الموضوع: تقرير كامل عن iphone 5s

المشاركة الأصلية كتبت بواسطة Silent~Dream

1- لا بس انا بتكلم فى حاجه اساسيه فى اى سمارت فون و هو ان الشاشه تكو 4.5 انش او اكثر


2- يا باشا متفقين ان ابل دايما مبدعه و معظم الشركات التانيه بتسرق افكارها طيب انا كمستهلك مالى ؟؟ الى يسرق والى يعمل اهم حاجه تكنولوجيا بسعر معقول و لو حضرتك خدت بالك من الكلام انا كاتب نصا
لا مش مهم اصلا اهم حاجه دقه التصوير و كفائه الكامير فى الصور يعنى مش هى هى زى ما حضرتك قولت
يعنى من الاخر اهم حاجه سنسور الكاميرا و جودتها و كفائتها فى التصوير

3- كلام جميل بس سعر iphone 5وقهتها 1.5 مره قد السامسونج S3 يعنى لازم يكون اعلى بفرق كويس لكن دلوقتى مثلا iphone 5 vs S.G.S4 ايه راى حضرتك ؟؟؟ و الايفون لسه اغلى بحوالى 1500 لل 16 و 2500 لل 32

4- انا عارف النقطه دى و فعلا النوت 2 ال 16باقى منه 11 جيجا فقط بدون اى apps او اى حاجه لكن فيه ناس بتفضل يكون فيه مساحه تخزين خارجيه و ده مش عيب يعنى هو شايف ان ده لازم يكون متوفر فى السمارت فون و فى الاخر تقبل تحياتى

1- أيه اللى خلاها أساسية ؟

2- أيه علاقة أن أبل مبدعة بيك كمستهلك ؟؟؟ حضرتك كل حاجة و ليها سعر.....كون أن السعر مش عاجبك ديه حاجة ترجعلك.....بس ده مش معناه أن الحاجة مش كويسة......زي كده الفرق بين العربيات الألماني و العربيات الياباني فى السعر......هل الفرق ده من مفيش ؟ يعني مش بتاخد حاجة قدامه ؟

أكيد بتاخد حاجة قدامه بس تقديرك للحاجة دي هل تساوي الزيادة فى الفلوس ولا لأ هو اللى ممكن يختلف.

3- أنت ليه مصمم تقارن بين سعر الأيفون و ال s3 فى مصر مع أن كلنا عارفين أن مصر عبارة عن سوق سوداء كبير ؟

السعر الرسمي المعلن للأيفون 5 و ال S3 اول ما نزلوا الإمارات كان 2749 درهم لأي منهم.

كون أن فى مصر فيه ناس مستغلة ده مش معناه أن التليفون وحش.

4- ما أنت حتحتاج مساحة تخزين خارجية علشان اللى عندك فعلياً على الجهاز قليل.......الكلام ده فى سامسونج ماشي..........لكن فى أبل أنت فيه فرق حوالي 2 جيجا زيادة غير أن فيه ضغط بطريقة معينة بيحصل للملفات الأوديو و الفيديو بيقلل من حجمهم على التليفون من غير ما يأثر على الجودة.
كمثال الأغنية ال 4 ميجا (mp3)
على السامسونج بتاخد 4 ميجا
على الأيفون هتاخد أقل من كده

لو عاوز تقرأ شوية فى الموضوع ده

Difference Between mp3 and m4a | Difference Between | mp3 vs m4a

نفس القصة تنطبق على الفيديوهات


تاني.......أصبر على الأيفون لما ينزل رسمي و قارنه بسعر ال s4 الرسمي أول ما نزل اللى هو كان 5777 في راية.

و أخيراً.......عاوزك تقرأ المقالين دول

Samsung Caught Cheating Again With Galaxy Note 3 Benchmarks, Phil Schiller Calls It ‘Shenanigans’ | Redmond Pie


It's Not Just Samsung: A Large Portion Of Android Smartphones Play The Benchmark Cheating Game | Redmond Pie