الموضوع: مركز فرست كار

بالنسبه للصيانات الدوريه انا جربت اعملها فى التوكيل فى ابو رواش وفى مركز الكويت و البلاد العربيه فى شارع التحرير و بصراحه الأثنين كويسين بس لما بكون مستعجل بروح الكويت و البلاد العربيه والأتنين اسعارهم واحده لكن فى فرق واحد هو انه لو فى عيب صناعه لايتم اصلاحه فى مراكز الخدمه المعتمده وهيطلب منك ترجع للوكيل الرئيسى
وانا معاك ان الأسعار بيكون مبالغ فيها فى بعض الأوقات لكن طول ما عربيتك جديده وفى الضمان يبقى خليك ماشى مع التوكيل او مراكز الخدمه المعتمده علشان تضمن حقك وبعدين هما مش بيغيروا عمال على بطال يعنى مثلا فى صيانه الأف الأولى و الخمسه الاف و العشره الاف مفيش حاجه بتتغير فى العربيه غير الزييت فقط وده برضوا حسب نوع الزيت اللى حضرتك بتحطه . ياريت اكون قدرت اساعدك

يا جماعة الصيانة فى التوكيل مهمة جدا أنها تتعمل بأنتظام علشان لو فى أى مشكلة هما يتحملوها وعلى فكرة لو أنت عامل الصيانات بتاعتك بأنتظام هيصلحولك أى عيب وهما ساكتين ومن غير كلام وأفضل مراكز خدمة معتمدة هى مراكز أبو غالى منظمين جدا أنا من رأى تكلمهم وتشوف أقرب مركز خدمة قريب منك 19570 وهتكون مبسوط أوى منهم وللعلم متحاولش أنك تخرج من الصيانة الدورية قبل ال20000 ك علشان أنا العربية عاندى كانت زى الفول وأبتدت عند 13000 تظهر فيها بعض المشكلات والمشكلات دى عيوب صناعة وهما بيغيروها على حسابهم بس تكون عامل صيانتك بأنتظام فأحسنلك أنك تضحى بحبة فلوس قليلة تدفعها مصنعية زيادة تضمن بيها أنك تغير عيب على حسابهم وكلوا فى مصلحتك