الموضوع: تقرير كامل عن iphone 5s

المشاركة الأصلية كتبت بواسطة Al-Farooq

انا معايا النوت2 GT-N7100 ومعايا الاي فون 5

بالنسبة ليا انا مش بستخدم ميموري كارد فى الاثنين ومش فارق كثير
الاي فون فعلا بيقرفني لو هنزل عليه بيانات بعكس النوت من غير برامج زي اى يو اس بي

الخاصية اللى عجباني اوي في النوت هي القلم باخد بها نوت بسرعه حتي لو الموبايل مقفول
بالنسبة للقرأءة والكلام دة طبعاً النوت مناسب اكثر بس لو حد عاوز شئ هيقرأ منه كتب كثير ويكون مريح يبقي مفيش غير كنيدل ومينفعش تابلت للقرأءة ومش هيكون مريح للعين إلا لو قراءة لحاجات بسيطة بقي فالنوت مناسب جدا

خلاف ان الاي فون سريع جدا ولو حتي بنفس مواصفات اى موبايل تاني لو حتي مواصفاته اقل من اى موبايل تاني ، بيكون سريع طلقة الموبايل دة فى أداءة وتنفيذ المطلوب منه بالنسبة لباقي الموبايلات يعتبر البوجاتي فيرون :) ، مفيش حاجة مثلا اسمها تلاقيه يعمل ريستارت لوحده ، الجرافيك فيه عالي جدا مفيش حاجة اسمها تلاقيه يهنج او علق وكفاية انك مش محتاج فيه لبرامج زي App killer او البرامج اللي زيه ، وكفاية انه مش محتاج انتي فيرس او وانت بتشحنه من الادابتر بتاعه مش هلاقي الادابتر بيعمل زنة وشحنه سريع جدا وكفاية انك مهما تملي الذاكرة الداخلية ميحصلش فيه لخبطة وأكنه اتعفرت وبيدي أداء ممتاز دائما مفيش حاجة اسمها هنزل براوزرعلشان سفاري وحش مثلا مفيش حاجة اسمها هنزل برنامج للكاميرا علشان تاخد صور احسن مفيش حاجة اسمها ادخل على السيستم انضف الرام! حاجات كثير!

هو الاي فون عقيم في حاجات طبعاً بس لو هنقارن نظم تشتغيل فالاندرويد محتاج تطوير كثير علشان يكون فى كفاءة وسرعة ال IOS

والاعضاء الكرام اللى بيقولوا ان الاي فون الجديد مخيب للآمال هو دة مش اي فون جديد اصلا دة مجرد اصدار احدث انا بعتبره ابديت يعني الجديد اللى نشوف فيه تغيرات شوية نقول عليه Iphone 6 مش 5 وخلاف كدة زي ما الأخوة تفضلوا ال 5 فيه بروسيور فى 64-bit Apple-designed A7 processor محدش عمله قبل كدة!

وبالمناسبة مفيش حاجة اسمها ويندوز IOS ، ويندوز دة نظام تشغيل بتاع ميكروسوفت و IOS نظام تشغيل بتاع ابل - بس هو الاندرويد فعلا بيفكر الواحد بالويندوز بتاع الكمبيوترات :)

وعلى العموم اللى متابع ابل هيلاقي ان التطوير فى نظام التشغيل نفسه وفى ملحقاته كبير جدا وفارق عن اى نظام تشغيل تاني فى العالم. خلاف كدة أبل عندها كام منتج شغاله عليه غير سامسونج بتطلع كذا موبايل بكذا شكل بكذا حجم ومواصفات مختلفة وهكذا وبالنسبة للثمن هناك الموضوع عندهم خلاف عندنا انت ممكن تشتري البتاع الاي فون 5 دة ال 16 جيجا ب 100 دولار يعني قول 600 او 700 جنية مصري "اللى هو مقفول" وبتعمل عقد سنتين. ومفيش الارقام بتاعة حرامية بلادي الوطنين المخلصين اللى هما نفسهم رفعوا سعر العربيات بال30 و 40 الف بدون مبرر! يعني لو هيكون متاح تبع شبكة فى مصر ومقفول عليها المفروض يبقي بالثمن المذكور آنفا والأخوة يصححوا ليا لو انا غلطان!

طبعاً دة مش معناه اننا هروح اجيب اي فون تاني بس هو كانت غلطة عملتها ومش هتكرر وكان لظروف خاصة ، لكن تقييم الجهاز لازم يكون بموضوعية.

بالنسبة ليا بعد كل الكلام دة الأختيار الافضل هو النوت 2 مع المساوئ بتاعته لكن كفاية عندي القلم و البطارية ال3100 ملي امبير ونازل له اكسوسوريس بطارية تقريبا 6100 ملي امبير! خلاف انه عملي كثير بردو ومتوافق مع حاجات كثير.

وفى النهاية الأثنين فشلوا يعملوا المنبة بتاع نوكيا ، كان الموبايل يتقفل ويفتح لوحدة فى المعاد و يصحي الواحد ، مش عارف دول بيطوروا كل حاجة إلا المنبة ليه ، انا مش عاوز السينسورز بتاعة سامسوج ولا البروسيسور بتاع ابل ، انا عاوز موبيل مصري فية منبة زي بتاع نوكيا :D

كارت الميمورى الخارجى يختلف من احتاجات شخص لاخر وانا عارف ان مفيش حاجه اسمها ويندز كذا انا اقصدى نظام التشغيل و هو خطا كتابى فقط و ليس خطا جهل عندى ( المفروض اموت نفسى لو مش عارف الفرق بينهم يعنى ) ده نظام تشغيل انتجته ميكروسوفت و طورته لكل اجهزه الكمبيوتر و الان بيطوروا فيه عشان يشغلوه على الهواتف الذكيه ال ios ده نظام تشغيل هواتف ذكيه من شركه apple و iphone 5s اسرع من اى موبايل تانى لان فيه CPU Supporter بيخليه يادى و يعالج اسرع من موبايلات كواد كور و رامات 2 مع انه دوال كور و رامات 1 DDR3 G.B وطبعا كجوده و ماتيرليز لا نقاش طبعا فى النقطه دى و الاسعار هنا فى مصر معروف انها استهبال فى كل حاجه عشان كده بقارن سعره فى مصر بامكانياته مقابل تكنولوجيا تانيه بسعر اقل مليش دعوه بامريكا مثلا انا مش هشتريه من هناك وبعدين اهم حاجه المنبه يا باشا مفيش اى تطوير للامكانيات خالص