة مأثرة علي الشاسيه او طالعه من حادثة مسمعه في اساسيات العربية ولو الواحد مكنش معاه سمكري محترم ومعرفة مكنش عرف الكلام ده وكان زمانه لابس عربية من دول
ده غير الافورة زيادة في السعر بقوم سايبة وماشي عجب العجايب في رحلة البحث عن سيارة
لما قربت اقول خلاص بلاش هوندا اركب ايه بس
بس للاسف الواحد بيحب الهوندا وخاصة 93 و 96
لدرجة ان والله كذا مرة تكون عربية هوندا واقفة في اشارة او صاحبها راكن وقاعد فيها بروح اساله مش عاوز تبيع
يعني بالرغم من اني من الدلتا يعني مفيش قطع غيار ليها الا ان الواحد ضحي بالفكرة دي وقال مفيش مشكل بورسعيد قريبة او القاهرة انزل اجيب كل فترة اللي عاوزاه
نعمل ايه تاني
نصرف نظر
ولا نشوف عربية غير الهوندا
ولا كل العربيات الهوندا هتكون طالعة من ايد شباب زي ما بيقولوا ومفروكة ( دي مقولة كانت دايما بتتقال عن العربيات الهوندا والابيزا 94 ) لان معزمهم مع شباب انا فعلا قربت اصدق الكلام ده
معلش طولت عليكم بس فعلا اتخنقت عشان ان عربية جميلة زي الهوندا تتفرم تحت ايد الشباب بالشكل ده وميبعهاش الا لما يجيب اجلها هتبقي مستني ايه بقي منها
عشان كده خايف لالبس في عربية هوندا لو كلهم بالشكل ده
لو حد عنده اي رأي يفيدني بيه

المشاركة الأصلية كتبت بواسطة ahmedeihab

يا عم بتكلمها ليه بس يا سامح دى واحده نفسها يبقى معاها ديهاتسو شارد يعنى متعرفش يعنى ايه هوندا من اساسه كبر مخك يا عم



^_^

ساعات الواحد بيكون عامل موضوع عشان ياخد رايي الناس اللي اكثر خبرة من خبرته ومنه ايضا ان اكيد هيرجع بالافادة علي اي عضو تاني كان عاوز يسال نفس السؤال
فكتر خير كل واحد رد وبردوا كتر خير كل واحد دخل ساب الموضوع وعلق علي حاجة تانية