مفآجاه غريبه جدا جدا بس حلوة ................عماد

**Emad** · 04-07-2007 05:08 PM

من فترة كان عندنا معسكرات مغلقة الفترة اللى فات علشان الماتشات فزوغت ساعه فى يوم اجيب حاجة استعدادا للسفر للمباراة
المهم وانا ماشى بالعربية بشوف اسبيرانزا كتير بس المرة دى انا عديت جنب اسبيرانزا وجريت فى زاكر حسين وبعد كدة لايت اللى ورايا بيحاول يجيبنى بس مكنش عارف صح يا استاذ وائل لغاية لما انا لاحظت وهديت قولت يمكن عايز يسالنى فى حاجة و جه جنبى و طلب منى فتح الشباك و قالى باللفظ بتخش على نايل موتورز قولتولو انا عماد عثمان وقالى انا وائل عطية و يا جماعة ماتتخيلوش مدى فرحتنا هو ده بقى اللى احنا عايزين نوصللو نبقى عارفين بعض حتى ولو فى الطريق و طبعا نساعد بعض يعنى لو واحد واقف فى الشارع وعنده مشكلة تلاقى كل الناس معاه يعنى اسرة واحدة و ركنا و اتكلمنا بس للاسف الوقت مكنش كتير و كان شرف ليا انى اقابله و اتمنى ان اراه قريبا بخير لانه انسان محترم ومهذب جدا
هو عرفنى من الشكل الخلفى لسيارتى الذى يسالنى كتير عليه و هو تفييم الفوانيس ليظبط الشكل من ورا شوية
الكلام ده من زمان شوية يا وائل باشا يعنى شهرين تقريبا بس من ساعته دى اول مشاركة لية وانا معاك فى اى خناقة الفترة الجاية اما وكل الفريق
وربنا معاك
وشكرا
عماد عثمان

**Nader** · 04-07-2007 05:12 PM

ولسة لما نلزق اللوجو، هنعرف بعض اسهل

**AMRSPEED** · 05-07-2007 04:08 AM

ياريت ياكابتن عماد تورينا شكل عربيتك من ورا تصورها لو امكن

**m10_10** · 05-07-2007 04:25 AM

كل واحد يكتب رقم لوحة سيارتة و لونها

صعبه الحته دي عشان مش كل الناس بتحفظ كويس
سعنس انا مثلا عشان اعرف حد ابقى فاكر موديل عربيتة ولونها ورقم اللوحات :?

هيا حتة البادج بتاع الموقع ده هايكون جاااامد

**ahmednagy** · 05-07-2007 04:46 AM

اصل انا للنسبة لى باكون ماشى فى الشارع باتفارج على نمر العربيات و اقعد اقول ياه حلوه النمرة دى و هكذا :mrgreen:

**fahd_628** · 05-07-2007 05:35 AM

فعلا اللوجو حيعرفنا على بعض اكتر

و شكرا على الموضوع و الموقف الجميل دة !

**وائل عطية** · 05-07-2007 08:31 AM

فعلاً يا كابتن عماد كان موقف جميل وأسعدني جداً خصوصاً إن دي كانت أول مرة أشوفك فيها
وأنا كتبت تاني يوم على طول عن الموقف دا
http://www.nilemotors.net/Forum/viewtopic.php?t=2396

**Sharky** · 05-07-2007 10:21 AM

السلام عليكم

أكتر حاجة عجبتنى فى الموقف دا الروح الجميلة بين الأعضاء و إنهم نفسم يشوفوا بعض حتى لو صدفة فى الطريق

أن شاء الله لما البادج بتعمل و يتلزق على السيارات حنلاقى مصادفات كتيرة من دى و حتبقى لذيذة قوى