مركز فرست كار

**meller** · 08-09-2008 01:09 PM

انا لسة منزل الملف بتاع مراكز الصيانة ولقيت فية مركز اسمة First Car والا انا اعرفة انة مركز معتمد وفي فيصل فهل هذا المركز زي التوكيل في كل حاجة وهل سعره نفس سعر التوكيل لاني مفروض اروح عندهم في اقرب فرصة علشان في شوية حاجات في العربية لسة هتتعمل والعربية عاملة 2000 كم يعني لسة في الضمان

تم تعديل العنوان ليتناسب مع المحتوى

مشرف القسم

**MMamdouh** · 08-09-2008 01:30 PM

انا مش عارف ايه نظام اسعارهم بس هما مركز معتمد زية زى التوكيل و صيانتة يعتد بيها فى الضمان و خلافة

MMamdouh

**MMamdouh** · 09-09-2008 01:06 AM

كفر طهرمس من شارع فيصل... امشى ورا اليفط

MMamdouh

**meller** · 09-09-2008 10:30 AM

هو انت يا بلومان روحت فرست كار قبل كدة ولو روحت ياريت تقولي رايك

وهو دة رقم تليفونهم 37211302,3,4
والعنوان بالضبط :- شارع محمود مرسي -متفرع من كفر طهرمس

**acounter01** · 09-09-2008 10:39 AM

السلام عليكم ورحمة الله وبركاتة
بعد التحية ،،،
انا يا جماعة رحت فرست كار قبل كدة مرة واحدة ومكررتهاش تاني
اولا :- استقبال 100%
ثانيا :- معاملة 300%
بس المشكلة عندي انا معايا لانوس 2000 اتوماتيك ورحت بيها فرست كار علشان العربية كانت مخنوقة جدااا
بعد الكشف والمداولات جالي تقرير الفحص يفيد بأن الفتيس مات وأنه لازم يتغير يعني حيمشي معايا أد 6 شهور وبعد كدة يترمي ويجي غيرة استيراد .
اخذت العربية ورحت بيها لحمادة في المنيل وكشف علي الفتيس ورحنا كشفنا علي العربية كلها علي اسكتنر ومفيش مشكلة ظهرت
المشكله يا جماعة كانت في المنافول هو ال عاوز ينظف علشان كدة العربية كانت مخنوقة ودة مخلص حكايتي مع مركز خدمة فرست كار

**meller** · 09-09-2008 11:24 AM

معني كلمك ان الخبره عندهم مش قد كدة, استعمال لفظ الخبرة افضل من استعمال لفظ تاني .
طيب انا عندي راي انا لسة عربيتي في الضمان وعاملة حاليا 2100 كم ولما سالت اية الضمان قالوا ضد عيوب الصناعة وعمره ما هيطلع نفسة غلطان في التصنيع معني كدة انة مفيش ضمان
وسالت في فرست كار قالي انا بعد صيانة الالف كيلو اي صيانة جاية يعني صيانة ال5000 مفروض في حاجات هتتغير يعني هتدفع حق الحاجات دة + المصنعية لان المصنعية ببلاش في ال1000 كم فقط .
ودة فيما معناة انك لو روحت عند مكانيكي هيكون ارخص وممكن تكون نفس قطعة الغيار بس ارخص .
اي رايكوا يا جماعة انا صح والا غلط

**acounter01** · 09-09-2008 11:50 AM

والله يا استاذ meller انا حاسس ان قطع غيرا التوكيل هي هي قطع الغيار ال في السوق يعني صيني بردة ودة في اعتقادي الشخصي والله أعلم
بس بالنسبة ل فرست كار لا أنصح بذلك

**MMamdouh** · 09-09-2008 12:19 PM

المشاركة الأصلية كتبت بواسطة meller

معني كلمك ان الخبره عندهم مش قد كدة, استعمال لفظ الخبرة افضل من استعمال لفظ تاني .
طيب انا عندي راي انا لسة عربيتي في الضمان وعاملة حاليا 2100 كم ولما سالت اية الضمان قالوا ضد عيوب الصناعة وعمره ما هيطلع نفسة غلطان في التصنيع معني كدة انة مفيش ضمان
وسالت في فرست كار قالي انا بعد صيانة الالف كيلو اي صيانة جاية يعني صيانة ال5000 مفروض في حاجات هتتغير يعني هتدفع حق الحاجات دة + المصنعية لان المصنعية ببلاش في ال1000 كم فقط .
ودة فيما معناة انك لو روحت عند مكانيكي هيكون ارخص وممكن تكون نفس قطعة الغيار بس ارخص .
اي رايكوا يا جماعة انا صح والا غلط

كلامك صح من ناحية التكلفة لكن حتثبت حقك ازاى لو حصل مشكلة فى العربية لا قدر الله بسبب عيب صناعة؟؟

اسهل حاجة حيتقالك العربية دى اتعمل فيها شغل برة و شكرا... غير لما كتيب الصيانة مليان اختام التوكيل على كل صيانة معمولة فى معادها ساعتها تحط صباعك فى عين التخين و ممكن توصل انك تعمل محضر و ترفع قضيه على الوكيل لو حب يهرب من المسؤليه اللى عليه فى الضمان

طبعا لو عربيتك خرجت من الضمان يبقى انسى التوكيل

MMamdouh