الموضوع: عايز نصيحة بخصوص شراء موبايل بشاشة كبيرة بدل الآيفون 5 !

المشاركة الأصلية كتبت بواسطة M7amD_7amDy

نوت 3 أكيد

وحرام تجيب نوت 2 وال 3 هينزل قريب

ما هو ده متوقف على السعر بتاع النوت 3 لو الفرق كبير كده ممكن أفكر في النوت 2 وممكن كام شهر أبيعه على ما سعر النوت 3 يقل وهتلاقي الفرق بينهم بيتضاءل جامد وممكن أبيع النوت 2 كسر زيرو وأحط عليه 1000 جوند وأجيب نوت 3 كسر زيرو برده أبقى وفرت بتاع 1500 وش

المشاركة الأصلية كتبت بواسطة Anti_virus_abdo

علي حسب فلوسك
لو تقدر تستني و تدفع ازيد شوية استني النوت 3
لو شايف النوت 2 كويس بالنسبالك انا شايف انة صفقة هايلة.
لو معاك نوت 2 ال Updgrade مش لازم كنت قلتلك بس طلاما لسة هتشتري فممكن تنستني احسن
فرق الريزليوشن من زي انت متخيل, الفرق بين ال 720p و ال 1080p مش رهيب في الشاشات الي اقل من 6 بوصة او الموبيلات عمتا, عينك اصلا مش هتشوف ال pixels كدا كدا بس طبعا هتحس بنقاء اعلي و سهولي في القراية اكتر من غير اي zoom, كاميرا النوت 2 كويسة جدا بس النوت 3 اكيد افضل و بيصور فيديو 4k كمان (ملهاش لازمة دلوقتي طبعا خالص, شكل النوت 3 افضل
فيه تحسينات في ال features بتعات ال s-Pen بس كلها حاجات مش الواو, مش الفرق بين النوت 1 و 2 مثلا
الرامات 3 جيجا دي هتفرق, بس ال 2 كافية جدا بردة, البروسيسور مش فارق انا رأيي بس الفارق ال GPU عشان اداء ال Note 2 فال Games الفيها Intensive graphics وحش.
لو مش بتلعب جاميز كتير ولا من هواة التصوير اوي هات النوت 2
بالنسبة لل HTC One انا بعشق وHTC و بعشف HTC Sense و كفاية ال Build quality بس هو فية نفس العيوب الانت سايب عشانها ال iPhone بالنسبة لل Expandable memory و شاشة مش كبيرة كفاية, فرق ال 7 انش مش يخلوك تغير موبايلك
ااه حاجة اخيرة, انا مش بحب سامسونج, ممكن اكون بكرها كمان :D, بس عاوز اقول حاجة شافها بتتكرر كتير, فيه فرق ما بين ال Build quality و الموبايل يبقي بلاستيك و كدا و انه يستحمل او ميستحملش, سامسونج كل ال flagship بتعتها بلاستيك بس دا مش بيخليها تتخدش بسرعة و ال Signal احسن من الموبايلات ال ....l بس هو ملمسة وحش جدا و بتحسسك برخص الموبايل بس مفيش حاجة اسمها يقع يجيب شاشة و الكلام دا, و ال TouchWiz وحش فعلا بس سريع و عملي
فالاخر القرار ليك و معلش طولت بس كنت عاوز اوضحلك علي قد ما اقدر

لا بالعكس مطولتش ولا حاجة بصراحة انت كلامك أقنعني جامد خاصة إني فعلا مش بتاع Games خالص موبايل إيه ده اللي يتلعب بيه ألعاب ياعم منا عندي التابلت ال10.1 بوصة وعندي شاشة الكمبيوتر ال23 بوصة هروح ألعب بالموبايل أبو 5.7 بوصة ؟!
أنا يا باشا Web designer يعني أهم حاجة عندي في الموبايل إشعارات الإيميل توصلني أول بأول حتى لو أنا برة وأقدر أفتح نت وأدخل على المواقع بتاعتي بشاشة كبيرة نسبيا لو برة البيت وأقدر أدخل على جهاز الكمبيوتر بتاعي برده من برة وأقدر أعرض شغلي للعملاء من خلال الموبايل بس طبعا كل ده مش هينفع بالآيفون زائد موضوع قراءة الكتب الpdf زي ما وضحت والورد القرآني فأظن 2 جيجا رام رائع جدا خاصة إن الآيفون 1 جيجا بس ومش حاسس ببطء خالص وكذلك موضوع البروسيسور لكن الكاميرا عندي مهمة لأني بصور مشروعات وكورسات وكده فأرجو إن النوت 2 يسعفني في موضوع التصوير والكاميرا متكونش سيئة خاصة إن كاميرا الآيفون خطيرة فعلا سيبك من حوار ال8 ميجا وال13 ميجا والكلام ده أكيد انت عارف ان الpixels مش اللي بتميز كاميرا عن كاميرا فأنا هدعبس كده عن كاميرا النوت 2 أشوف الناس بتقول عليها إيه وساعتها هقرر لكن أظن الكلام النهائي هيبقى بعد نزول النوت 3 عشان أشوف سعره كام لو الفرق كبير وهيعدي ال5500 مثلا يبقى النوت 2 زي الفل لكن لو السعر معقول يبقى أكيد هجيب الجديد
تسلم يا باشا على الإفادة الجميلة